¹ Sag Jud, pail danah Jisas Krais do sag Jems amag, Sag e-har urug jein mimino danah aga ogom God Papa mamijag urviginu amugbeb agado daim. Nug jet pamigiram hag Jisas Krais. ² Oijag, inau megu, medo nin ojag begu. ³ Jejepar, sag ai murug jegi God pail nuga eneravi vaije aigigu. Sag e-har uhrug hag pail gaienegag oijag gaiate God pail nuga mevsegu danah mimino nuga. ⁴ Dana vate medo nin idovi God jumigo medo nin sen medo nin agaru aravi nin medo senis seram nau. Nin idorami medo nin idorame, Me iga me Jisas Krais. Ama meman nin aman, danah uhan danah medo nin hor dogog, ogoga maigag. ⁵ Hag emon haradoravi, sag nin haga damep haga ato segu. Amame pail haurerenu seman Isip, simur naumeman danah mimino me nug nin idovig. ⁶ Ensel hagen avodo neravi pamega idavig Tivul me nin nuga maraman, avagari uga sivig. Me muri aur ot biriman jav nau aur dagag. Gatutu hogag maraman, Medo uha amuguri dagag. ⁷ Sodom na Gomora osei anu andagu avf me gugir daravi, nin avig gagin mevig hag ensel. Gagin nau jamimeravi gagin nau meravi gagin nau agigu sem, agigu oravi aimarup direp nuga imaigu. Emon amaseman,nanu doi hig dameig simur ep jamirina ep ogo. ⁸ I ogogu danah anu sumur ogoravi avura agigu auravi fegeri nau meravi. Nau meravi medo nin idoravi God ensel nin nau mararavi jav me avo. ⁹ Ugoro ensel Maikel pban mene pil danah ete man jiripil Moses, Maikel ho ori iseman, satan nin nau mereman. Nin anu aman, "Hig jet aseg". ¹⁰ Danah nin nau aravi emon idoravi sig idoravi. Hagarjo damepage ira, ogoravi fegeri do loik ogoravi. Gagin agai jet nau mararam. ¹¹ Hag pameni. Ogoravi sumur gagin Kein. Hag iaug augag, Balam meman agigu osoi mevig. God nin nuga idovig, Kora jo, agigu gagin anudo lusmevig. ¹² Nase era solwara rip jo jumogo dagaga Sip aigigu mereravi. Dana era sega naue eneravi emon era higa inag. Agorogari iniram, agag ejaga agai jet dameravi. Ag abmavo dira jo ge vet aurire ogoram. Ag aim neineram jo ge anuga avom vaije eleava eterup ah ari ai. ¹³ Agsima eme mauriram jo gagin aga aigigu aur, ge orogari aga maig niram sima igor jo. Pbirum agai osi maraga i ogaravi. God avotusem inigi erado ogoga nug ai hanhan daugag. ¹⁴ Enok nug gam gere 7 Adam sumur jamirem, ge nug nin sumugag ja mirunu anuan, "Sag danahme souritame danah agen vigirep ensel nuga hai. ¹⁵ Ge nug aigigu maragu dosem edana agen nin aur madagu. Nug enevf danah bilip danah aigigu enevig. Danah vate nau God enevf agado ge damet aigigu eneravi. Hag nuga do enevig." ¹⁶ Danah ega ogori naumem, opbagaravi. Ge ag gagin aga aurhu. Gauga garavi ogoripep binagari aga avoautegu. Ge danah fufuriravi sumur jamiriga gagin naga haur. ¹⁷ Ge avagamag hag ge hag aposel aga nin dameni God higa Jisas Krais nin maig. ¹⁸ Ag agado anuan avig, "Ah maem, danah amurijep segag, geag God sumaijirigag gagin nau aga aur." ¹⁹ Danah ega sios maurep. Ge danah igigiri aga hau darovi, ge Holi Spirit aga aur idarume. ²⁰ Ge hag avagamag, egag hanhan bilip gaimeni God ge Holi Spirit dai prea agag gaimaragudo. ²¹ Ge hag God hanhan amugbeb ogog hanhan dani. Ge hag hanhan odop Eme iga Jisas Krais ge hag vet inag marug hanhan inavf dagag. ²² Ge hag danah bilip aga gai idami. ²³ Ge hag danah vate gumurani ge hag ai marup hogag e-ev ogoni nau hanhan agagdo. Ge hag farug dain ge vate ogori dog dain, ge hag danah aga bata dani gagin aga duguril enupai ge hag aimgage aga duguril haidaip. ²⁴ God osoi pamarao ge hag bai inugag, ge hag omorere augogudo osoi avf nuga inavf haur dagag, ge hag nin aigugu ira, ge hag ogori pep emedavu. ²⁵ God jauhu gumigep igadavor Jisas Krais, Eme iga. Gu nug King, emon agen gumurem. Biname gainuga hu. Nug ama-daman gena darom, ge nug anuan hanhan dagu. I jo.