¹ Ari ulig 14 nazaq le tihiqian ya Barnabas inaq uliq Jerusalem-ub tugwaleh. Gwalehad i Taitus waqim inaq gwalehtmo ² Teq ya gwalehta na God-mo ya inadib emim ibilenan ya gwalehta. Gwalehim ya Yesus ago on mataw gigo aseseqta na girom tonim humab tuwol. Hamub wolim i gimomo giholbin osad teq ya Yesus awagamun ezaq diqta on mataw en ta asoe Juda a haiqta nagan gibilenad luwyaiqta na ago ya mataw aseseqta na tigibilen bug. Leweq ya wagam na wazbuliyeq bilaq kireh tonid teq ya iholtuw bulad luwta na saman iydaq haqad. ³ Teq in yaqgo gamuk araq diq a hi wastatiy. Ad in Grik mat ya inaq lehta anan Taitus haqay na ahol abatan asan urotgo a hi bilaqiymo. ⁴ Helmo,mataw asor urotgo bilaqiyta teq daq na a hi gwahtim. Mataw nazaq bilaqiyta teq daq na a higwahtim. Mataw nazaq bilaqiyta na katiyim bilaqiy, I ne gimaqbaban haqiy. Ta teq haiq. Na in katiyad bo i giwirinad luw yaqay. Na ezaqgo Krais Yesus i giqamun hasan i God ago maror Moses bilamta na hulosim samanmo luw osauqta na ago in ahol waq kemnan haqad .Mataw na ginad em yaqay, I on mataw ka i gigo gunun amalib a ta giqirqurid in i gigo kabibiy mataw samanta tuqos daqay haq yaqay. ⁵ Ta teq i ne ginadin emad i mataw na gihaqenib iyim daq na a hiq em.Haiqgam. Yesus awagamun dimunta na adagunib gamuk araq katiyta hi usan haqad i mataw gimileq iyayta na giqez asit a hi kidik muzinta. ⁶ Ari ya mataw aseseqta gibilenta na gibiysa in bilaqne mataw gibin inaq nogta teq in ginad asor muturta a hi yagiy. (Teq mataw na gibinninaq o haiq na ya inadib nagah amik diq iyta. Na ezaqgo God on mataw bunmo gibiysa in gibin araqibmo iyaqta. Iysa in asor gigomo a hi kehaqta.) Ari ya Yesus awagamun bilaqyaiqta na mataw aseseqta na gibilenan in asit a hi wastitayiy. ⁷ In ginad kazaq emiy, God Pita atowun emim kabiy ugan in mataw gihol abatan asan urotayta na Yesus awagamun gibilenaqta haqiy. Ad nazaqmo in Pol atowun eman in mataw gisan a hi urotayta na Yesus awagamun gibilenaqta haqiy. ⁸ (Na ezaqgo God ago zaway Pita aholib kabiy emsa in Juda on mataw gigo Aposel iyta. Ad zaway naqmo ya iholib kabiy emsa ya on mataw en ta asor Juda a haiqta nagan gigo Aposel iytamo.) ⁹ Nazaq iyan mataw aseseqta na bunmo in God-mokabiy yagta na ago ginad tiqem hasiy.Ginad em hasad Jems teq Pita teq Jon in Yesus ago on mataw na gigo danmebta iyim in ya Barnabas inaq giben tuwaziy.Giben wazad in i gibeleniy, I garabmo God ago kabiy tiqemam haqiy .Emad ne on mataw en ta asor Juda a haiqta nagan gigo hib lehsa i mataw gihol abatan asan urotayta na gigo hib tileham haqiy. ¹⁰ Haqan teq in gamuk amulikmo igiyta na in kazaq. I giger Krais ago on mataw gina haiqta na ginadin emad gilumsiham haqad in i gibileniy. Teq ya inad nazaq tekomo tuqusta iyan ya in giqez na muzinan inad diq tibilam. ¹¹ Pol in Pita ago daq meqinta eman ulal iy. An teq abeb Pita uliq Antiyok-ib bolim osad in ago daq meqinta araq ulal iyan ya in inaq an nob ugim turadmo ya wad. ¹² Na ezaqgo Jems ago mataw asor uliq nab a hi bolsamo Pita in Krais ago on mata Juda a haiqta na gigo bitab leheq nenaq didaq neqyeqta. Ari abeb Jems ago mataw na bo