¹ Iau e Pita,apostle ne Isu Kristo iau a herea ra raukea i lakea ne matou e huriki tara ri luhoi tora ne vona,Deo kunana i pasi nege vona kunana.Iau a herea i lakea ne matou a tara ri made o Pontius,Galasia,Kapadosio,Esia,Britinia. ² Deo tata ne teu i pasi matou maia ia kunana i luhoi pali hosi na hanuna,Deo i pasi teu tege muri mai e Isu nKristo na darana e Isu i rata teu te bele manga e tune Deo.Mavonga e Deo i rata kamumu ne matou i rata matou moto made hate puru ma vakaroro. ³ Teu lobo te kavu rike a rane Deo,erei i made manga e Deo tamane viri dagi ne teu lobo Isu Kristo!na rane, Deo i rata kamumu hateka ne teu te bele karaba tabu. A palupu manga Deo vaka hadongo mule e Isu Kristo na tang ne huriki a bakovi ri mate, ⁴ Ia i pasi teu na ni bolena virika maki kamumu ia i ru pali ne teu,re virika maki kama ge hale.Uka,ra maki nga virika maki kamumu bara si bole na hunu. Deo bari mata kari matou na ni tora dagi ne vona e Isu.Deo i bole mule matou pali na ni tora dagi na uvo manga ia bari mata kari kamumu matou ni lobona parava. ⁶ Ioe o vivi,na rana,ara maki e Deo i ngaru ni rata ge bele pali ngane bara moto hataki hale na parava i kapo na ni bole a ni madihi turana a maka ni mava. ⁷ Re virika ni toni i bele na ni vakasiri kava a ni luhoi tora ne matou,ia i polo taroa gol miki hale,bara ni gutu na kanono ni gi mata kilala ra makea gol muholi o i uka.Ra hini nga i bele ni vaka siri a ni luhoi tora ne matou bari habi a rana dagi turana bagetu i lakea na parava e Isu Kristo i bele kava. ⁸ Matou kama moto masia na matane matou uka moto ngarua.Matou kama moto masia ngane kunana uka matou moto luhoi tora vona lakea moto vivi ne Isu hateka, ⁹ Ngane matou moto bole a maki nikani na ni luhoi tora ne matou,narana vuhuna matou moto luhoi tora lakia e Deo i bole mule matou na naro hale. ¹⁰ Hosi e hurikia profet ri taki talea ni ta ne Deo i vakasiria ne vona,pali ge navai e Deo ge kona mule teu lakia ria rigi mata kilalea kamumu re virika maki nga. ¹¹ Muri ri ngaru ni pala vona ra hanune Deo i tabuli pololilo ne ria lakea rigi ta vona.Pali ria ranga rigi pala vona ara parava i ta vona.Narana,ra hanune Deo i taki ria pali,maia tuna bakovi bari bole a ni madihi pali bari mate na kai tavalavala muri e Deo bari kavu rikea bari habia vona a rana i dagi i polo meli liu. ¹² Deo i taki tou maia kama ranga a maki i bele,uka,ne matou kunana.Ria ri taki talea ne matou,narana,Deo i rudua a hanu kiripiripi na hunu i kori ria na ni rata maia.Lakea re virika ensel ria ranga ri ngaru ni pala vona ra ngava muholi ne Deo i bole mule teu. ¹³ Mavonga matou moto nugu tora ni luhoi i kamumu,matou moto pesi tora lakea moto lohoka maia matou bara moto bole a maki kamumu i rupuru e Deo ne vone matou na parava e Isu Kristo i bele kavakava. ¹⁴ I manga kunana a koma i longo a ngava i muri maia,nahea ni luhoi ni hanune tabu na naro hale moto hataro pali. ¹⁵ Mavonga e Deo i pasi ioe ne vona,ia i made kiripiripi,manga ioe o mavonga o made kiripiripi na naro lobo na leho ioe o rata. ¹⁶ Ni here pali i tabuli,"moto made kiripiripi na rana,iau a kiripiripi." ¹⁷ A ri ioe,o gale"tata"ia bakovi pala ni luhoi kado a leho ne virika viri ala taku i ramaia leho ria ri rata,mavonga matou moto leho turana ni magenge i lokovonga i harena na parava i lobo. ¹⁸ Matou moto lohoka maia e Deo kama i bole mule mua na gol turana silva maki keme ge hale pali moto nahani muri maia a naro i hale,moto tovo hosi ne huriki e tubune matou. ¹⁹ I uka,e Deo i kona mule matou turana darana kamumu ne Kristo ia i manga a sipsip i ala taku i uka a ngarava a gutu ge tabuli vona. ²⁰ E Deo i pasia e Kristo hosi na maki lobo i bele vona ra malala iea.Pali ra ni luhoi iea i tabuli kapiloho i vatovotovo turana ra tahuna ne teu ngane i bele kava. ²¹ Na leho e Isu Kristo te luhoi tora ne Deo erei i vaka hadongo mulea na lovo na ni mate pali i habia vona a rana i dagi pali a ni luhoi tora ne teu bari bele tora pololilo ne Deo. ²² Narana,matou moto muri mai a ngava muholi ne Deo i rata matou moto kiripiripi na naro ni ngaru e huriki ranga turana ni made ni tamudi puru ma. ²³ Ioe o bele karaba pali,kama na tuna maki ni kani i hale,pali ioe o bele na tuna maki ni kani kimi hale.Pali ra ngava iea ia ngava ne Deo i tahoka ni mahuri. ²⁴ Narana,"huriki a bakovi a ngatavine ri manga kukuni turana bagetua kamumu i tabuli na tahuna a bagetua ne ria i tabuli popote lakea i kere i boru puru, ²⁵ Pali a ngava ne Deo ia i tabuli vakaroro ia ra velenga kamumu mete taki talea ne matou.