¹ Danmeq mat in sansan martonim eman on-mataw ginad dimunta gigo hib lah, teq gigo onmin ginaq, nog ya gamuk helta amuganib anan inad bilaqaqta, teq yaqmo diq a'haiq, i bunmo i gamuk helta ago hurit-ta. ² Izaqgo gamuk helta na in i gimuganib usaq, an in tuteqmo i gimuganib usdaq. ³ Ad daq amaroranta, gigem dimunta, zib-alow na in i gigo hib usdaq, Mam Kuluwakluw atatin Yesus Kristus inaq daq tutnontab teq an utqet ago daq amuganib i osam. ⁴ Ya inad didiq bilaqaq na in kazaq, onmin asor in wagam helta amuganib luwaita i tiginagun, bilaq-ne i Mam Kuluwakluw ago gunun tuwaw ta nazaq. ⁵ Muran ya ninan inad bilaqaq, ka in gunun araq mutur ta ya haimarton, ta te i kwaziqmo inaq tiqiyta na in kazaq. I an-qutqetad zib'alowib osuq. ⁶ Kuluwakluw ago daq amarorqanta amuganib i luw-osad in-ago gunun ta muzin-go in anad usaq. Gunun ka kwaziqmo ni hurit ta nazaq-mo ni muzinad luw-os. ⁷ Mataw katqiyaita in ogsaw bunmo tuwaqiy, ad mataw na in Kuluwkluw Atatin Yesus Kristus bolim mat iyta na abinta in hai-bilaq hasaita. Mataw na in profet katiyta. ⁸ Negmo gihol a'holwaqiy, ad nagah i akabiyan emawq na ago gidek haizizalan, ad ne naw bunmo waq-daqaita. ⁹ Naga matawin in danmeb iyad in Kristus ago gamuk amuganib zawaidiq iyim a'haiturai ta, mataw na gigo Kuluwakluw haiqta. Ariq nog in wagam waz-nahiqyim turaqta na, mat na in Amam'ta teq Atatin'ta inaq. ¹⁰ Ariq mat araq in nin-go hib bolad in wagam ka inaq haibolid ni waqeq nin-go bitab ad haileh, ad ni zeq-dimun haiq-ug. ¹¹ Nog in zeq-dimun ug-daqta na, in mat na ago daq miqinta na in inaq-mo asor emaqta. ¹² Yaq-go wagam kabemo martoneq emid nego hib boldaqta inaqta, ta-teq ya sansan-ib martoneq emid a'haiboldaq. Na'ago, ya inad na yaqmo diq boleq ne ginobun ahol waqad ne ginaq wagam emad, i ginad-didiq bilaqdaq. ¹³ Nihiyniz ni gitowan amta na in-gigo onminta nilowin waqdaqai.