gwahtiqim in Antiyok mataw Krais anan helmo hiqiyta a gihol abatan asan urotgo giwaz timeqniy yaqay. Sa Pita in Jems ago mataw na girabunad in ayogniz Juda a haiqta na gihulosim giholib tihiqiyyaq. ¹³ Samo Juda mataw Yesus anan helmo haqayta na bunmo eraqim Pita asen muzim daq katiyta na inaq tiqem yaqaymo. Emsa in gigo daq katiyta na Barnabas anad tuhurammo. ¹⁴ Ta teq ya mataw na gibiysa in gigo daq na Yesus awagamun helta na inaq a hi renrensa ya in bunmo gimeb Pita kazaq bulon, Ni Juda matta hay. Teq ni uliq kab bolim osad ni on mataw Juda a haiqta kagan gigo daq muzinad in osayta nazaq ni osyaqta hay. Teq muran ezaq haqad ni ninad buliyim mataw Juda a haiqta ka gibe yahid in Juda gigo maror aheqanib iyeq muzingo ni gibilenaq hay? ¹⁵ On mataw Yesus anan helmo haqayta naqmo in God ameb on mataw titnota. Helmo,ya iyogniz nenaq i Juda-mo gisenlulib gwahtiqim i gibin Juda mat usaqta. I on mataw en ta asor Juda a haiqta nagan gilulib a hi gwahtiqim in gibin mataw God ago gunun itiyonayta nazaq i gibin a hi usaqta. ¹⁶ Teq i ginad kazaq emauq. God ago maror Moses bilamta na ago gunun in mat araq emid God ameb titnonta a hi iydaq haqauq. Mat Yesus Krais anan helmo haqaqta naqmo God in anan mat titnonta haqaqta haqauq. God in anan mat titnonta haqaqta haqauq. Haqad i Juda mataw asor i inaqmo Krais Yesus anan helmo haqid God i ginan mataw titnonta tihaqdaq haqad i Moses ago gunun na akabiyan hulosad i Krais-mo anan helmo tihawta. Na ezaqgo on mataw God ago maror Moses bilamta na ago gunun akabiyan emim teq in God ameb titnonta a hi iyayta na ago iyan. ¹⁷ Ari God i ginan mataw titnonta haqad i in ago maror Moses bilamta na hulosad i Krais amomo anan helmo haqad inaq soqotim osauqta. Nazaq iyan on mataw en ta asor Juda a haiqta na in God ago maror ahequnib a hi osayta nazaq nog i tiqiyim osauqta. Teq i ginad ezaq emam? Krais i giqeman i gibin mataw God ago maror Moses bilamta na anadin a hi emad daq meqinta emayta nazaq nog i tiqiy haqam e?Haiq kidik! ¹⁸ Ya Krais anan helmo tihaqim ya God ago maror Moses bilamta na wolzily nog iyan in ago zaway ya inad wamuzgota na tihiqky bug. Ari abeb nagah ya wolzilayan timta na ya waz ta eraqid matzw ya ibiysa ya maror Moses bilamta na ahaqenib òsad ago gunun itiyonaiqta amatin nog a ta iydai. ¹⁹ Na ezaqgo kwaziqmo ya God ago maror na itiyonsa maror na ya iyon bilaqan ya moyta nog tiqiy. Moqim muran ya maror na ahaqenib a ta hi osaiqta. Ad teq ya kayeq ta iyim ya maror na ago gunun anadin a ta hi emad ya God anadmo diq muzingo osaiqta. Na in kazaq. Ya Krais aholib tisoqotan mataw in ayib dom wolad ya inaqmo ayib dom wol nog tiqiymo. ²⁰ An muran yaqmo diq kayeqmo a hi osaiqta. Haiqgam. Krais ya iduganib kayeq iyim osaiqta. Inmo ya inan anad bilaqsa in ya imen ahol nog hulosim ilumsih. Illumsihan muran ya og kab osad God atatin anan helmo haqsa inmo ya iqeman ya kayeqmo osaiqta. ²¹ Nazaq iyan God agem dimunta on mataw negad gilumsihaqta na ya eman daq samanta a hi iyaq. Ari God ago maror Moses bilamta na in on mataw giqemid God ameb titnonta iyid teq nagaqgo Krais mom? In samanta moq nag.