¹ Ibaue, iya nono da maowere mufeisi, iyana imusi i da irau, etera Etensiro mane ibinua eno imusi. ² Iyana Timoti, iyanu Kaka , Godinu waiya gonuro uweta amara, Yesu Kerisonu sina, magiyana uwe nono yanu ba imueta yawofisu. ³ Ibaue mui uwawrama da mabiru baru ufisu i daira fafiso iro. Iba ya yanu mane iwata sinaita, iba iyana, mai inasiro inari. ⁴ I da ba, aini ibada a mefuro weisiro naui, idaira daiwere fafisu, iba adinaro fari, enanari a iwata sini. ⁵ I ubi roma, na dai inamau, na odero ani, iba na iwata simau anu ba imueta. Iba anu wasai amara, a we irue naui, nono i wei sina, da me bebetu duboro ibinu. ⁶ Roma Timoti, iya bairo fari, abai roma anu ba imueta irau aiye sinaini, nono anu unu uwetaini, daiwere iya bairo wofari. Mui irau sina weiro iyana nausi. Adinaro iyanu awawa utebisi, i oide imutada, anu unu iya efae imutasuro nono iyaini a efene ba imutaisi. Ibaue Kakamutu, yanu ba imueta kekei were, iba iya yana yawotebita, i urumu daiwere fari wabararo. ⁸ Iba awoina ewe ibinisi iro, Yesu bairo inare kekei ufasu. ⁹ Iba ane raoma, Godi bairo yaru maowere mafeisi, abaue, i yaru yesinane, iya bairo ibinu, i da Godi bairoma, abairo arasu? Dumuini, wabaraini, iya aba Godi bairo nui kekei were utaisi, iyanu unu daiwere anu ibo naitei efene imutada, nono anu ba imueta de ane raoma garau utasu, iba ane rao maowere mafeisi. ¹¹ Iba iyanuGodi Baba danu oname ini, nono iyanu Yesu Kerisoini, darei maoweta ufiro abairo afeisi. ¹² Iba iyanu maowere muneta dai amara Yesuma a madai ufite, nono maoba ufisu, danu unu ubarenaro ma, iya yesinaini, nono mui uwara ini, iyana aba utaisi. ¹³ Iba dana anu toto mawirofisu, iba uma yesina urumu daiwere me, iyanu Tamuaru Godi Baba, iyanu mawiroeta dai amaraYesu Keriso danu waiya uwaraini nono owere fafisu.