¹ Zi Pol, zi garam gab gum Yisu gan, i sampan mimungkan gini zi wat Timoti ² agai gikakar hup ani gibiak i agam sagat garam Anutu gan parat raham Kolosi.Agai raingkuas nahungkuas lukap maran huarayang gan wat Yisu,ka ramangk Anutu luyakab sampan nuhayang gan yakab agam sampam yami nuhayang. ³ Agai gikab hup ni sampan mimungk wat Anutu , ramangk ka suraham agigangk Yisu i agai yugayang gangk maimaik wat Anutu i agam ⁴ Agai giangu hup agam gam lukab wayantam wat Yisu ka, kab sampam wat sagat garam Anutu lu ngantung bangkian ya . ⁵ Inka i kandaham arunai agam rugiku wayant mimungk, ingka wah santan Anutu runungk kab i ganungkun i agam. Agam ginungk giangu hup sib wat gubuak nungkayang , i wayant bumur an , yakapri kandaham sampan rang ayang. Anutu gan mi wasak i hup nizun runungk bai agam. ⁶ Hup mimungk arunai lu gikab gar an in gisuraham giha gisangk kitamp sib, gisunai agam awah i gubuak agam yangu hup arunai, wat rarab Anutu sampan nuh an hup nizun gan. ⁷ Agam giku hup ani sibi Epafras, garam mimungk gab gum Yisu gan kapri agam ya. Giku agai marangangk in gikapri agam i gum nizun. ⁸ Epafras ginungk gini wat agai hiruk kangkua i kandaham rang i rungangk Marapayam kabwat agam. ⁹ Gubuak aru agai yangu hup aru agam rangirungam arunai, agai ma gimpai gasap i yugayang in kantui Ramangk i agam maram yaku i banua gayang gan, ka Marapayam yakahung agamsib i wayant mimungk yasangk i ba huangk ayang nizun . ¹⁰ Agai giyu gin gini sagat garam Anutu gan banua gayang yanga mimungk nizun i Ramangk kandaham gan,ka maimaik yakab i rungam in yagab gum mimungk. Ingka maimaik agam wayant yaku Anutu yasu raham i agam ¹¹ Agai giyu i Anutu yakab bumur wat agam in agam yamunti bumur ya gin yabariang barabin santan bai agam, ka agam manangk yampayang in yaharuigin i yazugub ayang,ingka agam yangan yampai sampan nuh am. ¹² Gisunai agam yangan yampai sampam nuham ka yani dangi wat ramangk i kab agam yabanui kandaham in yaku wah manga mangan rukab in ziri agam ya. Agam wat sagat garam Anutu gan yakua gayang, nanai sagat garam pai pisipayat i gan . v 14 Anutu gariakan rugiku agi zua gin gihukis agi mais angk. v 15 Gariakan basinta gisu Anutu marangan i wah manga mangan santan agi mami rarab ayang ka hiruk agi rarab ayang. v 16 I rungan,wah santan mi ganungkun wat kitamp gikas ya, wah agi rarab ayang wat agi mami rarab ayang.Rungan gikab wah manga mangan nanai gisui gantak, King wat garam guzun wat gapman ka garam ku wayant raham rugimpai ragurun igin. v 17 Gimpai nungk ayang i wah santan ingka wah santan nanai gimi gisu basinta igin iragurun ya. ¹⁸ Sagat garam yisamint gisu Yisu riningan,ka Yisu gisui guzun gan .Garam sagat yisamint rungan gisu guzun ya,ingka ginungk gimungki sibi bumpui,wat gisu nungk ayang i wah santan. ¹⁹ Ingka Anutu sampan mimungk in wayant giur gisuni, kandaham pisipayat an santangimi i gariakan Yisu ²⁰ rungan yakab manga mangan santan anai yangan sampan basinta wat i rumbis an,gisu nanai i Anutu mimungkan i gariakan marub basinta i gai pariruan,wah mi kitamp wat mi ganungkun awah. v21 Agam awah ginungk gimpai tamangan sibi Anutu i wayant am ka banua gayang gam. ²² Karunani Anutu rugikab agam gampru sampam basinta i Yisu mamp ayangan,Agi rugiha sapiak,magisangk wah mais mangan yabai agi ka barabin mangan yaku agi i Anutu marangan. ²³ In agam rugimungki bumur i maram rarab Yisu ka gisung tagur am i kitamp bumur ka gamunti bumur i wayantam yur Yisu.Wangkiti kiti wayant Anutu gan agam ru yangua gayang gisu hup nungk nia, wah manga mangan santan Anutu kab i mitugurun i ganungkun ,zi Pol zi gisu garam gab Anutu gum gan. ²⁴ Karuni zi Pol, zigikab sampangangk i yaku kukuap agam gam i riningangk wat barabin Yisu kua gayang ma gazugub amuk i riningan nanai ya gisu sagat garam gan yisamint igin. ²⁵ Zi gisu garam gab gum sagat garam yisamint an ingka gigab gum ani gisangk Anutu kab izi ya,izi yasangk yakapiri hup Anutu gan wat agam. ²⁶ Hup ginungk gahumpun run wat tamamuan nizun in sagat garam santan ma gayangua gamuk gisangk gubuak karunani i garam santan yampai pisipayat i marangan. ²⁷ I Anutu wayantan, sampangan,gikapiri hup guap ayang anai wat agi sagat garam gan ,gini agi yararab ayang,nanai hup mimungk nizun gisangk yaha yasangk parat santan.Hup guap ayang anai gisuni,Yisu gimpai wat agam in agam giharui gin i yakab agam yaha wat yampai ayang in yaku wah mimu mimungk gan mi ganungkun. ²⁸ Agai gini hup mimungk ani harab wat sagat garam ingka gikapiri kandaham mimungk anai awah wat.Ka agai giku kurinai gikatang ingka gikab hup mumur wat,i hausin,agai gini kurinai yasu sagat garam bumur ka yampuru kurinai bi Anutu. ²⁹ I marahahiang wat bumur anYisu kab wat izi,zi gigab gum ani