¹ Foru ,da Godinu,waiya amara nono Yesu kerisonu afosoro, Godi, ba imueta uwara bairo,danu araetaini iwata matasute ,nono maba utasu . ² Anu unu,ibene ,ibene ibeta ba imutasu. Godi da meo wetawa amara. Adinaro ewe ureini do ubu utawa kowaro Godima we bou ue odiro ibinu. ³ I ba kowa muniro, danu we bou ui, sina idua nabairo maite wemaro nau foe weiba. Iba Godi iyanu maowera muneta amaranu sina wemaro naua we. ⁴ Taitasi, a iyanu amara ubi. Ewe Godinu waiya utada ba imueta imutasu.Godi babaini, iyanu mawiroeta amara Yesu Kerisonu me maetaini danu ure nuda aini ibifisu. ⁵ Godinu waiya uwe maitua arawa. I ubiroma Kuridi orofaro odero ani. I orofaro ibada sosi suro waiya uweta uwara mune odifaro Godi waiya uwe maitua fiyeita.Nanu wene enanari rau. ⁶ I sosi yawoeta amara, da irau mane uweta , sineta amara.Da aweta taigori. Danu aruma adarabu uma irau mane,sina nautada Godinu waiya uteifiyeita. ⁷ Godinu sosi suro waiya uweta uwara uma daira da ufita baue iba ewe sina ye wautane. urane yarane, derena sina ,kekei yowa ieta, wawi utawa amara ma Godinu sosi suro waiya uteifisu. ⁸ Ibau we, da eme, aweta, mune suro siyaneifisu.Nono irau aiye rau, mui uwara bairo uteifisu. Irau aiye mane imuteifisu. ba mane weifisu, Godinu uwetari, danu oname da irau mane utefisu. ⁹ I sosi suro waiya uwara,Godi sinaro yabae gowo ufitate, eme we maoweta ufiyeita. iba mui uwara maoweta utada nono ainama da derena sina weta uwara we maoweta ufasu. ¹⁰ Wasai uwaraini, Meo sina weta uwaraini, toto iyeta uwaraini ,nono ofe nudo umane tureta uwara faiyawere kuridi suro ibinita. ¹¹ Imeo, meo weta uwara fai yawere ,eme we irufitate oi mufitae baue, eme irutaita ba, iba ana uma ereiafa baue wautane . ¹² Umanu, mui dai imue sina weta amara ma eno wei, ''I kuridi su uwara ma meo bobo,daira eme aeta abu ari,marawa, nono raorao wawi bobo.'' ¹³ Ewe sina da ba sina, iba uma magiyana uwawaro umanu ba imuetaro inare kekei ufita. ¹⁴ I Diusi dai uwaranu sina da nauawe.Nono i meo,meo emenu sinaini da nauwe, uma da Godinu ba sina roma owere dumuro anita. ¹⁵ Aina amara ma Godinu sina nautasute, danu toto irau mane imute basu, da raorao yesina irau mane. Nono aina ma godinu sina nautasute, mune danu tot ubarenaro odawa utasu amara ma. Ewe, do duboro daira dana wofarasu uma maine umanu imueta daira were. ¹⁶ Umana eno we baita, iya Godi iwata ya. Roma umanu uweta sineta ma mawueta ma wasu, I uma Godinu ibi mafiyaraita. Iba uma daira were, irau utawa,sina nautawa, uma buna me, iba mui irau waiva da ufiyeita.