¹ Garibisi pavra aiakrar ya nangsi Kunung, aiakrar abirong gong sure meb tamuke, kru avi nuku Ikakungar kumoving tamuke. ² Kru kungar andusi, sure tami kumu igue pabu kimbe, Ikakungar urunda nuku kumber. ³ Ikakungar gnung temeng mundamve nuku anugnung gsi urunda, Ikakungar anugnung kwi iber. ⁴ Mundave nuku anugnung dar kumbakre. Kruavi nura wa kuting ki kuam iribesi. ⁵ ivsi Ikakungar andu para. Garibsi akurkru andu pavra. ⁶ Hiv nuku Ikakungar gnung nang. Ikakungar anugnungsi mundami kuting, nang nuku igusi, imvur andu takubisi nuvunuku mundamve katig. ⁷ Ya narugnung pareng ma, Ikakungar mundamve nuku krig yang savnuku igusi. Givsi narugunung marengma nuvu pa sav nuku yang igusi. ⁸ Givari kru mo mo suv gusung kumov katig tami, kumu imvur mavung, sagu mavung. ⁹ Avi kandung, amvro, amvro, tamvasre. Mundamve yaka avi kandung amvro tamvasre. ¹⁰ Avi kandung kikre tamai. Avi kandung urunda tamverar gong Ikakungar mundamve nuku urunda kumver. ¹¹ Avi naru kikre kikre knunumai. ¹² Avi naru, kru katam, meg kumvasre. ¹³ Ikakungar adam mung keke tami muneg Iv vung tamusi. ¹⁴ Kru imvur gaku Adam mung paresi ma, Iv vung paregi ki guvursi. ¹⁵ Givari Ikakungar avi nurugunung kwi iver urunda sav nuruvnurukung krig. Avi bilip nuruvnurkungkrig Ikakungar nurugunung mosses iguver.