¹ Fita, Yesu Kerisonu afosoro da mui uwaubu amara, matatane muni, Fontas, Gareisiya, Kafadosiya, Eisiya, Bitaniya. ² Ewe da Godi Baba danu adina iwata enanari, irau imumuma buna maite matatane anika odi, enoba irau mane utada, nono Yesu Kerisonu iwama tare odifisu. Iyari enoba, Yesunu totorini, nono danu ure nuda madai sifisu. ³ Enoba Godini nono iyanu maowere muneta amara Yesu Kerisonu Baba baue yaru daiwere mafeisi! Yesu danu dai totori ubarena roma, iyaba awoina bayama munasu kuitari sisi, iba Yesu Kerisonu uieta roma ediyari sinama ibene ibene ibeta maoweta ui. ⁴ Ewe da danu daiwere maowere maeta da mesifisu, iga buga dasifisu, nono da itufisu. I rao da yabaue urero odifiro ibifisu. ⁵ A Godinu buna wakikima yawoe gowo ufisu, anu ba imueta ma, maowere muneta amara nono dubu kowaro owere fafisu. ⁶ Iba ewe a yauru daiwere utasu, roma awoina, eno otowa ratu, iba urumu woureifasu, daira uweta sineta, irauini dairaini. ⁷ Ewe da anu ba imueta ma baufisu, i da goru waka maremu ubinu, iba mesinasuro, inama yare erasu. Iba eno ufiro anu ba imueta mufate yaru daiwere ufate, Yesu Kerisonu arioini danu irau uweta nono owere fafisu. ⁸ A da erawa, roma ada unu utasu.Roma a awoina da erawa, roma a dabairo ba imutada yaru utasu i da sina weta arama, arama, nono arioma wate faribinu. ⁹ Awoina anu ba imuetanu ubi anu torowa munasu, i da anu totonu siriyadei feka. ¹⁰ Iba ewe siriyadei fekaba imutasu, adinaro Godinu sina webou uweta uwarama webwou uwe oita, iba Godinu totori abairo fafisu, iba dobere gowo uwate, nono ere gowo u. ¹¹ Aina amara bairo o ane kowaro, Kerisonu imumu da anefuro umabairo we maboroyari isinanu ubi etera mefuro we odi, Kerisonu oferi ini nono ario bobo fafisu. ¹² Uma umanu torowa mawirotawa ubita kowaro umabairo fari, roma abairo umana i rarao yesina weita, i Godinu sina weta uwarama abairo weitaro naui, Tamuaru Imumu ureroma oitaro ari-i rarao yesina Godinu aneruma erasu. ¹³ Enoba anu imueta matariye uwane odi. Iba daira yowa daifasu. Anu imueta daiwere, ane kowaro Yesu Keriso nono owere fafisu, danu totori aba woure fafisu. ¹⁴ Eno sina nauweta aruma adarabu, ya ere todifiyeita i, yanu oname i daira uweta sineta da uwawe. ¹⁵ Roma i ainama a uwo weinu, i amara da tamuaru amara, aini iba anu uweta sinetaro tamuaru amara sifasu. ¹⁶ Iyari enoba, ''`Na tamuaru amaraba, iba aini tamuaru amara sifasu''. ¹⁷ Iba yana naba ''Baba'' waita da ainama yanu uweta sineta erasute, nono i uwara yesinanu waiyaini, yanu uweta waiya, yanu ofe iyari bada ufoita, yanu kowa ewe do duboro ibifoita enanari mui su uwarari. ¹⁸ A iwata i rao da mesineta rao me siriwa o goru munasute mawirotasu enanari, i daira uweta sineta anu abua bataemutu bairo muni. ¹⁹ Roma Yesu Kerisonu irau aiye iwa, da i awe iyarawa mamoe ari. v 20 Keriso da ewe do ubu utawa kowaro iya iwata sisi, roma nono awoina da adina ure diworari ui, awoina dubu kowaro. ²¹ Enoba da bairoma a Godi imutasu, iba dana uieta roma maediyarite, nono danu ario da bairo mai, enoba anu ba imuetaini, nono anu ereta yesina Godi bairo. ²² Anu toto ubarena magiyana burau ui danu ubi da a ba sina nauweta amara. Ewe sinanu ubi da anu kakamutu unu daiwere ufate; enoba anu toto ubarena roma mui uwaraini unu ufasu. ²³ A nono anu bayama danu desini roma muni, i daira uieta yo emeru meroma, nono ibene, ibene ibeta yo emeru roma, da bairoma ibene, ibene ibeta Godinu sina ²⁴ ''Enoba, i ba ofe yesina koe tatari, nono danu ario yesina da nauwa ana tatama koero inari basu enanari. Koe tata siburasute, danu wabai dorobi yarebasu, ²⁵ Roma Godinu sina ibene, ibene ibinu.''