¹ Ya Jud, Isam gnung sav kru ga ya Jams nusim. Ya tarang saku tamie ive naru kruavi Ikakungar gnung kruavi arukiting nurugong kumu urunda krung.Nuvu pa narugnung isamungsi sakusi. ² Mundamve, kumu urunda, na urunda Ika Gnung mundamve narura kumver. ³ Mamugi, ya sav dagar tangar seku narugnung Ikakungar gnung sivuv ika anugnung hivesi mundamusi.Ya mundami kwi tangar seku tami kwi narugnung havi sav dagar mundami bilip hamverung. ⁴ Naru iruvakre ma motav kru, Ikakungar bilip amva krongma nuru ipri sure urengve kuting tangar ki pare kuting ki mungkengri Ikakungar gnung kruavi sivuv imver akruamva krong. Nuru kru katam pavra bilip amvakrongma,nu Kru Kungar andu Isam Kungar. Madugang suku Ikakungar givavusi, nuru kru gariv Ikakungar gnung temeng sepurverung, ga nuru imverung. ⁵ Naru mosses gakung munda irerar,pavra ya narugnung mundamve nurukung mungupramvang. Mundagnung gakungsipa ika Isriael kunang itusukratsi,pabra maneg kruavi bilip ambi gong mung imburve. ⁶ Givari atiegvemunegime kru mugunda nuru dagar Ikakungar iguse gong mutatong, pabra nurubsuv nurukung mutatong. Givari kru Kungar nurugnung kakrame tamage kru ameg garanda garanda kamba rung. Nurugnung urumung kating tamesi,nuru kamang Ikakungar ki dagor. ⁷ Pabu Sodam na Gomora sav kungar nurugnung buni,nuru sebuv pabu itegiegvemunegime.nuru sebve imbur givari nuru sekaseka imbur suku ikake bakrung, givari gwanda imbur ari ma kumari ganing.Mosses gakung mandu ganing sepurse, givari anumundami kuv gong ikake vema. ⁸ Givari kuv gakung kating pa kru gakung ikake angrava imbur nurib nurukung nuru givari Ika gnung ki imbur iri atigveminigve kru katig kimber gakung da. ⁹ Pavra etigvemingve kru Mikel Sage ki kru imbur gong mosses gnung kursse, Mikel nu urung marama, givari kru imbru gong nu garip ave, ika nurugnung kumu imburve. ¹⁰ Pavra kru gakung ki imbu mosses ki knum iraruma. Nuru apur sano mundamve mabung,givari kur urung IkaKarung.Sebuv gakung nuribu gnung mung imbteri. ¹¹ Nurib ki kru nuru kain gnung kuv ikake yung nuru mundami gwande ivese, ga Balam kuv ikakae nurib sebuv pavu. Ga nuru Ikakungar urung marung, kora menda,ga sebuv gong nenari imbur sung. ¹² Nuru gakung mase anugasuing gwanda ipre kutung sip mung imbreva.Nuru kure gakung vekutung kamang nung imbur verung. Nuru savur evakrong ma,sekuvang nurib sepa mundam ba kru.Nuru kamo imbur angda kuvur da atuvaeri.Nuru tar kur sakrarima nuvu nuku waiang katig kevrogiagrakim kuma. ¹³ Nuru maseang meb kungar gubri sebuv imbur ra, givari savur nuku mamang maseang kibaib meb. Nuru tendu meb kuv nurukung ikake rung ma.Ika nurugnung sa suv mandu kukre sa nuru ve sekung sekung kumverung. ¹⁴ Enok, mukuru ive 7 Adam mu ng maneg, nu gabire amarki giv avese, ya kuru kungar ireng gong tausen kru etegiminuguve kru nukura. ¹⁵ Nu ve kutung kru gakung mung imvurver. Nu kru imvur gakunung ninaregi nurukung sivuv imvur ninarerung gong mundamverung. Nu kru gakung ninaregi bilip nurukung mundamverung.Givari kru imvur motav Ika nurugunung ninaregi nuruvnurukung keru tikusung gong mundamverung. ¹⁶ Naru kru gakung kumu imvurvakrong givari ki ukuvakrong. Givari kuv imvur nuruvnurukung ikekevakrong.Naru gari barari amvro urungmari nuruvnurukung hiv mundamverung. Nuru givari kru motv igari kuv nurukung ikekevakrong. ¹⁷ Isam ninung naru pa, nari ki sav kru Kru Kungar Isam andu avusi gong. ¹⁸ Naru narugunung givari avusung, wayang muge katig, nuru kru kwiringki ave gakung waverung, givari nuru Ika kwi igue kuv imvur nuruvnurukung ikekeverung. ¹⁹ Kru nuru surre guvrerung.Naru mundamve kru motav gunung ikekerung, givari Kurirung nuru ra kunima. ²⁰ Pavra isam nining, naru bilip dagar kutu Ika ra kutu Kurirung surre tamong narugunung ituiguemuniegue naru ra kumver. ²¹ Naru givari Ika gunung mundamve katig garangra kumai.Givari kumu urunda garangda kru Kungar andu Isam kungar givari nu keku garangda kumve gunung iguver. ²² Naru kru gakungsi mapung kunumai bilip nurugunung dagar ma. ²³ Naru mokorung ituiguemunuiguemai naru hav garangda garangda kumve ganing uvurunde. Naru tri kuting kumu mapungsi kumi mokurung mapungsi kumai, naru givari kru gakung kuting kumai nuru digging tami garangda nurukung digging suku. ²⁴ Ika narugunung krig sakrogie nura movguverungma, givari nu narugunung suv urunda nuku katig tamver, givari naru ki mavung,givari naru huringmaruverar. ²⁵ Ga Ika pavra nu anugunung itigueigue Isam Kungar kating tame, kru Kungar andu. Nu king, kutu mosses sukangpa sakre hiv kungara dagara nuku pa. Nu manduganing kusi nangarigi knuni, givari garipa garipa garanda kumver.Ga yapo.