¹ Mamin sap arunani, Yisu Kiristus rumpun was gan, Devit gariac gan ingca Abraham gariac gan. ² Aisac ramangan Abraham, jecop ramangan Aisac, Juda ramangan jecop wat raingk was gan. ³ Peres wat sera ramangan Juda. kurinai rinangan Tamar. Ezron ramangan Peres, ingca Ram ramangan Ezron. ⁴ Aminadap ramangan Ram, ingca Nason ramangan Aminadap, ingca Salmon ramangan Nason. ⁵ Boas ramangan Salmon. Boas rinangan Rehap, ingca Obet ramangan Boas, ingca Boas hingian gan Rut, Jesi ramangan Obet. ⁶ King Devit ramangan Jesi, ingca Solomon ramangan Devit ka rinangan Batsiba, Uraia hingian gan mamuan. ⁷ Rehoboam raman gan Solomon, ingka Abisa raman gan Rehoboam, Asa raman gan Abisa. ⁸ Jehosafet raman gan Asa, Joram raman gan Jehosafet, ingka Usia raman gan Joram. ⁹ Jotam raman gan Usia, Ahas raman gan Jotam, ingka Esekaia raman gan Ahas. ¹⁰ Manase raman gan Esekaia, ingka Amon raman gan Manase, Josaia raman gan Amon. ¹¹ Jekonia rumpun gan Josaia, wat raingk was gan, gubuak karunanai kurinai gia gimpai butua was i Babilon. ¹² Gingan kurinai giha gipu butua i Babilon, Jekonia gimpai gisu Sieltel raman gan, ingka Sieltel rumpun gan Serubabel. ¹³ Abiut raman gan Serubabel, ingka Eliakim raman gan Abiut, Asor raman gan Eliakim. ¹⁴ Sadok raman gan Asor, ingka Akim raman gan Sadok, Eliud raman gan Akim. ¹⁵ Eliasa raman gan Eliud, ingka Matan raman gan Eliasa, Jekop raman gan Matan. ¹⁶ Josep raman gan Jekop, ingka Maria gabuan gan Josep, Maria giku Yesu wia kuri gini bingan Kiristus. ¹⁷ Abraham rumpun tahan was gia i Devit gisu 14 rumpun tahan was, ingka Devit gan ha Babilon gisu 14 rumpun tahan, ingka mi Babilon bah Kiristus gubuak gan gisu 14 rumpun tahan. ¹⁸ Hup Yesu Kiristus gan gubuak Maria kua gayang, nanai gisu nani. Rinan gan, Maria, Kurinai gini hup i Maria yasu gabuan i Josep, Kurinai mami warun, Josep gararab Marapayam gab gariak i Maria sampan. ¹⁹ Maria gabuan gan Josep, nanai garam pai mimungk, giguan i kab rinin maik wat Maria i garamsagat santan maran, gisu nai ini yaguap in yasagari Maria yahan nayang in giguan i war ayang. ²⁰ Maran giwar wah manga mangan anai, angira garam Raham gan giba gikas abigin i sint in ginia, "Josep, Devit gariak gan, wangkiti guan i ku Maria su inian gam ah i hausa gariak gimpai i sampan gan, nanai Marapayam kab ayang gan. ²¹ Yaku gariak marub basinta, in agu yani bingan gan Yesu, I hausa yaku mais pias sibi garamsagat. ²² "Wah manga mangan santan gikas gisu Anutu hup gan marasamub Anutu garam nia gayang. ²³ "Nayanguah, sagat karua basinta mah wat garam gigiangk amuk, yangan yawangkun ayang, ingka yaku gariak marub basinta, ingka garam yani bingan gan Emmanuel'. Bingan anai huguan gan gisu nani, "Anutu gimpai biagi". ²⁴ Josep maran gitak in gitakirun i giangkayang gan ingka gigab gisu Anutu Angira gan nia wat, ingka Josep giku Maria gisu hinian gan. ²⁵ In Josep mu wat sagat gigiangk amuk gihagisangk sagat ku gariak marub. Ingka Josep ginia i bingan Yesu.