¹ Aya Pol, Negur ne' ferfer, Yesus Kristus ne' aposel, Negur igirn'edin neid momoiya nigin ado, momoi ne' kelei' uyu irou di, idi fateul bagai dibodo'f nigin, igirnnan, ² momoiya ado kelei' ani', mata faimud ibodkeleyane' wau iseya bun ibodok, mata faimud ibodkeleya ani' ani nigin Negur i' to idege'dig, fau sain gariya inoya sa' mog, wau kuturol fen, promis od iron. ³ Agef fen, yogon sain bun bagai, Negur neda Isennadaya i' iro' de, aya biya od wogo'ya kabi' ifanan ani' bunem wogo' au di, in od yaoren, ⁴ Taitus, neu kesu bagai, ada momoiya tekekei ado o' bun pas enei atotof; Negur Tamada ado Kristus Yesus neda Isennadaya neid wau ifene'ya ado wau inosiya o' bun ibodo'f. ⁵ Aya Krit nuyo nan atornon ani' ne' gariya are, ereb bure felediya san ani' madur woid fen, taun ganan bun uyu irouya, aya o' orokonon gen ugirne'diyouf nigin. ⁶ Uyu irouya are i' bouwa od sa', kayau teke lei aiwa, tamo i' ne gere tar momoi ya ado, tete'ya, idodo'ya sa'. ⁷ Sios lo fia i' Negur ne' kabi' ifene'ya nigin, i' bouwa od sa', to aya dogol yedig, kaisa to name isedig, aai fatuk to yo'dig, to kusi' yedig, idege'y abunem safina yo yaledig. ⁸ Agef ma'. i' tamo yaledig, ereb biya nigin wau laa fedig, i' kisi biya ado ibodo' dig, madur, fateul, i' yogo nigin biya kulatun fedig. ⁹ I' momoiya od difelnen ani irou kafi'falauf, ani' bunem, i' sa' tuni kelei' biya bunem waud yalasauf, agef fen, i' idi kelei' biya od nigin kiwai dinon anidi faded fiye' diouf bagai. ¹⁰ ere nigin, an idodo'ya tamo, od kau' sa' idege'ya temeleid musei difaref, idi atun mulu' bun temeleid anidim age difedig bagai. ¹¹ Idi sigoreid ufofa'f, ere nigin, idi idege' ya bunem safina yaleya nigin to ifelne' ya ne' ani difelnei'd fen, fo' fo' adok dau' difedig. ¹² Idi neid fono' profet taka eig ye iron, '' Krit tamo kayau idi faimud idege'ya temeleid, gaar kui' sane gen, fo' temeleid saaf weweneid.'' ¹³ Od enei are. Ani nigin, totol od urokenei'd, ouwiye' diouf, ago di, ani' idi neid momoiya biyauf, ¹⁴ ani' bunem, idi Juda neid neneri kau' sa' to kari' douf, age de fen, idi momoi ne' ani' ditoron anidi' neid od to do' difouf. ¹⁵ Kare', bun temeleid bun, ereb ereb ganan kare', ani ere, idi amuye' kisi ado momoiya sa' anidi bun, kare' taka sa'. Momoi, idi neid waud ado kisi es fiya sane len. ¹⁶ Idi Waitou kelei' dedig, ani ere, nedi tobonuneid bun, idi Waitou nigin wa difedig. Idi sane bagai, idodo'ya temeleid, idi ereb biya age fiya nigin kisi feleya sa'.