¹ Ibea Itu kanaraq weni titaipol anakaraq Jerutarem irae.Betapaka kara Beteni waoka ireta Orivi anuraa utae ,aniwo Ituma weni kayaq apotol nakaa wakuyikarae. ² Abo timayimikaiye ,mimaruka ureka onakao.Mora awayati otima anaa kuyakainowe.Abo urekaa awime yekao. ³ Ureka koma kawiraiyana watima kena kamaa itama onainoe? Timayimikao Ituma anno karako titakaa ketetaa,bata kaa awiqmeka yekao. ⁴ Mi maruka ureta,koma onayamaa;awaayati otima nanotaraq aana kuyakarae. ⁵ Yama wayukama itouma maeta tirae,awayati otiraqa noraa keoyo? ⁶ Mi kayuka tima yimikae,Ituma titakae teta tiraye.Abo awimeta Itu nopaq iraye. ⁷ Kaya mayai nakama awiqmeta awayati otima iraye.Itu nopaq oti aneqa konariri uyakarae.Abo Ituma uyatama oti aneq maq uraiye. ⁸ Netuya wayukama unakatogara,yayana maa mama api wanna wiqmaka wata Ituma uraiye. ⁹ Abo Ituma marena kewitata watima yuwaq yinaepa umaa keweta annoma "Osana "timakare,annoma yimuq iyowayo umakarae. ¹⁰ Anno namuqa marakarae,matu-matu anno karama,Ituma Tebitini ana-bike iyee. ¹¹ Ituma Jerutaremiq mono naupaq uyabeqma onaraiye,paqyakanabi maena abo Betani weni iyapoanate uraiye. ¹² Mora yupa,Betanike mareta keyewana Ituma annoma ayaguraiye. ¹³ Ituma ayataq ama keyena onaraiye,fiki yagoma anaguma maraiye,abo arama imaq itaiye.Ituma tena,imma arammaa iyai kanae tiraiye. ¹⁴ Wema tena,mora nakoma imma nanie,miya goma iyaina.Ituma minaima titata itarae. ¹⁵ Jerutaremiq mono naupaq Itu garaq irae,watima mono naupa maketi keowana,Ituma anoma ayama itana mate tataqa mama ayautunatu uraiye. ¹⁶ Itu-ni aurakaq imaq moranakoma yerowati otana matae. ¹⁷ Ano karakoma timayimikaiye,nayobaq watagoma maqeurai naine,keti nama mate kayukama nunamuma tino nane,kerewaqa moyakayukae tiraiye Ituma. ¹⁸ Anibo mono wayukama teta,Itu noinae ketio tirae.Wema ikamineta urae.Abo wema wati aukapi maena monoq aima ketitata anoma ikati urae. ¹⁹ Abauma kumo wenna enaiqkari itata tauni yuweta urae. ²⁰ Abeyanapima Ituma uraiye,apa keweta aunarae,fiki yagoma ayamo kaima. ²¹ Pitama auyanama itena,karaqko onao,fiki yagoma ayama kama kuraiye. ²² Ituma timiyimena akoqna auyanama Anutu nopaq maino tirae. ²³ Ibeqa kema tima mune,mananugo itouma wao tinona amma itamma winie.Noi tababio?Anutuni aama itanie. ²⁴ Kema tune,mate tupa nunamuma tio,itama noitataqa ketiwikake mayao. ²⁵ /26 Ema wati yiwagurena nunamuma tio,enaboma wiyopake eni kumi aima matuwanie. ²⁷ Jerutaremi irae mono naupaq,Ituma marena uraiye,mono kawa wayuka garaq irae,mono naupaq. ²⁸ Kawa wayuka tirae Itu nopa,ema? Noi imamurake ema keteno? Mami immamuma emma nawawa amikayo? Itarae. ²⁹ Ituma timayimikaiye, kema moraima kerabaqa itama onanune? Abo timatimero kema itaiya timatiminone Itu tiraie,aakoq nama ketiwonopake kema mayaune. ³⁰ Jonima nomaa peyikaraiye immamukoma wiyopakenabi maa marabike aine tirae? ³¹ Yerawaqa teite urae,ketamo wiyopare tenunatamo,nora itaraimma araini tirao? ³² Anibo keteta tetama wayukarakene tenunatamo arawama ima araine Yonitapa tinoe.Yerawaqa iteone urae,wemo amune nare. ³³ Miratitataqa yawere Ituni aqtimamikaiye.Ketamma timatime nune.Nawani immamura mitataa taro uraune.