¹ Kurhrung kru, gaku narivave muneg nar ki imbur gakung irubacsre. ² ki imbur nariv aku, mundambe naru gunung bigutoguberung. ³ Nuru kru miruberung ma. sukuviang hiverung ma Ika Kungar agribisi kru urunda akur agurberung ki suku irerung gakung. ⁴ Aiakrar Ika Kungar ninarsi gaku ga urunda suku, nagu aiakrar nung imbur meg iskatbi ma. Anu giv ari Ika Kungar kumu urunda igvi ive. ⁵ Aisi.Nuvu pa tori Ika Kungar gunung ki ra kiksuku mungtapri sure tamu. ⁶ Na ki gakung Isam nunung averang goung ,na Ika Kungar gunung nang sav kru nuku urunda sepurberung . Ki ,kakbi naka krig kru urunda dagra kumberang. ⁷ Giv ari yambar imbur huring gunung hangandambe , givsi navunang akrumi Ika Kungar gunung humbang amug kuni. ⁸ Anu waiyang tamu peto tami kru andu ituigubisi. Ika Kungar gunung kumu amug kumbe gong aiakrar mugungda iguber , naku ki suku Ika Kungar gunung mungapamer muneg muneg ra kumber. ⁹ Ki naku dagar suku si kru avi mugunda hangandami iruverung . ¹⁰ Anu Ika Kungar suku gong , dagar anduranuku mungapamer ang , kru ninu anugunung kwi , mungatber gaku. ¹¹ Na ki kikre nurugunung mamang tapri akuramo. ¹² Na motav kru nang mumugramirungde kovu narukung gong, murmur motav gunung tameng kumber, sav naku, ya yangsi kuneng, kikre togapamo, mundami kikre knuno. ¹³ Na ki mamang tapri kru avi akuramunda muneg ya kwi waviang. ¹⁴ Na sav igong gong iskatbande, naku navu pa ki nuku sav kru nuku iguvi kuting mamang tapri, giv ari sure gunung katam kru nang krig kumov katig tamberung. ¹⁵ Aiakrar nung kikre sakri kruavi sav naka mamang sepurber. ¹⁶ Na navunang taguri kikre ki akuramong gong gakung, naru motav kru avi ra kwi hiber.