¹ Yogaka buma anari ugayi nampa benaga , semi fuga sire yi-yevege, se-mana waye iye fuga wayaga itave wanyu. ² Mini fuga waya nampa fa wari wari item. ³ Awa awa, agu-anene ,araysi , anona Gotipike yigam senupim, afo Jisasi Goti aga'i atekam waya nampa yiyewa. ⁴ Semi anoni ure simoyege, semi yigen yiga afurare se'i yemi fuga intika itabewa, minure Gotini kagadugam mam baya nampa mareyare. ⁵ Sesumi magafimi ure enadeka yege anasi'o, semi ewapa agarege auwem kagadugam waya anantaga marafuna mini eno ayigara ono. ⁶ Mini ayinti miniga awakunte bemi auwem uyadukam waya emi wafa intarukafo em ba bono. ⁷ Mana'a munatire masidipa bewa, yemi siguno bu sewa mini anona Jisasika,mana bunaka fawarurem kuka, Muna Jisasi nampa muna wayanako yibigara. ⁸ Ena'o amoneve, emi yera burano mini anenega maside seyuya yogafuna, Eni meyayami maranonave. ⁹ Iye o'anariure bu kipantano waya. yemi Gotimi yen yirapim buwa. ¹⁰ Iye ewapa minugam waya marebuyene, avige yigen yimapa bugowade,benampa ami buse. ¹¹ Iye bem araruke benampa asigatem ,ewa mini wananom yoganti agefewana. ¹² Semi amuna anene ewapa afunti agarare, amaka semi inte'i, fepa nampa fitumpi bu agarare .minugai semi omare inte'i en orasiga amonare asirare,seyuya amoyofanu. ¹³ Enayofi,ugaduka inim agafanta avoguge sakemo enanti.