¹ Masan hol u-uldi nunuwan, bubuh je todeiv mel, todeina. ² Ufu del fan Juda agu egulou jo gu wa boh dana aid nu je adiana.Doig hueig boh madeina dou mu eh hagun de oh ana?" El kobol dou Dogon utiana?" Dana aid mume wahu beh oh eben gu faladian mumeina?" ³ Meme jo mudou dina o fa? Anag bo Maria, otigul boh Jems, Yos, Juda, Saimon ai, ebinagul boh ige ai enabe maded boh wawaga mubeh afan miana. ⁴ Jesus do boh ode madeina,Dogon na abi dana ho age maha eli gu boh age jeminag ai, aguguna boh jeminaga ai beh. ⁵ Abi ben ben bubuh beh odedian, hag dana ganif adi eben gu faladian mu meina. ⁶ Jesus na je doina boh wawaga guguhu meu aibeh ode gian boh uh-uh-ladei maha eli gu nuwi, Dogon na nun je adiana. ⁷ Bubuh je todeiv mel, tuwel fa ma adian sogian, gis mubeh agugu nagagadi ade boh elis elis suladiana. ⁸ Ode boh ode ma-adiana, eteteb hol ub obi. Men baig taeuh badam eh fa ub obil tut adi paled nuweda? ⁹ Jaimagagana adimed palu elis elis ub edadedi. ¹⁰ Jo hol gu nuweig fe nag hol nieg, huladeig nuegial. ¹¹ Maha hol je hagigu beh duadeb fe, jamagu balba bou, debil neb nuegial ho boh sib agugu ifan iweh soin. ¹² Nuweig Dogon na je ma ade bil wawaga ilaweal. ¹³ Gis mubeh agase adel, him nu gatinag gu isa uwade, hag dana. Gis mubeh hag ase adel, himu gatinag gu isa uade, hag dana mu meina. ¹⁴ Ilu dana Herod, Jesus na ifan benmean duan, ganif doig boh, Dogon na abi deina Jon almiana ho elawe waheana eina ho no bo dana adewahu be ho odei. ¹⁵ Banif boh Ilaija fa eina, ganif boh Dogon na abi dana wele almiana ho elevan wahe ana ena. ¹⁶ Ilu dana Herod Jesus na ifan do boh ode madiana, madigian Jon bou agoina ho af elawe ajiana. ¹⁷ Ilu dana Herod, otig aideg Herodias oinu nu ade boh buhbuh ab dana, ma adiana Jon faleig gel taeina. ¹⁸ Jon Herod madiana, olin aideg Herodias ogan odegi ho odeu mube. ¹⁹ Herodias Jon nu waug mubeh mian bajein o diana boh beh. ²⁰ Herod Jon umun je boh duana Jon boh Dogon na abi dana ho nu gel woug ga mudiana. ²¹ Herod anag basiana del oh suan bubuh abi dana eguleig ai mudia diana. ²² Dana benben ho gu bileina amagagu Herodias ateg hogu duo o-ode duduein taveana. ²³ Herod aid asin oh, madiana, dugi ho na idad nu matiga odi sidin. Masu sesu ahtel nahi isi dun nu made fa is. ²⁴ Odian abgu wa boh anag modiana. Ilu dana ele ohohli didin? Anag ela we modiana, Jon gati nu modegal. ²⁵ Herodias ateg elawe wa boh ilu dana modiana. Jon iku gati bes gu meig itiga. ²⁶ Ilu dana aid ho na ye do waug nube miana, egulo gu madiana doinanu ela we hub ewahube. ²⁷ Ilu dana buhbuh fan dana madiana, nug Jon bou agog ilu gati efe sogal diana. ²⁸ Fan dana nui, Jon bou ago, ilu gati besgu me, efe so aid oh utian anag utiana. ²⁹ Jon na je todou mel ode doig wahena, Jon oig nueig jeleina. ³⁰ Jon na je todou mel, nueig Jesus ameg gu eguleig etetebunum alesoina ho madeina. ³¹ Odian Jesus ma adiana sobil dana ai beh aben gunu nag hol gemanig hiu ob-meu. ³² Odian wag tobeig dana aibeh abe gu nueina. ³³ Dana aid ode feig age totam jamagu a deig waina. ³⁴ Jesus wag ohis de toeana dana aid asisi, abunou dana aibeh iwe fiade boh waug tobudian. Odian nun je asisi adiana. ³⁵ Jesus na je todou mel soig, madeina am wele wal dia, aben he-he boh dana naibeh. ³⁶ Sul aden, age idodo masan utuhbahnu waig, age dodo megadeig jenegin. ³⁷ Jesus ma adiana ele jeu na oh ade bil jegial, nub tu andred goda gu ei idad meg ade bil jenegin. ³⁸ Jesus ma adiana age ma siog gani, odian madeina ige ma siog mamag elis ai. ³⁹ Dana aid madian bileina. ⁴⁰ Eguleig gada, gada bileina, ganif fifti ganif andred. ⁴¹ Jesus dol elis, ma siog mamag ai ho, hau ohis meian tian, Dogon je madi boh, buhbuh je todia mel madian hivi odeina. ⁴² Dana aid unum jegian obiana. ⁴³ Ei hivegian nuan gam tuvelv elavina. ⁴⁴ Dana faiv tausen ei jeina. ⁴⁵ Baim beh afan,buhbuh je todou ma adeina wag tobeig, Betsaida waina. ⁴⁶ Nunegin Jesus, totou te inon diana. ⁴⁷ Jehiu miana wag wa gemag, Jesus beh wa mei adel. ⁴⁸ O jagian fo kilok ode boh wa, mei adian, wag dedegian. ⁴⁹ Ma-as ohis o-bian meideg dol fa eig uhina. ⁵⁰ Jesus mei deg bulele eina, odian ma diana," Hob uebil ise. ⁵¹ Jesus wag tobian baban bemiana, unum ode feig hu-eina. ⁵² Ma na-ag odian kulum dian jeina ho dahimagatiana. ⁵³ Wa jeteig Genesaret waina, wag wa-as dahig gu meina. ⁵⁴ Wag ohis de toniana, baimbeh afan unum meideina. ⁵⁵ Guguleig nu hag dana aid e dewaeina, Jesus fenegin nu. ⁵⁶ Maha maha unum, hag dana eda deig eia suldou aben gu sogianu. Kulum boh jamel buhbuh adi falegian hag muma diana.