¹ Awoina, Yesu Kerisonu fareta wabaraini, kowaini, oya buruge fare areifiro, kakamutu, mui raoba da imuawe, yabairo owawa mui da yanae mafiyeitaya. ² Ya yesina yanu torowa iwata, anikari, YesuKerisonu fareta wabara da rewo amarama dumuro fanono ufisu. ³ Iba eno wefiyeita,'' ure nudaini, ofe yawoetaini,'' Roma daira uma bairo sasa ratu fafisu. danu oferi, da buana bobo aweta ma kuita mufiye utada oferi woure basu enanari ufisu. Uma yesina mui darei roma da iyare anifiyeita. ⁴ Roma ya, Kakamutu, dumuro ibawaba, i wabara ufisu i, ya da maremu ufisu rewo amarama unono. ⁵ Eno ba ya yesina arioini, wabaranu adarabu. Iya yesina dumunu adarabu me. ⁶ Iyari enoba, iya nauta da aine tuna ufeisi, mui uwarama utebaita enanari. Enoba dumuro yaubada eremareifero wabara ufisu. ⁷ A ainama,dumuro nauta aine tuna ubifasu i, nono ya aina, ainama dumuro daira yowa iteifoita, iteibiya we. ⁸ Adina roma, iya da wabaranu uwara, iya irau mane yaubada, ba imueta mane imufete, iyanu siriadei feka yabae gowo ufete, iyanu toto garauini, iyanu mugoiso barufete inare kekei ufe. ⁹ Enoba Godi, iya daira ufeneba munawa ui. Roma irau maowere muneta mai, Yesu Kerisonu ibiroma. ¹⁰ Yesu Kerisoma, iyaba mesini, iya au yaubinisi o nauta aini binisi iya maine Yesu ini gonuro ibifeisi. ¹¹ Iba yawoe matawete, ma kekei uwe matawete ibiyawe. ¹² Kakamutu, yaru bobo mui sina ratu, yabai we nauwe maneba wautane. I ainama amarama yanu abana roma Yesu Kerisonu waiya utasu, i ama da we dai utada, we ma irau aiye utautane. ¹³ Yabairo sina miki ratu, wemaro irau aiye waiya ma utada ibifoe wautane. Urane, yarane me, me ure nudama yaini ibifiro ibiyawe. ¹⁴ Iyana yaba ma irau sina weaisi, kakamutu, wemaro nauwete, waiya marawa amara wearo naufite waiya ufi, sina nautawa amara wearo wearo naufi. Buna me amara, anu wana maro buna mufi. Uma mane toro uteibiya we. ¹⁵ Eya mui amarama daira mui uwara bai da maowere ufisu. Enoba irau mane neiyemutu baue mate, nono eme yesina baue irau mane maro mufitate yaru ufita. ¹⁶ Aine wabara ure yaru mane uteibi. ¹⁷ Godi bairo nui woroworo weada, daira da uwawe. ¹⁸ I raorao yesina baue, yaru mawe. Iyari eno, da Godinu unu Yesu Kerisonu, ibi roma abaue irau utasu. ¹⁹ Irau aiye, Godinu imumu da mauiyawe. ²⁰ Adina, we bou uta sina da madaira uwawe. ²¹ I raorao yesina uwe eya wete. Irau raorao mane yabawe. ²² I daira imumunu araeta ere todiya wete, da basiye da fawe. ²³ Iyari eno ba, Godinu ure nudama a mawiroe gowo rau ufite. Nono danu tamuaru imumu ari mune odifisu. Enoba anu imumu yesina, anu tototai, anu baofeini, magiyana burau ufisi, iyanu maowere muneta amara Yesu Keriso, danu nono owere fafisu kowaro. ²⁴ Ba imueta giyana burau amara munasute, idua Godima uwo we mune dabairo odasu. ²⁵ Kakamutu, iyaba we siboro aine wabara ureuteibiya we. ²⁶ Iyanu kakakmutu bairo yaru mawete, wana mame matawe. ²⁷ Kakamutu, nana, iyanu mawiroeta amara, Yesunu, ibi roma ewe owawa yanae Godinu waiya uwara bairo matautane. ewe owawa yawiya wete, we matawete, Yesunu waiya uwawe. ²⁸ Iyanu maowere muneta Yesu Kerisonu totori ya yesina bairo ibifisu.