¹ Ya Pol huru amung kuni Isam Kungar gunung hiv katig.Ya isam yaka Timoti giv ari ya tangar seku nang si ivueng, na urunda kru andu. ² Ya tangar seku Apia,ang si igunang,nu pavra nor andu ga Arkipus nu pavra soldia andu sagu Ika Kungar gunung.Ya tangar seku mandu bilip kru surre gunung uru naka katig devivakrong. ³ Umbang urunda ra kumu urunda Ika Kungar gunung ra Isam Kungar naru ra kumbe. ⁴ Naru gonung skempa kim ikakungarrung surre aramba kreng surre yaka. ⁵ Ya narivung ireng na Ika Kungar gunung kruavi urunda iva krang giv ari bilip suku Isam kungsung. ⁶ Ya nariv surre aramba kreng naku govri andu anura bilip andu urunda mundambe giv ari moses skempa Isam mundama katig mungatiyang. ⁷ Isam, ya mundambe urunda giv ari kumu yaka urunda kuni, ai mare kruavi krukungar gunung gakung mundambe kating na kumu nurukung dangar tamang. ⁸ Givari ya, dagar Isam ung kating ya nang ki aveng moses aiaku, ⁹ galiv urunda umbang andu kru avi motav ra gaku anu gonung kakurame,giv ari ya nang sosong aveng.Ya Pol, ya mandu guandam,nangari ya uru umung kuneng Isam Kungar gunung sav. ¹⁰ Nangari ya nang nenang yaka Onesimus sung si aveng, ya nung tangar seku Isam Kungar gunung gusing huru amung kumba. ¹¹ Mandu ganing nu sav naka urunda ivakrema, nangari sav yaka ra naka ra nu urunda sav ivakre. ¹² Nangari ya nung na ra avuking nara we giv ari kumu yaka nura kuni. ¹³ Ya nung avuking yavura kumber nu sav naka nang si iveryangmundambe si, ya huru amung kunuk svi ki urunda ikrnung. ¹⁴ Ya mosses aiaku aiaku iveng ma nung kumu imburiv araing gung. Na yang mosses aiaku aiaku si mundambende, urundea nariv naru mundambe naka kating kuni. ¹⁵ Gakung si aku nung mutotu si Onesimas. Kutreremunu nang mutois kutulamunu mosses gaku sepuves ari na nung mungatungda na ra skang kumber. ¹⁶ Nu kev sav kru ma, nu keke urunda mundambe kuni, nu givsi nu urunga isam naka. Ya nung umbang ya givari ya nang ireng na nung na kumu urunda kumber, kur katig ra kru kungar ra. ¹⁷ Givari, yang umbang naka mev mungutiga, nungi yang ga yar garipa nung imai. ¹⁸ Nare pum mo mung gupramagi o komurbe, igi gariung gung yang avogi ya takuvbang. ¹⁹ Ya Pol, ya yavupa tangar seku kumor yavekakatig seku tameng. Ya nang yapo galiv ki aveng, na navu pa ya ra komurbe kuni gakung ga kiku navu naku. Ya garivung ki nang garivung avuveng ma. ²⁰ Yopa suku Isam yaka,na yopo mosses pavra yang katig iverang kru kungar gunung iv katig. Anu agrenda Isam ra kaki givsi kumu ya mungatiyam. ²¹ Ya mandu ireng na ki nung ikakeverang giv ari ya tangar seku nang si iweng. Ya mandu ireng na sav mosses hupunang munumunu iverang nukeke aiaku aiaku sav ivesi aveng gung. ²² Pavra ki mo aruvisareng, na uru naka katig hurumu pavra ya ang unuveng gun si. Ya bilip arameng Ika Kungar surre narukung iruver giv ari muskato arameng, naru ra wavang. ²³ Epapris, nu mai yaka nu gi huru amung kru Isam Kungar gunung. Nu nang ya waiang da iguwe. ²⁴ Garipa Mak, Aritakus, Demas, luk rapa, nuru ambandu kru gi nang waiyang igong. ²⁵ Mururu Isam Kungar gunung ra naka ra kumber yopa suku.