¹ Aya Yud ,Yesus Kristus ne' kabi' tamo, aya Jems tura aya a' tamo kayau nigin arau enei atotof. Dei Waitou a' nigin orof fen iweig neik, i' yogo Yesus Kristus bunem lo fadaf. ² Wau kuli'ya ado, wau inosia ado, Waitou ne wau oroya a bun isokasauf. ³ Turautar, aya a' nigin itoya kabi' totol alef asif. Waitou a' nigin kuboul inof, ada kel yaledauf nigin. Aya a' nigin itotoya kisi alef kabi' totol walogouf nigin wau momoiya enei totol kafi tafalauf Waitoum ifanadan wau momoiya ganan yogon tamo kayau. ⁴ A' kelei' sa' tamo kayau utin Waitou nigin waud momoiya sa' dimin ken disi ub bun oloya od dirok ken Waitou ne wau inosia falei difef kuboul sane dinoumene nigin idi mudur tamo to wau momoi difedif, are neda odug Yesus Kristus. Kulu bagai Waitou i' eig yen tamo eigfia Waitou ne ya' bun dibodo'f, idi mokalauf. ⁵ A' enei nigin mogo kelei, ani ere aya a'genei kisi alesau mene, agefiya gen kulu Waitou Israel geifedin Eygpt mayaren disin, ani ere duman tamo kayau dau'fedin i' nigin momoiya sa'. ⁶ Ba areg angel musei idi edfe ibodo'ya sa' Waitou ne totol megeir ado ifenei'din ani, ani' ere nedi fono ditoron. Ani nigin Odug sen nem ifokeledin ani nigin kau namen gaigai difarauf. I' kauor iraraneidin difaref gugum idi Waitou ne kot naa odug taridifouf. ⁷ Sodom, Gomora taun odug taun odudug ado gen, idi kubol an angel do'difen idi kubol noil ani firebagai dodifen dogoneid oroya nem, ani nigin idi ya' sakeleya, ne kau sane bagai dalef. Kulu kubol enei wo'yen, ani nigin ada kisi talefen to do' tafediouf. ⁸ Nab agefia bagai tamo eneidi' imiya' firefire do'difefen dogoneid sane do'difefen dogoneid boueid dau'difef. Idi fedefen Waitou ne' od to do' difedig angel eg od sane dirokenei'dig. ⁹ Ani ere angel odug uyu irouya Maikel satan ado Moses ne' bou buru nigin od di'du'difen, Maikel i' to feyefen, satan od sane irokenen. I' eig yef, '' odug yogom ouyouf.'' ¹⁰ Ani ere tamo eneidi' od garia kelei' sa' mog od sane diro'dig. Idi gar wada' gegen, idi bouwa buru ne oroya do'difedig. dogoneid kubol faleiye difedig. ¹¹ Idi lo difei. Idi Kein ne' tobonana do' difef. Idi mein daloumene nigin kisi dalef, Balam agefen gen bagai idig kubol sane agefia bagai dinon. Idi Kora gen, Waitou ekul difiyen kubol enei nigin idi mokelen. ¹² Idi eneidi' satua maivo' tamal gegen dimin ken sip dau' difedig. Tamo eneidi' gaitoku disi a'genei sapar bia dau'difedig. Idi mama kelei' sa', yo'ya sain idi dogodoug kisi difedig. Idi sa nan sa' gen yaum yale irouledig. Idi a fat to gogu'fedig gegen yogon sain bun bagai kusu difedi sain uru gareredig. ¹³ Idi mai'wo' gegen odug bia budifedig dogoneid kubol sane gegen, dogoneid mama mai'sali gen yaurin wo'yedig. Idi barisa gegen dogoneid nab to do'difedig. Waitou i'mogo eneidineidi' modo'u gugume mogo madurfe burefelen dile gaigai difarauf. ¹⁴ Inok i' iweseya seven tamo Adam dumen, i' od profet eigfe irokenei'din, aya odug isimog ailef yogon angel museigeid. ¹⁵ I' isi tamokayau kotim feidfen kede dau'fediouf. I'nigin tamokayau waud momoiyef ani itorok i' kubol sanedinon ani i' kelei'. Mosor tamo utin Waitou i' itorne'din dogoneid mosor kelei'ouf nigin. ¹⁶ Tamo eneidi' waud sanefen faimud nauser dedig. Idi dogoneid kisisane ne'oroya do'difedig. Idi noso' odug dinofen tebedefen yeneid daleseledig. Idi tamo dogoneid oroya do'fiya nigin dirokenei'dig. ¹⁷ Ani are a' turautar a' de odug ne kabi' tamo aposel neid od kisigouf neda Yesus Kritus, iron ani. ¹⁸ Idi a' dirokenein, Yesus isi ne sain bun, tamo od kedekede iroya disiouf, idi Waitou dudum difefen dogoneid oroya dodi'fouf. ¹⁹ Tamo eneidi sios fara difedig. Idi tenebur tamo neid kisi do'difedig,Waitou ne awa ur idigeid ibodoya sa'. ²⁰ Aniare turautar, sain faimud Waitou nigin wau' momoi gefen awaur namen ufaregfen abob nigin koseng. ²¹ A' de Waitou ne oroya namen sain faimud ufareg. A' de sain faimud wau inosia tarig neda odug Yesus Kristus i' mata ifeneyane mata ifanadauf. ²² Tamo waud momoi totolsa ani idinigin melei non gouf. ²³ A' utin usen nedig idi ya' odug faimud ibodoya bun to dilalauf. A' de kumi adofen, wau inosia utin bun adodouf, tamo kubol sane dinodig idi Waitou ufareg agefia gen dogoneid bouwa gabar gen ganam bagai. ²⁴ Waitou i' sa' edfe loye'if agefedi to kukutauf, i' sa' yogon fono biabagai yale iroule nadauf, ada moro'saf, a' wau kuli'ya adouf. ²⁵ Neda Waitou tekelei enei i' neda iseneyada Yesus Kristus bunem, neda odug. I' king, ibodken erebereb ganan lofef. Totol ado yana odug are yogon. Kulu ibodon gama ibodok dumeneg gaigai faimud ibodof. Are momoi