¹ Eau e Pol, e Silvanus, me e Timoti, Somai tela lotu le Tesolinika oilo te Deo e tama gato me la Uru e Isus Kraist. ² La gilogo ge tamutou me la tia madila loio te Deo e tama gatou me la Uru e Isus Kraist. ³ Bibi amite ge vei tataho e Deo ile amuto, tabarabaragu, la vuhula la tautaulailo tamuto oio kusi tela imala tomi, mela ilisulisu ale amuto isasa tahokea soio tamuto isasa oio kusi ururu. ⁴ Amite lou vei tataho amuto oilo la lotu te Deo tela hate tola la mela tautaulailo oilo la magiri robola tomi, me oilo la iligiligi ale amuto goilo ovola. ⁵ Ale a la seselela tela matamulila te Deo ale matata, la vuhula amite tai ge hilo eme via eme tartigi tela mautu la sagegela te Deo, teale eme oio ababi la tikumula ovola. ⁶ Oilo vola, la magiri matatala te Deo ge abi rivu la iligiligi soio tegite ale viligi emei. ⁷ me age vimaila tai eme ale abi la iligiligi vikapopo le amiteu, la imala la Uru e Isus Krais ge sibitala loata la ilo lalage vikapopo me egite la Angelo ale vagari sele, ⁸ oilo la havi ale karere, ge koli la iligiligi soio tegite ale kama rovi e Deo me egite tai ale mukupile la merera la lotu te la Uru gatou e Isus. ⁹ Ge viligi egite oilo tela kama korala ale la kaluvula ouka logala tela mulou la Uru me loio tela marasala mela vagrila. ¹⁰ Eia ge igoa maele oilo tela logo ale eia ge gomai via egite la valua tetala ale maroka ge soio saea me egite ale tautaulailo tai ge karutu, la vuhula la merera ale amite valolo le amuto ovola amuto tautaulailo tai ovola. ¹¹ Ale la vuhula ale amite kaka bibi tamutou, via e Deo tegato ge hilo la marokala tela tilola taume mela vagrila me eia ge visibitala la vuhula papaga tomi tela igolu la tautaulailo taume. ¹² Amite kaka maele via la isa la Uru gatou e Isus ge sio saea oilo taume. eme oilo ti tetala, loio moli tela gilogo te Deo tegatou me la Uru e Isus Kraist.