¹ Givari naru nenang yaka, naru kikre Ikakungar gnungar nang nuku kumu anug kumait. ² Mosses yang krig kruavi akuring ga handamai, kruavi kumu nurukung urunda dar kunver gong givisi nurugnung givari motav ra akrumo ³ Nara yara pum yangu dagar togapami waiyang murmur iver, nang Ikakungar gougung urunda apur kru kumverang . ⁴ Apur kru sav nuvunuku hivaker gariv, motav sav gong gariv hiver ma givari Kru kungar gaku kumu nuku urunda kumver. ⁵ Kru mor resis si kopurver, Nu prais hiver ma yapo kuv kikre megri resis gong winim amver. ⁶ Kwar noge sukuvang nuvupa kununi gaku nuvu ikake hiver. ⁷ Nuru kikre gariv mosses ki ga avusung gakung mundamave, givari Ikakungar narugnung urunda urunda mosses narugnung higuver. ⁸ Ikakungar ning nuku mundamve, David nang nuku kwi matmat krig kupusi. Naku ga ki urunda ya tapring. ⁹ Givare ya dogrimari meg kuting gong pa Ikakungar gnung ki dogrimari kumver ma. ¹⁰ Givari ya kruavi nakung urunda nuku hiver nang Ikakungar kumu amog kumbe kruavi kikre urunda gadarang da kumverung. ¹¹ Ki naku urunda suku, Ikakungar gnung nang ra kuve gnog, givari anu kikre kiku nurakumve. ¹² Nu ra kikre togopamve gong,nura ki ku garangda kuverang. Nuru kwi igue, nugi nang kwi iguver. ¹³ anu kikre bilip ma mundamave gong,nuki nuku ra kumvakre nu parevakrema. ¹⁴ nuruvnuruv mosses nung mamang akuramverung, yakame ki Ikakungar gnung kikre igumai givari nuru ki sagu meg havirunda. Gakung murmur nurukungitigue munigue, givari handangamve kru gakunung mungim vurver. ¹⁵ Naru Ikakungar gnung tameng sav kru urunda sepurmait. Ikakungar nuvupa sav nuku narugnung igusi givari naru savur hivasre ki nuku mamang tapurvisi. ¹⁶ Kutung kunuke, naru ga agrenda sumvoira, nuru nang sukri Kru Kungar imvur nurukung meg riverang. ¹⁷ Kinarivaku ga iku imver gaku meg. Akurung himenaus ra Filetus. ¹⁸ Garivung krig kruavi ki suku kuv himvur Ikakungar. Nuru ki avong kru kumvi gakung kwi kupu verung ma, nuru givari bilip motav gnungbigitoguverung. ¹⁹ Givsi Ikakungar gnung ki kikre togapamer, Ikakungar kruavi nuku irivi . Kruavi Ikakungar hiv tuari aiakrar imvur gakung buning kumvasre. ²⁰ Uru kungaring, urunda sig katam kni, motav mo savra. ²¹ Givari motav sav kru urunda sepurvisi, nuku kumu urunda tami kru kungar nuku gnung sav sepurver. ²² Aiakrar huringusung kuting kunuke,kikre megri kumu kesi hiverang kruavi ikaka kungar nurugung hurusi nuru kikre megri kumu urunda mungap amver. ²³ Mundave naka ki resis mev avande.Kutung, knuno, nuru aiakrar nakunung ki pesis mev sepurver. ²⁴ Ika Kungar sav kru resis mev ki ukuvasre . Nuru aiakrar urunda nurun akuring kikre ninari kesu kunuke. ²⁵ Nu kesu kuti motan akramver Ika Kungar ibver nuru kung murungdi mugatver. ²⁶ Nuru kwi urunda sepri kru imver iparevi nuku ikakverungma, givare kuv megriverung.