¹ Amuto lou rovia, tabarabaragu, mae la gomaila tamite akama la golu bulahu moli. ² Amuto rovia mae pala amite abi la iligiligi mela mahelala ale egite igoa mite oio e Pilipai. alamoli amite vagari oilo te Deo tegatou me amite valolo la merera te Deo vikapopo mela tuhakala. ³ La mera tageala tamite kama loio tela ba ale kamakora, kama loio teale kama maroka, kama loio la vasigologolola. ⁴ Akamage maele, e Deo turi ti amite me eia tau la gabutalala oata tamite tela lotu, ala amite meramera ovola, kama ge igo sagege la tahalo, ouka ge igo sagege e Deo, eia moli sekela koramuli ge hilovei la hate gato oilo. ⁵ Amite kama gomai tomi la merera ale ge vei taho isasa, mae ale eme rovia, ouka la vasigologolola ale ge taurobo la hatetuhula--- e Deo rovia. ⁶ Amite kama tovolaia ge igo egite la valalua ge kalisae amite, ouka loio taume o loio tegite isahari. alamoli amite koramuli ge tau la masagala la vibalavala tamite mae egite la Aposel te Kraist. ⁷ Akama maele, amite vaibisi amite kabili tamutou mae la tavile ale vakolu robo e latula. ⁸ Oilo tela gauru alele amite tahoka la tia somai tamutou. amite sagege ge abia muto la merera te Deo vikapopo mela mahuli miteu. amuto sibitala sele ti mae la hate miteu. ⁹ Amuto gabutalea, tabarabaragu, la igolu mela tuhakala tamiteu, la logo la haro amite igolu la vuhula amite kama masaga ge vagotalo isa tamutou la imala amite ge valolo la merera te Deo soio tamutou. ¹⁰ Eme magiri tela ba tela vei selela, me e Deo tai, la marokala, la magiri matala, la maramarala eia la vulovulo miteu soio tamuto ale tautaulailo. ¹¹ Me oio tela gauru moli alele eme rovia amite vikapopo tile amuto isasa, mae e tama ale vikapopo me egiteu e latatula, ¹² Amite Tututolea muto vivagari amuto kara suku amuto ge tuga oilo la gauru ale e Deo masagea, eia tola ti amuto soilo la mautu la sagegela tetala mela marasala. ¹³ La vuhula ale amite magiri vagari la vei tataho e Deo, a tela imala ale eme abi la merera te Deo ale eme loloa lomai tamiteu, eme abi la merera kama mae la merera tela tahalo, eme abi selea mae, la merera te Deo, me age igolu oilo taume ale tautaulailo. ¹⁴ Ala amuto, tabarabaragu, amuto ge igo muli sele la lotu te Deo ale oilo e Juda me oilo tela Uru e Isus Kraist. eme tai gabu la iligi la paga ale visauru moli loio tela mautu taume, mae ale egite igoa loio tegite Juda. ¹⁵ Egite bili la uru e Isus Kraist me egite la propet, me egite basi muli amite sogala, egite kama igo sagege e Deo, akati maele, egite mae la gima soio tegite la valalua, ¹⁶ Egite magiri robo amite via amite umala ge valolo soio tegite Gentael via egite mahuli halaba, la vavuala ala egite igo volu ti iriru tegiteu, alamoli la igotolola te Deo ge polo pepe egite oilo tela tapasila. ¹⁷ Alamoli amite, tabarabara mutou, etato pou ba tela imala bakisi moli, oilo tela vovo kama tela hate, la tia sagegela, vikapopo mela masagala ale uru sele, amite viage hilo la lagu mutou. ¹⁸ Amite gabutala via ge gomai tamutou---- oilo vola eau, e Pol, tovolaila----- alamoli e Satan magiri robo amite. ¹⁹ La tautaulailo tamite a larova, o la sagela, ouka la Kraon la ilosa oio tela lagu la Uru e Isus Kraist tela gomaila tetala? akama amutou? ²⁰ Amuto mae la marasala mela sagela tamiteu.