V 1 Ai sav kev kutu sav kukre ki kukre kru asig naka ra ki avam . Nuru giv ari yugi urunda mundambe kuru kungar gunung da tangar seku ki imburver ma . ² Nuru sav kuru kev naru kungar narukung bilip kuru kungar gunung da , gake nu kumu imbur mavung , ai mare nuru isam irak pa . ³ Pavra kuru o avi nu kuruavi kuv imbur akurambel gung nuru IsamKungar gunung ki ma ikakevelong gung nu IkaKungar gung mutong . ⁴ Nu giv ari iavu urunda ava , mavung suku . Ki naku sukang pa giv ari mundambe nuku imbur , giv ari kumu imbur mundamber mokor ra pavu kumbe mavung giv ari mundambe nurukung mokor gunung mev nuru nurugonung mundambe imbur . ⁵ Nuru kumu imbur galiv kumbakorong nuru gonung akur . Mundambe nurukung urunda ma . Nuru ki urunda muti kutung kokuva krong . Nuru mundambe nurukung surre huru katig anugonung moses ra aiaku aiaku sigur urig naning iverang ava . ⁶ Gaku urunda suku , ki ika kungar gunung ikakei girari ika kunger gunung mundambe nuku katig kumbe . ⁷ Anu ur naning sepri , anu sigul mavung seprurung . Giv ari anu kumu kutung moses ra huve rang . ⁸ Giv air anu sukuviang da kandungda itukutung kumu urunda katig kumber . ⁹ Kuru nuru gunde ra sigur sira mundambe gakung , nuru pum kungar katig muguvai imbur kuving kuving akurabakrong . ¹⁰ Umbang andu mundambe andu uring naning gunde mundamberer gung ga kuv imbur nang kuv imbur katig togramberang . Kuru avi gunde mundamba krong gakung . Kagosi nuru giv ari mundambe nurukung imbur kumber . ¹¹ Ga na IkaKungar gunung kuru , na mundambe be gakung mutati urunda mundambe mungatiam IkaKungar gunung murumur ga giv ari bilip pavra pavra nuger giv ari mokurong urunda iriver giv ari mundambe dagar togapambe dagar giv ari kumu naka urunda kumber. ¹² Na dagar sagutuvi , sagutuvi bilip ambering . Mengpambe dagar IkaKungar gung rurul umbang andu sekang sekang . Gakung mundambe kating ki bilip kuru avi munung katig tami avevrung . ¹³ Ya nang nakung ki dagar aveng IkaKungar gunung tameng aveng ninu ki avrgi mosses nakung seprursung . IsamKungar ra , ninu ki suku Pontius Polit ra ave . ¹⁴ IkaKungar kiv kiker suku ikake kutung ki bigitoguvi ma Isam Kungar andu wi sepurvel . ¹⁵ Nununuku wave kating , IkaKungar nubu abe Isam andu wave seperberl , IkaKungar nubu kuru kungar andu urunda nube king giv ari nubu katam andu na kuru kungar andu . ¹⁶ IkaKungar gariv kumbakure , nubu pa gariv kumbakure ungar nuku katig kuni giv ari kuru nung iruvelong ma.Iv kungar nubunuku garada kumber. ¹⁷ Gunde kuru gakung avuk ,nuru urunda ma mosses nurukung ipurabakurong neru Ika Kungar ung mundamba krong ma.Nuvu pa mosses urunda urunda nurukung imburver. ¹⁸ Nuru gung avumai mokurung urunda iruvelung, tanger seku mosses pavu mokar ar urungmarong mokarung iguvelang. ¹⁹ Giv ari neru , wi tuvu gorong giv ari nuru wi urunda mundambe moses muneg sepurver giv ari dagar mungapami yapa suku . ²⁰ Timoti ,na mosses urunda yang gong kiker tamo .Na ki motav kuru gunung iruvang da ,neru neng bilip itu iruvelong ma .Nuru ki ambur ambur kuru gunung mundami neru tangar seku pavlap ki irong gong pa ki pareyong . ²¹ Kuru motav ki katam avong gong neru kipatong , ki urunda bilip gung kipati kumu urunda nara kumber .