¹ Umala tagutavu la tahalo ale uruti. oilo vola, vei muliala mae eia e tama. tututolea gite maure labalaba mae egite taume tabarabara, ² Egite tavile ururu mae e tatila mutou, me egiteb la sobe mae e hatavilevilemu, oilo tegite tomi la marokala. ³ Togo egite baharuharu, egite ale baharu sesele. ⁴ Alamolui mae e baharu tahoka e latatula me tutubula, mamuga egitege vahilo la tilogo oilo la luma tegiteu, egitege abi rivuale tama gite me tila giteu, la vuhula e Deo ge sagege oio vola, ⁵ Ala moli mae la tavile ale baharu sele, age ale eia moli seke popou, eia tau la tiala tomi oilo te Deo la imala tomi eia igoigo la kilaka tela logo mela haro. ⁶ A maemoli la tavile ale mahuli oilo la sagela tela vovo eia peho ti la imala eia solio mahulihuli. ⁷ Abi tahoa gite la vei mulila aleie, ila egite ge maramara sele. ⁸ Alamoli mae isa kamage raragia gite la karara tetala, ale uru sele tegite ale oilo la luma tetala, ale eia tahi taro sele la vulovulo la tautaulailo me ale eia kamakora sele tavua gite ale kama tautaulailo. ⁹ Sugu taro la tavile le ge kekesi la isala mae eia e baharu eia oukati tavile halaba lou lotalo te la leavala savulu uolo, la tavile ale e haruala ge isasa moli. ¹⁰ La tavile alele la valalua ge rovi taho eia tela vulovulola ale tartigi.age mae eia sele baumuli e latatula, ouka mae eia baumuli egite la moimosi, oitai mae eia vuhi vei la ilo puli gite la valua te Deo ale maroka viuviu. ale tai mae eia ge koli egite ale gagabu la iligiligi, ouka eia ge tau sele la tiala oio tela igogolu tomi ale tartigi. ¹¹ Alamoli soio tamutou e baharu ale tavile halaba, umala kekesi la isa gite oilo la buku, egite souka ge hari muli la masaga la vovo ale mukupile e Krais, egite masaga ge taulai lou. ¹² Oilo tela gauru alele egite tau egite soio la iriru la vuhula egite taugale ti la masagala tegite ale tela mulugala. ¹³ Tela imala tai alele, egite ge silaha me egitege polo galili la lumaluma tomi. egite kama ge silaha moli, egite mera momolo me egite kamage pou bulahu, me egitege vevei la papaga ale egite kama koramuli ge veia. ¹⁴ Ala eau masaga via egite hatavile sobe matuaha ti ge taulai. ila egite ge baumuli egite tomi ale oilo la luma tegiteu, tio egite kama ge abiala gima la ba via eiage ge tutugolo etatou. ¹⁵ Isahari tegite polo gale ti lotigu te Satan. ¹⁶ Mae la tavile ale tautaulailo isa tahoka isahari e baharu, tartigi eia ge suli egiteu, la vuhula la lotu kamage abi mavevea,ila age suli egiteu ale baharu sesele. ¹⁷ Egite la mulugaluga ale pou la pulou la uru etatou ge togo pepeho sele egiteu, ale uru sele egiteu ale igolu oilo la merera mela vimarila. ¹⁸ La vuhula la buktabu vei mae, "eme umala kisi robrobo la hare la kau tela imala eia igogolu oilo la mahuma vit" mae "moli la tahalo la igolula tai eia tartigi eia ge abi la mapa tela igolu tetala." ¹⁹ Umala hare tavu egite la mulugaluga mae moli amutoge taho lua ouka taho tolu ge vei la selela. ²⁰ Eme ge veiala la tahalo la iriru la iruru tetala la vuhula egite ale isahari tai ge taga. ²¹ Eau gabutala selea me eau mera vagariamu, tela mata le Deo me Krais me la Angelo tela hilovila, amuto ge sautola vagari la viturila mela tiamuto umalage ilalua, me amuto umala ge taho tavu issa. ²² Umala igo harari ge tau limamu loata te isasa. umala tatau me soilo la iruru tela tahalo isasa. eme ge magiri maramara sele. ²³ Eme umala ti liliu la lalu. oilo vola, eme ge abi moli bakisi la Vaen age tela tiamu mela ilea ale abi bautu mei. ²⁴ La iruru tegite la valua isahari emege rovi matagaga molia, me egite ge goilo tela ilapu matatala. oio tai la iriru ale isahari ge tili milia mulmuli. ²⁵ Amae moli tai, la igolu ale tartigi tai isahari a matagaga moli emege rovia, mae ale tai isahari kama koramuli ge tabuli kokovu.