¹ Ainana Yeisu Keliso,Yaubada natuna vetetelina ana ebe ve'ale ² Aiseya palopita vona'eya. ''O'' vinenega Igu tue'wa-vala ave tune nugwe na wieya ta'una imi eda na gibu buya, ³ Ta'a tomoga ididiuya vegaba gaba, kauveya ina eda ''O''kakeli ta ''O''give palu. ⁴ Ta tuta nana loni imaga be give babitaiso ididiu odagaiya luguguya nuwa ebune ta luvei pana ana nuatau weagina. ⁵ Yudia be Yelusalema tomota navo imega Ioni ine. ⁶ Boda idi luvaipana isimana ta inega Ioni give babitaiso duda Yolidani ine ta Ioni ana gawala camali uyauyana ta ana gadiwana Cameli bwalana ta ana kinale Bilolo be mwuawa. ⁷ Ioni luguguya ta vona ta'a tomoga mimaga muligu ega, tauna ina waiwai mia lagana inega ya'a ge agu pata be ana age yapa yapa ana liemi be ana ewa yawule. ⁸ Ana givi babitaiso emi duda ega ta tauna na give'e babitaiso emi niboana gwala'gwala na inega. ⁹ Tuta nana ine Yeisu imaga Nasaleta , Galili ega ta Ioni gi"ive babitaiso eya duda Yolidani ine. ¹⁰ Ta nia be yeisu na'vaoya'a dudaega ta itea galewa igigegea ta niboana gwalagwalana imaga ineya kavona be bunebune. ¹¹ Ta enana galewa ega wapwaia vona wa "a natu aiailigu weagiu auyawana. ¹² Inega Nebogana gwala gwalana naweya mwatuioda gaia. ¹³ Mwatuiodaga ine miana aitana poti , Ta Nebogana veipana to'o dadenia . Ta anelose imaga be ilemeya. ¹⁴ Tuta nana Ioni ikapiya Yeisu nia imaga be Yaubada vemwasalina luguguya''ea Galili solane''. ¹⁵ Ta vona, ''nia ana tuta imaga be , Yaubada ina ebe loina nia ela'bene''. Inega oda nuwaebuni ta oda vemise Yeisu ine. ¹⁶ Tuta nana vabala Galili wadawada eia Yeisu ietedi Saimoni mataina Anidulu i vuavuata wadawada eia, mana taudi wadewa ana tuyuba yavo. ¹⁷ Inega Yeisu gaba nanawedi, oma be ona muliegu ta ana veitami aipago tomota ona woata esidi. ¹⁸ Lukwaya'vonaega vuwata ivaya'vuleya ta Yeisu imulieya. ¹⁹ Wete valaga tomainaga ta itedi,Iemesa ta Ioni ma'a tamadi Sebedi idi waga solane idi vuwata igi sede sedeiya. ²⁰ Ta wete Yeisu gabedi ta lukwaya vona ega, tamadi iyavulaineya wageiya maina tupaisewa yavo ta Yeisu imulueea. ²¹ Inega enaga Capeniuma, Sabate ina tuta ine ta veita vanue ebe Odu solane. ²² Tomota , I"uyawana ina veita weagina mana veita nana waiwai wawa sai ge maigonana tomota beso,beso. ²³ Vanue ebe odu ine ta'a tomoga nibogana veipana luguya tomoga nana vona , ²⁴ ta aialu ana guinuve iuya Yeisu tumia Nasaleta. Igo wa"a umaga be una vailagiema? Wa"a amwa latoniu wa"a Yaubada natuna. ²⁵ Ta Yeisu niboana veipana vealevia, '' uivisigana''. ²⁶ Muliaga tomoga nana inaga nibo nibo gana veipana mwalaga wapwaieya ta nibonibogana veipana, enana inaina idoga ta tomoga inega lugapwaia. ²⁷ Ta tomota boda inuwa vogana ,ta inega taudi , idia taga taga ive nadedi. ''Ainana aialu''? Loina ta veita ainana , ivauna inega niboana veipadi Yeisu enana emuliea. ²⁸ Ta inega lukwayavonaega vala lelewana Galili ina sena yo,oyo,ona idia. ²⁹ Ta lukwaya vona ega be muliega vanu "e ebe odu iyavulainea . Ta maibo adi ilugu Saimon ,Andulu ,idi vanuwe. ³⁰ Ta Saimon lawana ilewasa ta lukwaya vona ega Yeisu ivonea wea gidi. ³¹ Inega Yeisu ima be evale nimadi kapi ta givie yaitoto edi. ³² Nia lulaviea be iola namiaoli ta tu viga yoo imi edi Yeisu ine be niboana veipadi na wavina lugwa pwaadi. ³³ Tomota yoo ive gogona awa inea. ³⁴ Ta inega yeisu tuveviga idi ega niboana veve padi wavinidi ta geta tagwala dageidi be ida gewa. ³⁵ Awa awa tauya mamata dudubalina Yeisu eno meitovo ta inaga mwatui ave aveiya sabe nogi. ³⁶ Saimon ta enavo aega Yeisu iebeseya. ³⁷ Inega ibabanea ta ivonea boda yo,o iluebeseu. ³⁸ Ta vonedi kananaga mali sena , vaina awata idia be wete ana lugai idiya mana wete weyagedi imaga. ³⁹ Galili sena nava idia sakowasi ,ta lugai vanuwe ebe odu idiya ta anuanunu veipadi avina wapaiedi. ⁴⁰ Tolopegoi imaga ineya vona oleole ta tuluga ageneaya ta venaida ineya , eguma eu nuanua maigonana inega una give sedegu. ⁴¹ Maina nuwa olele nimana sina otoiya ta gitonoviya ta vonea igu nuwanuwa maidinana una veseda. ⁴² Lukwaya vona ega lewasa nana awala ta vesedaga. ⁴³ Yeisu vona waiwaina gaiya ta lukwaya vona ega vetuneya. ⁴⁴ Yeisu vona una naga ta geuna simanegu ta esi una guinuvea Moses ina loina maidenana ina simana ,be tomota ida iteu vona nia uvesadaga. ⁴⁵ Ta wapwaia atamanea ta boda yoo idia vetetela ta vala lelewanaia .Inega Yeisu ge ana pata be nava ataatamana awata didi idiya inega mwatuia miamia ta tomota boda inunaga inea.