¹ Koya sa tu mai nai vatekivu, o koya kitou a rogoica, o koya kitou a raicia i na mata i kitou, o koya kitou a varaicia sara, ia a tara na liga i kitou, na vuku ni Vosa ni bula; ² (ka sa varaitaki na vu-ni-bula, ka kitou a raicia, ka dautukunia, ka vatakila vi ikodou na vu-ni-bula tawa mudu, o koya ka jiko vata ki Tamana, ka sa qai varaitaki mai vei kita;) ³ o koya kitou a raicia ka rogocia, kitou sa tukunia vi ikodou, mo dou viwekani kinia ki keitou; ia kitou sa viwekani kinia vata ki Tamada, ki na Luvena o Jisu Karisito. ⁴ Ia kitou sa vola na vika ke vi ikodou, me vayacori sara kinia na nomudou marau. ⁵ Ia ke nai tukutuku keitou a rogocia mai vi koya, a sa tukunia vi ikodou, ni sa rarama na Kalou, a sa reva sara vi koya na butobuto. ⁶ Kevaka eda sa kaya eda sa viwekani kaya, a sa ia nai valavala butobuto, eda sa seni liga, ka sa reva ni caka na djina: ⁷ ia kevaka eda sa ia nai valavala ni rarama, me vaka sa tu i na rarama o koya, eda sa qai duiviwekani vata, a sa vasavasavataki kita mai na ca kece liga na dra i Jisu Karisito na Luvena. ⁸ Kevaka eda sa kaya sa reva ni tu vi kita na ca, eda sa vakaisini kta, a sa reva ni tu vei kita na djina. ⁹ Kevaka eda sa vatusa na nodai valavala ca, sa yalodjina ka yalododonu o koya me bokocia na nodai valavala ca, ka vasavasavataki kita mai na ka kece liga sa reva ni dodonu. ¹⁰ 10Kevaka eda sa kaya eda a reva ni valavala ca, eda sa senitaki koya, a sa reva ni tu vei kita na nona vosa.