Guzun 1 Nangkias 1 gihan gitup Nangkias 24
1
Zi Pol, Yisu Kirisi kuri gan basinta i Anutu nuguan gan rungan gini zi, ingka Timoti agai raingk gangk, gahahar hup gihai tagursunta Anutu gan wasak i Korin, ingka gihan wasak i garamsagat bumur i parat Akaia gan sib.
2
Sampan nuh ayang ingka sampan manangk Ramangk Anutu agi gangk ingka Raham Yisu Kirisi gan gimpai bi agam.
3
Agi gisangk yasapi Anutu bingan gan, nanai Ramangk Raham Yisu Kirisi agi gangk gan. Nanai Ramangk sampan nuhayang gan sib ingka rungan Anutu gab nangkui sampan manangk gan sib.
4
Anutu gikab sampan nuh ayang wat agi i gubuak barabin kas i agi, gisunai tak agi gawah gisangk yagab nangkui sampan manangk gan i kuri wi barabin rugarugan kas i kurinai. Agai gisangk i yagab nangkui kab sampan manangk wat garamsagat hiruk wat sukarunanai nangkui kab sampan manangk gisu Anutu gab i yakab sampan manangk wat agi gubuak barabin kas i agi.
5
Barabin raham ingka kukuap Kirisi gabariang i ku agi ba zua. Gisunai tak nangkui sampan manangk giba i Kirisi.
6
I gubuak agai ku barabin, nanai Anutu gan yangan yakab sampan manangk wat agam ingka Anutu gan yakua agam zua, ingka ini Anutu kab sampan manangk wat agai, nanai sampan manangk agam gam. Nangkui sampan nuhayang agam gam gigab mimungk arumangan gubuak agam mpai manangk ingka munti bumur in bariang barabin gisu agai awah bariang ayang.
7
Agai kurukuan bumur gisu, gubuak agam kurukuan bumur ingka bariang barabin anai, Anutu yangan yakab sampan manangk wat agam gisu rungan kab wat agam.
8
I aus agai nuguangk i agam yararab ayang, raingk was, i barabin raham agai gab i Esia. Agai gikua sampa barabin raham bingan, nanai raham bingan abingk agai ma gisangk i yabariang ayang amuk, ka i ru marikum in agai wayant agai ma gisangk yampai maratak zua gamuk.
9
Wasak i nani, nanai maranahuh gisu jas nia agai i agai yamampayang. I nanai yagab agai yangkiti kab bumur agai gangk i agai rungangk, i agai yakab bumur gangk wasak i Anutu, wi ku garam mampayang hantab.
10
Anutu gikua agai zua sibi wah mais nizun gisangk i zumir agai mampayang, ingka nanai yangan yakua agai ba gubuak basinta zua. Agai gikab bumur agai gangk wasak i Anutu gisu rungan yangan yakua ba agai tak gubuak sibangu.
11
Anutu yangan yakua agai ba i yugayang agam gam. Tamurl garam sagat marikum yangan yania kuamuas i Anutu i rungan yakab sampan nuhayang raham ingka maran rarabayang gan yamari agai, i aus garamsagat marikum giyu i agai.
12
Agai hirukangkua nuguangk giyab mimungk i wah basinta ganai, agai hirukangkua gararab sampang ingka wayant agai hirukangkua gangk gisuni, agai hirukangkua gigab nangkui surung ingka nangkui nizun i garam sagat marikum. Agai hirukangkua gabanua wasak i nangkui surung nanai anai kandaham surung ba i Anutu ingka agai hirukangkua ma gimpai gisu garam sagat kitamp gan gamuk. Agai hirukangkua ru gigab kandaham surung anai i agam in ma wat wayant kitamp gamuk, ka wat sampan nuhayang Anutu gan.
13
Agai hirukangkua ma gahahar hup agam yangan ma gisangk i yania gayang ingka yakua wayant simpim i gin gamuk. Zi gararab gisuni,
14
gubuak hiruk agam wayant pisit simpim i hup zi kakar ayang, ka zi gini yangan agam yararab simpim i hugun hup santan zi kakar ayang gan. in i huguan Suraham agai gangk Yisu gan agai hirukangkua yangan yakas sampan nuhayang agam gam, yasu karunanai agam yangan yakas hugun sampan nuhayang agai hirukangkua gangk.
15
I aus zi gikua wayant bumur gisuni, ka i nanai hugun gan zi gini yanungk yaba i agam, ingka yangan wah mimungk gisangk yakas bi agam i yasu hirukangkua zi ba i rarab agam.
16
Zi gaharu hup i yaba yararab agam gubuak zi gini yahan Masedonia. Gubuak tamur zi gazagari Masedonia, Zi gini yaba yararab agam zua, ingka tamur yangan agam yangan yasaguar izi yahan Judia.
17
Gubuak zi wayant rarab hup zi haru gayang, agam wayant ini bi zi nia nungk? Zi ma garagia garam wayant gan i kitamp i yaharu hup basinta, in yangan zi gisangk yania "Nizun, nizun" ingka "Miayah, miayah" i yasu basinta tak?
18
I su karunanai gisu Anutu ragia hup santan gan rungan, agai ma gisangk yania hup hirukangkua wat "Nizun" ingka "Miayah."
19
Nani hup gariak Anutu gan, nanai Yisu Kirisi, ingka i nanai Silvanus, Timoti ingka zi ginia harab wasak i agam, nanai ma "Nizun" ingka "Miayah." Gubuak sibangu Kirisi ginia "Nizun" tak.
20
Wasak i Kirisi, hup santan hup nahuh Anutu gan nanai "Nizun" tak. Gisunai wasak i Kirisi agai ginia hup "Nan nizun" ingka agi gasapi Anutu bingan gan.
21
Anutu rungan wi gikab bumur wat agai wat agam wasak i Kirisi, ingka rungan gini agi rungan gan tak.
22
Rungan hikab nguar gan hahuan i agi ingka gikab Ganungan wasak i agai sampangk gangk gisunai ingka agi gisangk yararab nizun bingan rungan yakab wah hiruk wat agi gawah.
23
Ka, zi gakayak i Anutu i yasu hup izi gangk i aus hugun zi ma giba i Korin. Zi ma giba i Korin, i aus zi ma gini ru yakab barabin wat agam gamuk.
24
In i ma yangan agai gisangk yasu guzun i bumur agam gam gamuk. Gisu karunanai, agai gigab gum bi agam i nuguan mimungk agam gam, gubuak agam munti bumur i kurukuan agam gam.