¹ Diudi, da Yesu Kerisonu waiya amara, nono Jeimisinu nabue, a aina, aina, ya unu daiwere, Godi Babama uwo weite, nono ya mune Yesu Keriso bairo odi. ² Enoba totori, ure nudaini, danu unu yabairo daiwere sifisu. ³ Unu daiwere, i darei yesina doberete, iba ewe owawa abairo yanane i dai maowere muneta raoba, iba owawa nono yanae abairo maneba,wemaro naufate, waiya bunawere ufate, anu ba imueta Godima, uwara aweta yesinaba mai danu tamuaru uwara bairo. ⁴ Enoba irau aiye imueta daifufu eme yaini kiu ratu yanu abanaro ainaita. I uwara uma da Yesuma uma mufite daira orofaro siyafisu. Uma da daira uweta sineta mane utada Godinu totori mune anika daira orofaro oitate, nono uma iyanu dai amara, nono maowere muneta amara Yesu Kerisonu ibi mafiyaraita. ⁵ Awoina nanu unu ya wemaro nauawe--a adinaro ba nono iwata sine gowo ubinu roma--Iyanu maowere muneta amara yesuma, eme aweta Ijifi do roma yesina maowere muni, roma nono Yesu bairo ba imutawa uwara yesina ma daira ui. ⁶ Iba nono, aneru umanu waiyanu buna me, umanu ba ibeta orofa toita--Godima yabae munite ibene ibene auri anama ma uwane tariye odiro, dai dumu kai ubarenaro ibinita, enoba umanu dai dibura kowa fafisu toro utaita. ⁷ Iba Sodomuini, Gomoraini, nono i basiye ibita daifufu tauniro ibita uwara yesina umanu torowa uro owere maowere, mune ware utebita. umanu torowa idaira utada darei wabutebita, uma yesina ibene ibene yareta inaro anifitate iro oferi woufiyeita. ⁸ Iba i taigorai dareiro, ewe imumu ereta uwara umanu ofe madaira ufitate. Uma dai uwaranu sina nautawa, nono uma da iyanu maowere muneta dai ariobu amranu ibi madaira ufiyeita. ⁹ Roma nono Maikelo dai aneru, da seitanini , Mousisinu uieta ofe baue yaranite uranite, eno wei, seitani da ure yanae sina weinuba, da fanisi mamaua eno weite, nono wei, ''Yesuma a ufisua eno wei!'' ¹⁰ Roma ewe uwara uma daira sina weita danu ubi, ane uma iwatawa; nono ane uma nauwa ana ina mane iawata sini binita, uma eno kua, boro ari, iraorao ma uma ma daira utasu. 11 Umabairo ba sina mane we! Iba uma Keninu daireiro anitate, Baramunu meo ubarenaro ane itatate eme irue raoraao mufitae utaita. Koranu uweta sineta ma uita. ¹² Ewe uwara uma dai daira uwara dawara waka ari, anu unu ofuaro fafitate, aini da iyafiyeita-uma mamoe yawoeta uwara ari umanu torowa mune ifiyeita. uma da obi matawa duba goso, oyauma woure anebasu enanari; tai uwanawa ana ari-ini fuakayai roma mareya taitaro uitasu enanari. ¹³ Uma da dai kou yowanu ureure gugu bobo arebasu enanari, umanu maru madinunu utaita, manana kudiyari, umanu totoro da yaru utawa dai dumu kaiwere ibene ibene ibinu. ¹⁴ Inoki, taigorai, fukayai, taigorai, fuakayai, taigorai Adamu bairo ma farite webwou sina wei i uwara baue eno wei, ''Look! I iyanu maowere muneta amara nono arasu daini nono danu aneru tuwere, tuwere, danu tamuaru uwaraini afisu. Iyanu maowere muneta amara, nono owere arasu, daira uweta, sineta uwara ure yanae ufiye. Da arasu danu ubi, da i daira uweta, sineta utada daira sina weada, Godinu unu enanari ibawa urawa,danu ibi we madaira uweta uwaraini, maowere mufiyeba arasu. ¹⁶ I uwara uma kasi waribo uweta uwara, miminowa sina weta uwara,umanu daira dareiro anaita uwara. Umanu bebetu, roma eyagi sina weta uwara, meo sina we mui uwara bairo raorao muneta uwara. ¹⁷ ROma, a, unu, imua adinaro iyanu maowere muneta amara Yesu Kerisonu afosoro uwarama webuo uwe oita sina. ¹⁸ UMana abairo we oita, ''I dubu kowaro yoini, ririyau uweta uwara, umanu unu enanari Godinu unu tawa dareiro anifiyeta''. ¹⁹ Ewe uwara uma daira woure faraita uwara; Uma da do dubonu unu uweta uwara, nono uma Godinu irau imumu umabairo me. ²⁰ Roma a, unu, anu torowa inare kekei uwawete, yanu tamuaru ba imuetaini, nono Godinu Tamuaru imumunu ibi roma we siboro uwawe. ²¹ Godinu unu, ubarenaro inare kekei uwawete, nono iyanu maowere muneta amara Yesu Kerisonu totori toro uteibiya wero, me ibene, ibene woure fafi. ²² Manana utaita uwara bairo, totori uwawe. ²³ Mui uwara ina roma eta muawe; yanu iyareta bobo mui uwara ba totori uwawe, i uwaranu wau feka unu tawa utasu, i da anu ofenu unu. v 24 Awoina i amara mane sasa meba a yawofite, nono mawirofirodanu aro udiro inare kekei ufasu, abairo mui iga ratu me , iyanu maowere muneta amara Yesu Kerisonu arioro inafate dai yaru were atafasu. ²⁵ Godi mane iyanu maowere muneta amara, Yesu Keriso da iyanu dai amara danu ario, irau, yawoetanu wakikini, danu buna adinaro ibebi, awoina nono ibene, ibene ibifisu. IDUA.