¹ Saimoni Fita, Yesu Kerisonu, waiya amara, Afosoro, a ainama i tagorai irau aiye ba imueta muni, iyanu Godin ini Yesu Keriso ini umanu ba imueta musi. ² Totori ni ure nuda madai uwate, mayafa uwaro Godi ni, Yesu Kerisonu ma daiwere sifi. ³ I,raorao yesina, buna wakiki, daiwere, ibetani, Godinu ibetari, ibeta iyaba mai. Godinu iwatama iya yesina uwo we mune dabairo odi, danu arioni, araeta ubarenaro. ⁴ Irau aiye dai,we bou uweta sina mai, iba mufate nata ufasu, i buna daiwere rao, i do dubonu daira fotena ufasu, daira imumuma daira imueta matebasu. ⁵ I ubiroma, buna uwate irau baimueta mu,irau roma iwata mu. ⁶ Iwata roma anu torowa yawoeta mu, anu torowa yawoeta roma urumu woureta mu,urumu woureta roma irau mu. ⁷ Irau woureta roma kakari wou,kakari muneta roma unu. ⁸ Iraorao yesina abairo ibifisui, a urumu da woufasu nono tai uwana,Yesu Kerisonu iwata mufasu. ⁹ Aina ewe raorao utawa utasu,eradama,erawaeri utasu,da naitei sikaka bobo. Danu adina daira imue nana ui. ¹⁰ Kakamutu, Godima ya uwo wasuba, anu buna uwatema i raorao mu. Raorao yesina ufasua, i manana dau ufasu. ¹¹ I darei roma, raorao faiya were mufate, me ibene, ibene suro anifate, Yesu Kerisoni ibifasu. ¹² Ewe raorao yesina a iwata roma nono wemaro nau. Aba sinaro buna were yabae ibinu . ¹³ I da irau, imue gowo umau, nanu kabesiro yauribada a yawoe gowo umau ba,iba we mai iwata utautane. Na we sine, nanu yauri bine kabesi roma na eta famau. Yesu Keriso ma adina nabaimaoweta usinuro iwata sine. Bunawere daiwere umate urero manimaro, I raorao ba sifiro efote, ba weinua eno wefoita. I, dai iwata uwaranu burubi anawa, Yesu Kerisonu, nono owere fafisu buna were sina abairo we iwata utaisi. Iya emema wetawaro nautawa. Iyanu naitema danu ario esiba. iba eno waisi. Godi baba bairoma dai ibini, ario muniro,urero ma araetani, arioini, wourite tarare dabai mata eno wei, ewe amara danau nanu amara ubi ya wei, da nanu unu daiwere ya wei. Iya, etua tamuaru oroana otoro inaribada nautebisiro, danu sina ureroma wourite tarari. Ewe we bou i sina musite, wemaoweta uwe gowo ui .iba sina nauwe gowo ufeisi. Iyari eno dumu were orofaro sibinima ario matebe wabara ureifiro kudinu arioari anu totoro fafisu. ²⁰ I raorao yesina duburo ma, imufasu, I we bou i sina da mui amaranu iwata roma wetawa. ²¹ Mui amaranu sina wofarawa, emenu unu me, roma urero Godima eno wei, imumu ma woure fari.