¹ Nau la polo ku to'oru ubulana ifi na lokafu tofuna taungai'inga agu fala jisasi kraes. Me'e la timoti'i. wane ni futanga adauru ubulana fito'onga.Mele kwatea kau baoleanga ame'e famu la Filimoni. Nga wane ni kwaima'anga ame'e na taunga'i oguogu feenia me'e. ² Mai me'e mele kwatea la'u baole'anga fana ta'a na fito'onga ala jiasi kraes. na gila ogu mai ifi amu, ma ni noni futanga adauru ala kraes, ni Apia, Mala Akipus nga wane ne'e taunga'i tegela fana nga kwairiinga lea lo'o fe'enia me'e. ³ Nau ku foa fana God nga mama'a adauru ma nga alafa la Jisasi kraes ani kwate'a kwailaeta'afi'inga ma nga aloalonga famoru. ⁴ Filimoni alata lo'o, Nau ku foa fomu, nau ku ba,atafe'a God agu. ⁵ Tofuna na ku longo suria kwaima'anga amu fana ta'ana God te'efou ma fito'onga amu ala jisasi nga Alafa. ⁶ Nan ku foa fana ladonga ni kwaima'anga na'a moru to'o ai. Fe'enia ta'a nga'ai na gila tagoto'o aga na kwaibooni amu ola lea lo'o na'a God 'e kwatea fadauru tofuna i dauru goru lado no'o ala kraes. ⁷ wane ni kwaima'anga agu i'oo kwaimaa no'o fana ta'a na God, moko fa'amalale'aa manataga. ni olalo'ori na'e age nau kumalale'a maka fa'ategela ma manatalagu e 'iiki no'o ⁸ Tofuna ni ola lo'o. nau ku soe'o fana io'o ani agea te'e ola gwa'a nauku to'ona nga tegelanga na'a la jisasi e kwatea fagu fana ulanga burimu fana. ⁹ ola lo'o nau ku sia agea mola' Nau ku soe'o tofuna kwaima'anga ada'a. Nau la polo nau ku koko'o no'o na mai nau ku to'oru ubulana ifi na lokafu suria ngataungailamu fala jisasi kraesi ¹⁰ Ma inau ku soe'o fana io'o ani laeta'a fiia la Onesimasi. Wane taungainga tagoto'onga amu, lakau ngaia e akwa fa'asio ngaia 'e ilaka'u no'o wele agu tofuna alata nau ku to'oru i u bulana ifi na lokafu na ku booni'o fana ani fito'o ala kraes. ¹¹ na alata laka'u e sui la onesimasi ngaia ola uri'uri mola famu tofuna ngaia 'e akwa fa'asio.tafe'ua alata lo'o ngaia wane ni kwaibooninga no'o famu mai nau la'u mola. ¹² gwa a nau ku kwaimaa fala onasimasi 'e iiki nau orite'enia kau te'amu. ¹³ Nau ku oriteenia noo kau teamu, ku tooru i ubulana nga ifi na lokafu tofuna kwairiinga lea lo'o ma inau ku siria la onesimasi ani tooru madi feeni nau. na alata lo'o fana ngaia amni booni nau noo duaum. ¹⁴ Gwa'e ilo'o ma inau ku sia agea mola teefuta ola, lauta ioo ani agea suria manatalamu i talamu. ¹⁵ Balangaia 'e ilo'o tofuna la onesimasi 'e leka maka to'oru lalau fa'asio na alata na orikoukouta'nga lo'o. ngaia 'e toomia ani ori mai maka to'oru no'o feenio na alata lo'o maka ori la'a. ¹⁶ Ma alata lo'o ngaia wane ni taungaiinga tago amoe,'e ruifia no'o nga wane ni taungaitnga tago. Ma ngaia wane ni kwaimaanga lea adauru ala jisasi kraes. Nau ku manata baita ana, ma ioo la filimoni ioo ani manata baita la u ala onesimasi ani riufi nau, suria ngaia wane ni taungainga tago famu ma ngaia wane ni futanga amu lau na alafa. ¹⁷ V 17 Moko kwaloa la onesimasi ilakau ioo kwalo nau, nga wane n i kwaimaanga amu na alafa. ¹⁸ Ma lauta ngaia 'e agea te'efuta ola ne'e ria amu, amoe ma ngaia 'e gari tago na ola fa'asio i'oo to'o arua mai no'o ola fafi nau ma taku du'a no'o kau famu. ¹⁹ Aia nau la polo ku giria kau nga girigiringa lo'o ania nga nimagu 'i talagu mai nau ku ilo'o, nau la polo lo'o taku duaa teefuta ola na i ngaia 'e ngari tago ai fa'asio, ma ioo sia manata mabonosia mola nga fangaleanga amu fa'asi nau. Ngaia 'e baita 'e iiki tofuna nau ku kwaibooni amu fana fito'onga ala jisasi kraes. ²⁰ Ngaia na'a wane ni futanga agu ala kraes nau ku siria i'oo ani booni nau na ola lo'o tofuna da'a golo lado fe'enia alafa mai 'o to'o fa'amalalea nau. mai lauta i'oo agea ola lo'o fagu. ²¹ Nau alata lo'o nau giri ku famu. ku manata to'ona i'oo to'o agea mola nga ol a lo'o nau ku soea kau amu, ma inau ku sua'ai i'oo to'o agea mola ola ba'ita riufia loa nau ku iiria. ²² Ma i'oo to'o sasaria lau nga tofi ifi fagu.Tofuna nau ku mangoto'o na God te'e kwatea ola laka'u moru soea na fo'anga, ma te'e orite'eni nau kau te'amooru fa'asia nga lokafu. ²³ Ma la Ipfras na'a ngaia 'e to'oru lau fe'eni nau ubulana ifi lo'o nga lokafu tofuna ngaia e' tau ngaia'i fala Jisasi kraes. Ngaia 'e kwatea kau alafu'unga ni baoleanga ana famu. ²⁴ Ma la Mark mala Aristakus,ma la Mark ma Luk, na gila taunga'i oguogu fe'eni nau gila kwatea lau nga alafuunga ni baoleanga aga famu. ²⁵ Nau ku foa fana kwailaeta'afiinga ala jisasi kraes nga alafa ani to'oru fe'enia mooru te'efou