¹ Eau e Paul la bilalaha te krais isus loio tela viturila te God eia abirivu e tatou.E Isus krais eia abiagatou la matalovila. ² Sio taume e Timoti eme latugu sesele oilo tela tautaulailo, Lagilogo mela tia madidila te God,Etamale isus krais la uru tegatou. ³ Eiau masaga eme ge igo la igogolula aleie,la imamala ale eiau ge goio e Mesodonia eme ge pou omai e epeses lavuhula eme ge vikara vagari soio te giteu la valua isasa souka ge vimari egiteu la valalua la tautaulailo tela lotu ale isapolo. ⁴ Oio tai egite umalage lolo lavigilemulila te ururu,age viguvi la vaigototolola,akamage vasuli la igogolu la te God,oilo tela tautaulailo. ⁵ La vuhula la gabutatalala tela merera amaie, lavulovulo la ilisulisu age loio tela tia ale maroka la gabutatalala ale tartigi mela lailo ale sesele. ⁶ Lavalalua me hatavivile isahari piligiti la vulovulo ale tartigi, egite tilimuliti la merera ale kama tartigi. ⁷ Egite masaga ge guvi mai la tahalo la vimari la vituturila, ala moli egitelou kama abi matagaga la gabutatalala telarova egite veveia,oiotai larova egite masaga eme ge abia. ⁸ Eala moli etato rovia la vituturila eia tartigi mai isasa ge tilimuli tatahoa. ⁹ Etato rovi taia mae, la viturila akama tegiteu ale matata, ouka ategiteu ale putu la viturila, me egite kama tilimuli la vulovulo ale matata oilo tegite, lavulovulo le God kama oilo tegiteu, la viturila ategiteu ale bilibili,etaume rutu oio tamai ale ge bili latahalo ale isapolo. ¹⁰ Oiotai tegiteu la valalua me hatavivile ale igigo la vulovulo ale kama kokora, egite ale hatamale hipuli rivu, egiteu ale pakali polo la tahalo laigogolu tela tahalo isapolo,me egiteu ale vasigologolo etabaragiteu, me egite igo bara la vimari ale tartigi. ¹¹ Ale la merera te God eia abiagu la veivagarila ge igo la igogolu aleie. ¹² Eia toi tartigi soio te Isus Krais la uru tegatou, lavuhula eia abiagu la vagagari me eia turi eiau ge igo la igogolula tetala. ¹³ Pala eiau la tahalo la merabarabara soio te God,eiau vipou gerugeru la valalua, vikokue soio tegiteu tai. Ale igoe eiau abi la gilogo te God, lavuhula eiau masaga tavu la vulovulo la tautaulailo. ¹⁴ Lagilogo tela uru gatou eia hilovi le iau la vulovulola tautaulailo, via eiau ge masaga lavulovulo la mulou oilo te Krais. ¹⁵ La merera aleie atartigi pepeho age suli egiteu ale abia maie, e Isus gomai la maututula apeho oata la tovolautu me eia abirivu etatou loio te la vulovulo ale kama kokora,eiau la tahalo la iruru sesele muga me vikapopo la iruru tomi. ¹⁶ Oilo moli te alele eiau abi la gilogo me eiau la siloko la tahalo e Krais Isus turiagu la vulovulo la ilogogorila, e Krais Isus igoa mai la vikarala la tovolaila ge vahililoa gatou,mai la tahalo ge tautau la ilo te tala age abi la mahulila ale latapapasila ge ouka. ¹⁷ Igoe eme e suara ,la tapasimu ouka, la kaluvumu tai ouka, la valua la magasa kama hilo emei, eme e God ale urusesele lavagagari la isamu eia uru la kaluvumu ouka, eia sesele. ¹⁸ Eiau tau la merera ale oata taume Timoti, eme e latugu lavuhula la merera tabuliti oilo taume palati eme ge vikue isa la vikokuela ale tartigi pepeho. ¹⁹ Sautola la vulovulo la tautau lailo mela gabutatalala ale tartigi, mai eme ge poke taro la tautau la ilo tamutou akama ge kokora. ²⁰ Ale maie Himanius me alexandra, egiteu ale eiau sugutaroti ale Satan ge abila vimari la merera ale umala mera barabara.