¹ Sag Jon ehar uhrug jemi amag nuga aur ogom saga Gaius, sag naga do amoibem. ² Amag inau, sa medo nin arami emon agen do veleu ira spirit naga inau dagu. ³ Sag hoi inau meram amag nuga sem, nin inau maig a-am mani naga, gagin naga inav haur ogorame. ⁴ Hoi pepsag vate aga jo ira, ge saga damein nabara saga nabra saga da marami gagin ogag darami. ⁵ Amag inau, nag hon inigi pail do merame nagavag amag aga gamgre meme danah vate agai, ⁶ vente gagin naga inav doam sios aga amug kbem. Na gagin inab gai eneme i God amug kbem, ⁷ arido, Danah me do nin aur ogovi, ge hag emon jaiajavi memino danah Juda do ira. ⁸ Anudo hig gagin hanu anenig mimino danah hanu an, ge hig pail danah nin inigi do daig. ⁹ Ge sag eha jen nasele sios venaga, ge Diotrepas, ge nug danah hugoro dagu do eneram, hig haugep do u-um. ¹⁰ Anudo sagsevi, sag sene ogone gagin agen enem, ge nug nin javujavu hig do am. Nug gagin nuga arado hoi kbem, nug amagur haririnu inabpa imarem. Ge nug jaja auririgu do nug tap uhrurem sios haur jamirirem. ¹¹ Amun saga inau , nag gagin nau eneravi sumur hev jamirere, ge nag gagin enavf haur ogo. Danah vente gagin inav eneram, nug God nuga, danah gagin nau eneram, nug God do idob. ¹² Mimino dana osoi do bilip meravi Demetrias do nin inavf humeram, ge hag nin maig, nug danah nin inigi. Hig ai witnes gen nin higa hainigi. ¹³ Sag emon agen hene ear naga dojevi segu, ge sag emon agen naga do segudo umi. ¹⁴ Sag ge na nag itisi dog gugurem, sag gena irun itane nin osoi nin ait. ¹⁵ God oinav mef dagat. Avagamag ogori inag nagado mougem. Hoi saga inav mep avagamag jahujahu aga ogom.