¹ Unu daiwere, Neiyemutu, Awoina mui owawa abairo yanane, i sina yesina iyanu ba imueta yawofiro me ure nuda ufisu. ² Godi we bou ui sina, adinaro danu waiya uwara bairo we odi ini Yesu Kerisonu sina danu afosoro uwara bairo mai. ³ Iwata ko siyate, meo sina weta uwara dubu kowaro fafiyeita. meo wefitate umanu unuma anifiyeita. ⁴ Eno wefiyeita, ane furo Yesu Keriso nono owere fafisu. Iyanu Babamutu Nauta aine bitaro i roma, iraorao enanari bu ibinu, ureini, do ubu ui idua roma. ⁵ Uma daiwere imue nana ufiyeita, i ureini do yowa ubarenaro roma wawaro faro, yowaro do wawaro fari. adinaro Godima weiro. ⁶ Yowaro o fari, ewe do duboro raorao yesina ma daira ui. ⁷ Awoina ewe ibinu ureini doini inama yafisua eno wei. Ewe ibinu do danu kowa toro utasu. Godi imutawa uwaraini ewe doini inama yafisu. ⁸ Neiyemutu, ewe sina roma da iyare muiro danifasu.Yesu bairoma wabara taigoraitai da enanari [1000] oya, nono wani tauseni [1ooo] oya da wabara taigorai tai. ⁹ Yesu danu we bou i sina imuatada ba adada ratu arawa.Daunono ratu fafisu.enanari muiana uwarama eno imutaita, da adada ratu arasua imutaita. Roma da iya yawotasu.Da unu tawa danu eme yesina daira orofaro aneta.Iyanu daira uweta sineta imue todifete, owere Yesu bairo fafe. ¹⁰ Yesunu fareta kowa, fafisu i rewo amara ma fanono ufisu.Ureroma rurua daiwere wefiro, ure danu orofa roma iro mesifisu.Urero raorao yesinaini, do duboro raorao yesina inama yare wasa ufisu.Ewe do duboro daira uweta sineta nono maoeta ufisu. ¹¹ I ewe ibinita raorao yesina ma daira ufiro, nono ane uwarama ibifiyeita. Godinu unu ennanari ibiyawe. ¹² Godinu fareta kowa mane toro uwawe. I kowa fafisu i urero ibnita raorao uma yare wasa ufiro. Nono do duboro ibinita raorao yesina inanu wakikima mufiro me sara dorobi yafiyeita. ¹³ Danu we bou ui iyari, iya toro utaisi, Awoina ureini, Awoina doini tarafiro, irau uweta sineta uwarama ibifiyeita. ¹⁴ Iba, Neiyemutu, Ya i raorao toro utada, anu torowa buna uwate, iga buga me fare danu iboro ina, ure nuda bobo. ¹⁵ Nono, imu Yesunu araeta da iyanu bira feka ya, enanari iyanu unuma anikari kaka Foruma owawa yanae abairo mai,enanari Yesuma imueta daiwere dabairo mai. ¹⁶ Foru danu owawaro,ewe raorao yesina ba wei.Mui raorao mune iyanu totoro oeta, da kekei daiwere.Manana utada, sina nautawa utada, ewe raorao ma daira utaita uwara.Iyari eno utada mui owawaro sina ma daira utaita. ¹⁷ Iba, unuma anikari Neiyemutu, adinaro iwata sini ewe raorao anu wanaro, anu torowa a yawoe gowo uwawe, iba meo uwarama ya da irufita. Anu ba imueta roma da urei fasu. ¹⁸ Iya maowere muni amara Yesu Kerisonu ibi roma inare kekei ufete, danu araetaini, iwata mufe. Ario daiwere Yesu Keriso bairo, awoina ini ibene, ibene ibifasu. IDUA.