Ituma monoqnamma yuwena goitata weni iyapo anabike mora-waigoma maara tiraiye. Yiraatinako ,maanama kateko oqtamma kateko namma aonaao tena tiraiye. ² Ituma timamikaiye.Ema ano-namma kaonano? Ano-noqtakoni amuraaqa kaqo notaqmma ima waniye.Mate noqtamma yubama marute yuwanoe. ³ Ituma oribi anuraqutena mononaqkoni meranaukapaq maitata Pitaama,Yemitima Yoaanema,Anarugaraq wemma itama aonaraae. ⁴ Keqtaa timatimiyo noi kanararaq mi-tataaqa paaqiniyo? Noi nawaameq -yataakoa timatimenata mira tataqa paaqinena iye teqta aonanuno? ⁵ Ituma aaimma atama tima-yimikaiye.Kerawaqa ateraaro.Mora nakoma tiwiqmena kaqonapaq mo tiyuwanibo. ⁶ Netuqyaama ketuwika ireta kema itue ketetepa kemarummauma tiwiqmeta kaqonapaq mo tiyuwainoe. ⁷ Anonaaiqa keoe teta uwaa-aima tiyanaimma itanoe.Mira inaqa itama umama iyaaro.Mi tataaqa paaqinimanio,atoganaama ima paaquraiye. Mora marukaq anna wayukama ito-uma aaiqa keuma yikaiyata kaqo maraba wayukama ito-uma aaiqa keumayikaiyata mora kinima itouma kaqo kinima aaiqa umakanniye.Mate marabaqa anomma maruma keyinana mate marabaqa aayawaama keyainana miwagoma marara-uma aragoma iyapoma marakane itana aiqa inikaa iniye. ⁹ Kerawaqa yabiqma maero.Kerawaqa tiwiqmeta ano monq wayukati iyaapi mo-yimiyata kerawaqa tikamma tiwiqmeta mono naupa mo-tikareta tikaminoe.Mira inata tiwiqmeta kabana-wayukagaraq kinigaraq kammani wayukati yurakaq itoinoe.Mira inaqa keti wataama timayiminoe. ¹⁰ Mira-inomanibo aqnaabaq-yataaqa keti wataama timaeta maqte maraba weyawe umatuwaiyata mi tataq-a paaqiniye. ¹¹ Kerawaqa yaqtomma tiwiqmeta wiyaqa ketaama noine tenuno?Teq-ummama iyaaro ki-kanaaraqa Anutuma tino-naima tima- timiniye.Kerawaqa itinobo aokaq-agoma tiniye. ¹² Abaqawaama awiqma kaqowa-nayaapi marainana ikama puiniye.Abowama aanikomma awiqma kaqoyuti iyaapi maraiyata ikama puinoe.Iyapogoma abowamma anowamma mama namuroiq umayikanoe. ¹³ Kerawaqa ketiwiqa itaiqitai keopoata ima Kayone umatikanoe. Mirai-manibo naawabi akoqna uma maqena aqtoganaaraq wina waigomma paa manie. ¹⁴ Kerawaqa aonaiyana kuti-yataakoma maaqa turitari iyataqa paqinaqa,aarawaama Yutiaabaqo maiya-kayukama peqmareta anuba koro. ¹⁵ Naanamuba maiya kayukama iyuwaiyata naupaq kuma bekete mora-ya taaqa mameta yaubaaro. ¹⁶ Naawabi yopaqo maina-waigoma yauweqma naaupaq urena mora yataaqa ima mayaino. ¹⁷ Anibo aarama yimukaraq noinikaraq iyapo-noinikaraq naakigino keo noinikaraq tiruno. ¹⁸ Kerawaqa mira-uma nuna mumma ketiyana anonaqa yena yaugiqa ina kanaraq mi-tataqa ima paaqino. ¹⁹ Noraq-iyo.Namuroma anomma arawaama yiqa iyataqa yimeta umama yiminoe. Naayobaqa Anutuma ma-marama mama paa uraikake ibe kanaraqa mira-numaama ima waqe-uraie.Anibo anaaekaqa mira-numaama ima paaqiniye. ²⁰ Uyatarai-nakoma kanaama ima mama awarariq inanama mora naqa ibuiniye. ²¹ Anibo mora nakoma maara,tena timatiminiye. " Aonaro,kariqtoma maabaq- maiye aqa onaro merapaq maiye.Tiyaqa minaikoni kamuqa ima itaaro. ²² Netuyaaqmma kaaqari karitoe tinoe.Netuyamma kaaqari amune wayukma paaqinoe.Yema okonokomma netuyaan-awaameq yataaqa mama paaq eta arawaama makatinoe.Anutuma kennae tena tina wayukagaraq makatinoe. ²³ Kerawaqa ateraaro!Anaaekaqa mi-tataaqa paaq inita ketimatimune. ²⁴ Miwagoni anaaepaqa anon-aiqa iyataakaraq ummama anataginana aabau-gonna waeqma kumayuqa kaurainana wiyokoma omma ima kama taganiye. ²⁵ Aabayakakemma wiyoqa yaraqmena kegutinana maqte-nakonaama abayapaakemma iyanaq -uma wara-iniye. ²⁶ Aanekaqa aonaiyana waayukagoni araaqa konnakaqa weni imaamugaraq akoqnagaraq tagama yatapi kuminiye. ²⁷ Wema weni aayakaraq,wayukama timayikainata maa-maragoni kayaqte gayate aukapake aarawaama maa-maragoni atobake karaq aabayakoni atobakakaraq yiwiqma yorupanoe. ²⁸ Kerawaqa piki-yagoni awameqa aonaaro.Piki yagoni amagomma baru-baru itanamma atayo yaitana anama kemaraiye.Ibeqa kateko ganaaboana aaqa kaniye.Kanama waaqokaq iye kete. ²⁹ Moraiq uraiye. Kerawaqa aonaiyana mirai-tataakoma paakeinaqa Kerawaqa aonaaro.Wema yini kanaama waaqokaq umagena otaraq ya waiye. ³⁰ Arainurakaiye kema Kerawaqa ketimatimune aarawaa-ma maanamo maayuma ima pukaiyana matemma mirai tataqa paaqiniye. ³¹ Aanutuma mai maruq karaq maa maragaraq anataginiye.Anibo ketaama ima anataniye. ³² Mora naakoma waayukagoni araakoma kumini Kanaama ima itaraiye.Noi kannawa kuminiyo,noi nabaurara kuminiyo.Tena ima itaraiye.Aayakaraq wayukagaraq Itugara ima itaraiye.Anuqtu wenana itaraiye. ³³ Kerawaqa yokaurera yabiqma maero.Noi kanabina mi-tataaqa paqiniyo? ³⁴ Mirarauma moranakoma ayataqamma,koinena weni naamma mayai,wayukati iyaapi yuwena yabigaetena yuwaitata yabikae.Weni mayai wayukama moramora mayaima yimikaiye.Otaraq yabinakoma yabiqma arurao tena timamikaiye. ³⁵ Kerawaqa yoka-uma arutaro.Kerawaqa ima itarae.Naakoni abowamma noi-kanara yinio.Enaikaraq yini nokaa aukana yini.Kokorigo aama tina kanararaq yini. Aabeayanapina yinio. ³⁶ Pataka yenama tuma paa waguraiyana iaonaikae. ³⁷ Noi-naimmo timatimuna aaima itana aruteraq yabiqma yokaaoro.