¹ Anape girikla aratam anape ana ikiman.anape namatem te ,anape nangamin tugukasan , ale te iluman le ikiman mu kaim ko den mu marak . ² Ale marak mu wetengram , ana namatam te arigiman , se marak mu ko menera mena se Ba ilak bagaso mu ana nanga te wetangaram . ³ Mu anapeya arigman le ikaman mu karo la nongete balu pagorsam se anananga biguwura mu nungi karo bager ko ale anananga biguwura mu Ba Kaem se ko numar Yesus Kristus nongurak . ⁴ se anape imi batagu kisisam, mu nika amilmil mu am sapuruko. ⁵ Se den imi ana nu korang te ikaman le balu kisisam ,mu Kaem mu nikining sa mu kote tiromtirom bo mena biya . ⁶ Bare ana balnak le ana mu ilak biguwura la bagasan manak ale tiromtirom kiwem ningi aolak ilunak mu ana kawelsan ale noko kiwem nunguning mu bita karosan. ⁷ Nu nikim ningi lagso iwita ana nikinang ningi lagnak mu ana boala la lagnak ko,namar yesus kristus ko gue te anananga memek siwu nangaruko. ⁸ Ana memek bo nangamik te mena balnak mu am nanimi kulursan, bare de nunguning ana nanga ningi me aniso. ⁹ Bare ana nanga memek apunak, nu mu nungning se diram ana nanga memek siwu saposo kiwem diram mena mu suen la siwu saposo. ¹⁰ Ana memek bo me beteman balnak mu nu kari kawel ko betesan , evere se noko den nunguning nu anananga ningi me aniso.