¹ Na Pol, Yanigelua nomame mile na Yanigelua wan nil kunan epal molua. Na ka minin bole Yanigelua epal i kolerua epal molua teiwa, epal kane i Epises molumwa, epal kani mai Yanigeua Wan pilgi ninim mole siwa kane. ² Mirin golua ya den mirin hura yowa, nenin Yanigelua Wan nene Yal Bil kene mol na tomua. ³ Nene Yanigelua kani dimilero,yal i Yanigelua Wan nen molua, yalin kamin mina kal wai ipe nene kwiamil i aupile diraua. ⁴ Yanigelua komin epe yalin Wan nene kene molam dipilua, gapa i tadikiwa kaun.Yanigelua Yal i nene i kole erua nene dudi mole te gilewape yali molua oplin mina epe ta pai kiram diplia. ⁵ Nale elua Yanigelua Yal komin epe wai kanua,yalin i Wan kunan elua main i nene Yanigelua Wan galmane mopinwa. ⁶ Kal, el elua memin i nene yalkane Yanigelua kani aupile drapino den mirin wai ya tere kal wai el nene yalkane tomyo. Yalin i el elua i Wan kani mile elmio, yalin i Wan i wai pilkire kanimyo. ⁷ Yanigelua wan gain men, yanigelua nene topi si kole ere te nene talame yere na tomua, Yalin i kal eleluwi, nale elm, Yalin i mirin golua i kau si dimua. ⁸ Yalin i mirin golua memi i nomane wai ya te re ka pile ramga dinatomua. ⁹ Yanigelua Yal nomane kusi paua i nol erenatoa, yalin kal nomane la-ipe i nol ele Wan erepra mile pairam dipilua. ¹⁰ Yalin i nomane si korua nale kaune kal kane kane mai siraua, kal i kamin mile ipe dua ya maune gapa mile dua, Yanigelua Wan bilin mile molamua. ¹¹ Yanigelua Yal i nene i kole ere te Yalin Wan kene i taran ele mai siram dipiliwa, yanigelua Yal i el nomane sikorua. ¹² Yanigelua Yal i elelua main i nene yal kane mol wai ere tere Yalin diaupile dire tere diwai elap-a. Nene yalkane hukomine pire Yanigelua Yal Wan pilgi ditere nene dulun bolapino. ¹³ Epal takane ka kauwane pinga, ka i kawaita Yanigelua Yal Wan an yalkope eni kole eraua ka. En yalkane Yanigelua Yal Wan pilgi ditanga Keke Mama Kwiamil hon mine en yalkane mon-a lai dimwa, ka dikomin ere korua. ¹⁴ Kekemama Yal kol suldua nene yalkane kal tata ipe Yanigelua Yal dipalua ipe iranwo,kali i koran-a nene yalkane yalin kani aupiledo. ¹⁵ Kal el elua maini na komin ipe pilga en yalkane pilgi Yanigelua Wan Yal Bil ditanga ya wai kanua memim pilgi epal ditanga Yanigelua Yal i en yalkope eni kole erekorua. ¹⁶ Na kama ya tere Yanigelua diwai yoa huraua ta dikio, ¹⁷ Na kama el yeka, Yanigelua Yal na Yal Bil molua Wan, Yali kamin audua lai molua yalin i Kekemama Yal nomane wai ya te ka wai kal tata diau dramo, nale eluo en yalkane monga lai hunol naua. ¹⁸ Na kama yeki el yeka den murun laime audiraua en yalkane molo, nene yalkane pilapga Yal Bil nale kal elna toa, na kama elyaka Yal Bil ipe kal wai yowa en yalkane iranga di dipalmio. ¹⁹ Na kama elyaka en yalkane pilanga Yanigelua Yal yoplan gile wenan ta dua nene yalkane aupiledua nene epal pilgi ditrapga, Yanigelua yoplan gile mile nene mopga lai dimua. ²⁰ Yoplan gile Yanigelua Wan komin kunan elua, Yanigelua Wan epal golkorua maule la pawa i kole erua emgai en yalkane hon wene kolipe monwa. ²¹ Yalin Wan aupiledi milipe eraua epaltau nol maune eraua epal bilin mina molua ya kiape molua ya kal tata yoplan pawa ya wai ya ki molua ya kal tata yoplan pawa kamin mile waneua. Yanigelua Wan emgai ya egu kal tata i Yanigelua pile kane elua. ²² Kal kane kane i Yanigelua Wan hon mile yowa niligom epal molua en mol komin ere kaminmile eranga. ²³ El elua niligom epal Yanigelua Wan gain , yalin i kal tata molua lai kausi kunin elua, niligom epal molanga lai yomua.