¹ Ire mutou mori rovia, tatuagu, mae a girari temitou somai tamutou gama paga bunau. ² Eme rovia, mae emitou soko pauramuria tomia maerara tavovuro oie Philipi, emitou tauvavaga vagagarira oire te Pago terari pepere soio taume ira peperera seserera te Pago tomia vagagarira. ³ Ira momogera temitou gama oioa buroru, tomia tavovuro ari bunu, tomia kogonora. ⁴ Aramori, e Pago tsi ino sesere emitou terari tugatomia peperera tetara, tsi mae emitou pepere, gama terari igo momogea ta-aro, aramori e Pago. Eia mori tsi ga ino seserea tsia mitou. ⁵ Ira mae emitou gama gomai tomia peperera ra veitaura, mae eme rovia, tomia peperera ra taurobora terari igo roboa tavovurora vaitoura- Pago tsi inoe mitouo. ⁶ Mae mitou gama ga abia visarera oio te vararua, mae tomie eme, me gitari aporora. ⁷ Mitou vera abita masagara aigogoru te Iesu. Aramori, mitou tsi poukeke kabiri oiote mutou mae etsie ari igo emie ruratura. ⁸ Oioa garu ari maere emitou gabu matomo eme. Emitou momoge terari geremuria peperera seserera te Pago mori aramori a mauri mitou tai. Iravura eme masagavave mitou. ⁹ Mae eme gabutara, tatuagu, aigogoru kerira tomia masaukara. Rarogo tomia paga mamaga emitou igogoru iravura emitou gamaga igoa tsivurara soio te ita oio tamutou oioare emitou geremuria pepereraa seserera te Pago. ¹⁰ Eme tsi inoao, e Pago tai, avura marokara, seserera tomia tavovuro mitou ari gama bunu soio taume ari tautairora. ¹¹ Oiro mora gauru arere eme tsi oiro tamutou itaita mae e Pago oiro te ruratura, ¹² pepere emia aume matsi igo emia aume matsi abia aume a vagagarira terari tuga oia gabutarara ari kokora oia matare Pago, eari toraeme soiro oia aba tetara tomia momogera tetara. ¹³ Oia vura arei emitou tai visare Pago mori, oiari mae eme abia peperera te Pago oiare eme noa somai temitou, eme abia mae a peperera bunau tera ta-aro, aramori ea tsi mae ea sesere vavo, peperera te Pago maea ari eia tsi igogoru oiro taume eari tautairora. ¹⁴ Ire mutou, tatuagu, mutou tsi gari muri mae a rumara kiraka te Pago oira mautue Judea oira aisare e Iesu. Ire mutou tai borea masaukara ira totsibo oiote vararua tamutou mori, mae ari egitou igotao soio te egitoue Jews ¹⁵ egitari birie Iesu tomie egitoue poropetsi, egitari igo gareie mitou. Egitou gama togoe Pago. Aramori, egitou mavei igobubunue vararua. ¹⁶ Egitou gama masagae mitou terari pepere soio te e gitoue Gentiles ire gitou ga abia maurira. Ira vura tsi mae egitou arogo tomi ioigoa airuru komuko. Aramori temasira gagi muga oio tegitou oia karuvura. ¹⁷ Aramori emitou, tatuagu, emitou pou aba soio tamutou oia bautura rogo, oiro ta ta aro gama oia tsiara. Emitou momoge matomo tomia masagara, terari inoa nagu mutou. ¹⁸ Ire mitou gabumuri matomo terari gomai oio taume seserera, eau, Paul, rogo ita rou-aramori taro ari bunu igoroboe mitou. ¹⁹ Oio agirabu temitou, o momogera, tomia autora papaga are mitou magiri vavaga ira oiro soko ire auru e Iesu oia girarira? mitou igo kokora aigogoru temitou? mitou ga momoge ire memori igo emie mitou.