¹ Mulia ega wete Yeisu taivila limana Galili wadawada eiya sabi luguguya ta wete boda inaina iva'auta. ² inega ta waga puteputeia ineya gelu be luguguya . ³ Ta Yeisu aitumwasi edi; Onoge ! ⁴ "Ta"a tubagula inaga ina bagulaiya be witi wewanidi lelewanadi ta vaina wewanadidi ibeu edeiya ta manuga iitedi be iaidi. ⁵ Ta vaina ibeu pwayapwaya lu daudau lina ine be iso ya"a. ⁶ kolomidi nana ge dalugu pwayapwaya gontuna eni inega iola lagamaga be iaina. ⁷ Ta vaina matemate solane ibeu be iso ya'a vepovepo ge ana pata ina vuaga mana matemate didi veinedi. ⁸ Ta vaina wewana didi pwayapwaya sedaina ine ibeu , iso ya"a be ive inai be ivuaga ,vaina ta teti sixty analeba. Inega Yeisu vonedi , ⁹ ''iguma matanigami be vona aididi oda noge''. ¹⁰ Muliega boda tabudaina iyau'ula ta Yeisu taunaga tomota be wete ana tumulia yavo adi uma tuwelo maega imaga; be Yeisu ivenaidea ivona " aitumwasi'i didi ailu adi magedana". ¹¹ Ta Yeisu vona;'' wami nia Yaubada imiya ebwaya be ina loina daganina ana tumwalatoiavo ta wesi tomota vaidi nua potapotadi, inega; Aitumwasi inogea ta ge ida nua sabwalania , ¹² ta wete ana mwalatoi ina ebesea ta ge adipata ina babane . Inega wete ge adipata idi luvegesi avo idiaga ina nuaebuni be Yaubada ge na nuataudi. ¹³ Inega Yeisu vonedi vona , "alu weagina be igu aitumwasii avo ge oda nua sabwaleniddi ? Aipa be inega vaina aitumwasii aididi oda nua sabwalenidi"? ¹⁴ Tubagula nana Yaubada ina vona lelewanea . ¹⁵ Vaina ibeu edaia , kavona tomota; Yaubada ina vona inogea ta tomoga veipana imaga be vonadidi idia ewataivilea. ¹⁶ Wete maigo nana wewanai didi ibeu pwayapwaya daudau lina ine, vaina tomota didi Yaubada ina vona inogea ta maidi gwausowala itagwala , ¹⁷ ta kolomidi ge da paelidi, inega tota kusanina naga ine ina miana abo ta tuta nana ine Yaubada ina vona ana vemisa weagina mwaua ina babanea , lukwayavona ega ina be"u. ¹⁸ Ta wewanadidi matemate ineia ibe"u kavona tomota didi taudi Yaubada ina vona inogea ta , ¹⁹ esaesa ta pwayapwaya ina guinuva yavo nua di ewea ta Yaubada ina vona inua pania. ²⁰ Ta wewanadidi pwayapwaya sedaina ine ibeu , kavona tomota didi taudi ma idi nuatagwala ,Yaubada ina vona inogea , inega vuagidi sedaidi ta yo"o ivuaga edi. ²¹ Ta Yeisu idia vona."igo magedana una mie be vanuwe solane kodo nai sita wegabuline una kwaivea?''Ta esi una mie be anaebe agu ineya una tatasanea be vanuwe nalu simatala. ²² Ta ge ta aialu una agu kwaive be vona ge ana mwalatoiga o nuanua ta a kwaikwaivina be ana pata nawapwaia simatale. ²³ Eguma yamo matanigana be nanogeya , da noge. ²⁴ Ta wete vonedi ,oda nuwa iia be vona oda nogaya aiailidi, ai etopwapwa una vepaisewa iyau ine ,wete Yaubada nave paiseweya iuya , ta ma a na luve poseyanina una eweya. ²⁵ Eguma yamo ineya miamia ,naluve posenia ta eguma yamo ineya gebu naewa yavulea ,abo eguma tomaina. ²⁶ Yeisu vona , Yaubada ina ebeloina ana maidinana tomoga wewana lelewnedi tanogeiya. ²⁷ Tomoga nana dudubala enoeno ta aiatana penawaina ta wewana idi soya be idi veinai , ta ge damwalatonia aipadi. ²⁸ Ta pwayapwaya loiloina idi soyaa ,be idi veinai ta idi vuaga weagina. ²⁹ Ta eguma wewana nia namatua tomoga nana , naipi ega na dabumidi mana nia ala tuta . ³⁰ Yeisu vona "Aiyalu inega Yaubada ina ebe loina kana givelevelelegi ta ai vona inega tumwasii inega kana givesimateli?'' ³¹ Yaubada ina ebe loina maedinana tewa wewanina. Tutai nana una bagulia tomasikoina wewana maiboana idi ega. ³² Ta abo una baguli be naso ya'a nave inai be ineya wawasae, galewa manugidi yavo ina giwa. ³³ Vona tumwasii Yo'o ideaga Yeisu veita idia ,maidinana ainana ta wete yo'o wawasae. ³⁴ Tuta yo'oyo'ona idiya Yeisu vega ga vona atumwasii ega ta idi mia kauu sasale ana tumulia yavo idiya yani yo'o give simatelidi. ³⁵ Aiyatana nana lavilavi inea ana tumulia yavo vonedi "kana vabala mali seneiya. ³⁶ Boda ivainedi ta Yeisu be ana tumulia yavo waga ine igelu be ina vabala,ta vaina waga wete maega. ³⁷ Ta idi vabala nana ine kwau be lisu ibabaneya ,ta lisu gusiwa vedovedogaia waga. ³⁸ Ta Yeisu enigaina waga igune eno motaiva ta ana tumulia yavo iluiimeya ta ivonea "tuveita" ge uda kokona abo kanadamana be kana aina. ³⁹ Ta Yeisu lukwayavonaega meitovoga be yagila be lisu vonedi "uivisigana ta usiwalowa" inega yagila be lisu iawala ta siwalowa eno. ⁴⁰ Ta Yeisu vonedi , aiyalu weagina okokona? Nai ge imi vemisaga. ⁴¹ Yo'oyo'odi kokona luve kulapudi ta taudiga idia ive vonavona yamo sana ainana inega yagila be lisu enana inogea.