¹ Awoina, kakamutu, iya we siboro uwawero,Yesunu sina daunono ma dai ufi. I enanari abairo ibinu. ² we siboro ufero,daira uwara bairoma, iya eta mufi, uma Yesu ba imutawaba. ³ Yesunu ba imuetadaiwere ba iya ufite,nono iya yawofisu daira dumu were amara bairoma. ⁴ Aba ba meba Yesunu ibiroma waiya ufasu.ane weisi waiya uteifasu. ⁵ Yesuma anu toto maowetaufiro Godi ba imufate keriso woure anifasu. ⁶ Awoina a we iwata utaisi, kakamutu,Yesu kerisonu ibiroma, i waiya marawa uwaraini ,umanu ibeta daira uwaraini da ibifasu. Ane we iwata usiro muni enanari idua ibi. ⁷ Anu torowa a iwata, i da irau. Iya mawirofasu. iya aini gonuro ibawa ,enanari mui sina nautawauwara. ⁸ Iya we siboro utawaro, mui uwaranu bosari itawa. dumuini kowaini kekei waiya utebaisi.iba a ba urumudamafeisi. ⁹ I utaisi da iya buna me.I ufero efate iyanu buriro afasu. ¹⁰ Aini gonuro ibisi kowaro a we iwata usi. A waiya utawa amara a bosari da ifasu. ¹¹ Iya nautaisi,ainama iyanu burubi arasu.uma waiya utawa marawa bobo. ¹² Awoina, iyari uwara Yesu Kerisonu ibiroma ibaini aiba sina wefaro adada ratu.waiya ufite, danu bosari ifisu. ¹³ kakamutu, ane irau utaita iba yanu toto da odiya wero itafi. ¹⁴ Mui amara, iyanu owawaro sina nautawa ufisu i dabairoma eta fate awawa dau.iba maru ufi. ¹⁵ Anu wasai amara ri dau,anika kaka nabue ri uwate awawa u. ¹⁶ Yesu, ure nudanu oname amarama ,ure nuda aine wabara ure matebasu .Yesu,ya yesina bairo. ¹⁷ Ewe da nanu ariye sina,nanu wanama biyo ewe owawa yesina yanane. ¹⁸ Yesu Kerisonu ure nuda yaini ibifisu. IDUA.