¹ Yi Jut, Isang Kungar sabkur Jems isang nasung. Yi tewad kanung siku taming kuravi nudenungsi Wava Kungar na denungsi kutung tamure. Nupa nudenung sakre Isang Kungarra. ² Kutung upunang Wava Kungar mugumda igu yi. ³ Mansar, yi siku kungar taming narura Wava sapadenung munguvi sare. Yi mi taming nudenung siku taming ki kanung kukri mungumai Wava Kungar kuravi nuku. Naru irukung kuravi Wava nung mami tamung nuipre nukum ipurkutung nudenung ki igwe Wava Kungar gunung ki ave sibursab ivisi. nuru kur kanung mi tamung ma, nu Isang Kungar arkung. Mandu mandu Wava Kungar kanga'avusi, kur kanganuru Wava Kungar gunung ki sipurkur. ⁵ Naru mandu iriter muses kanung naru iriter, yi sapa mi narukung munguprambiang. Nu kangasi Wava kungar nudenung Israel sapa yamai mutatsung Isip, Muning nudenung mung sibursi kuravi mamitamung kanurung. ⁶ Kati Kapu mukumda kukri mak kumbakurung Wava Kungar kangiang ivusi, kangasi siub nurukung mutatsung. Kangasi Wava Kungar simikating kakrambei sikang sikang kumberung. Ambrakum umunda kating nuru, Wava Kungar gunung ki tagur verung. ⁷ Kangasi Sodom do Gomora sab kungar guning kine, nurugi kangapa yung Kati Kapu kaku meng. Nurukub sibur miguru kubnurukung. Kuvi kukrisuku mungusung. muses kaku kimang spursi kangasi mitu nudenung migur basiri. ⁸ Kubpabu kanurung migursung angarara sibur nurub nanung mung sibursung. Ai sukummsi Wava Kungar ki iragebisi mutuverkurung maku tukiverung Kati Kapu nudang maku tikiverkurung. ⁹ Kati Kapu kimang kusu Maikel kur subur kakura sagu ki avutiong. Moses nukupad kating. Maikel nu upunang kine, satan ikanga avusi, Wava Kungar nadung subur iriver. ¹⁰ Kur kanurung makutikiteng ki kinam nuru mairiteng. Nuru kapu sanu meng mi magu, Nuru kubsibur migurtiong, Sibursab kanung migurtiong. Kangnasi mutater. ¹¹ Nuru tumburki, nur kein gunung kub migurverkurung. Nuru guande munguvisi aru. Nuru Balam munguverkurung. Wava gunung kimai iriverkurung, kora meng, kangasi mutatei. ¹² Kur kanurung guande meng Kungaring guande kanurung sip mung siburverung . Kur kanurung kubsubur kamang upunang narkung. Nuru sabursima kumutei, nuru mutukutung nurub narung mi tamutiong, kubur ang kawe, Nuru te amang matamte te kibru nute agreng kim kumusing. ¹³ Nuru ang kungarra wakurra sibur sab nurukunda, sabur nurukung mamang tapurbakrea ang subur. Nuru tindu nurukung meng kub nurukung migurvakre. Wava Kungar nudenungsi umung mandu tame sikang kumberung. ¹⁴ Enok nuru 7 kub Adam muning, nu sabkur ki ave. Iring Wava Kungar nuku Kati Kapu mugumda. ¹⁵ Nudenung kukumbisi yei kuravi simi uring iriverung. Kubsibur migruvi sarung Wava Kungar nudenung aprambi sarea pumnurub tamung anug. ¹⁶ Kur kanurung kutung suburtiong giv tamutiong. Sibursab nurukung migurtiong. Nuru Kungar urutiong nurub nanung ib munguprambisi. Nuru kuravi nudenung migurvisi avutiong. ¹⁷ Nuru Isaninge, naru mi tamumai Isang Kungar arkung ki abusi kaning. ¹⁸ Nadenung kanga abusung, kur ambur ambur avutiong kanurung ki averung nuru Wava Kungar nung kud iguverung sibur sab kanung migurverung. ¹⁹ Hur kanurung Wava gunung hur guburverung, nuru kuravi vinaning kusung migurvakung, Muru Muru nurura ma kitei. ²⁰ Nar Isanginge, naru Wava Kungar mi tamba kinimai Muru Muru kating kune mai narub nanung mi tamai. ²¹ Naru Wava kungaring kutuming kunumai, naru muning kutung mapung kuming. Isang Kungar arkung angar kungar iguva kumber. ²² Naru kuravi mapungsi kumub mai. Naru mutab kukri mai nuru aving uvarundi sibur kungar kumberung. ²³ Naru kutung kunumai kuravi sibur tambakru kandung nurukundi. ²⁴ Wava nudenung kukriver aru muguverma, nadenung sub upunang kating tamber, narnaru'pum magu, naru kutum upunang kumberer. ²⁵ Wava Kungar pabra gaku Isang Kungar arkung adenung mitamber. Nu King kune, muses kukri mai, nangari kumber, muningi kumber kangapasi sikang sikang kumber. yupa.