(Gandum Dan Ittabin gol) ¹ Naomi Ae bo zen in olekam zep talegu sibile, "Ano wenamtal, samha hom dekasti'In `e`e de emdikin sowen hen kan gwen hap de zisi hakal klan hapye? ² We waela menzen eban mae syal tagwean desa angkan Boas hom bigwe biri daara, hwena n`e`no maemo waebose? Zen hwena orapna ankam, gandum su hlaikta sibi ira, gandum dan itata gwen golak. ³ In zep hosa awa, timnni hen minyakkan weirgul suk, pekeamomka dawem naka alaso, kim gandum dan itta gwen goesan songgwe, hw`e`na zen bab zen tamegen, em eitsiblin tembane gwesirnik dephen ho otak sibir nikdep. ⁴ Indekan nongka takiniak, emki zeno tumnainsa hiason kimtil zeno deyola insa kim talusuk tana nakon dirim takinin hapye dekam sa emsa gublu insa em syal guwibi iraye. " ⁵ Rut bak dekam zep gupluk kitak eminsa asa tunbi ina asa anggwebir." ⁶ Dekam zeb zen songgwek zeremo gwe gwen san depyo dekam zep zen syalgwe bik insa ae bosem hamal gulbikye zebe hap dekam ol ei sili insa hamal gulbik aebosem. ⁷ Boas sul soneka tembanena hen honainsa oddeka dekam zep enho isrepsre naban gowe halka dekam zep song geka dekan zep Rut baktil halzak balknenkan deyola insa talusuk anek Boas bak motan nakonne dekam zep takinsik. ⁸ Dekan zep ngirin aren naban Boas, Rut soka timni kare lerog unnuk dekam zep hlaulku takinzin nak tana nakonye. ⁹ Dekan zep takin sibirki em nara "Ae Rut bak ebon de babu gwen wenya ansan emki kwang gulhazan." ¹⁰ Boas, dekam ding gul birki diki emsasa biyan dakas tilbiri walas em ema kowasang na insa abe hap sul sonebi ira mamtangankan in zep ae ziwalas hap hakal srem gowek men kire-kire srem, zini hen men kire-kire beyam-bya ziri. ¹¹ Angkam walas na bahem eirin ayasa syal gwibir em insa abe gwibi iraye, inzep tingare zini eenak awe emsa dam nulsuk em dawem tanganna. ¹² Inzep angkam em eiwana ae an zen em sade damtasin hipye ano golek nakye abon anakon-denaye. ¹³ Em awek gwe namende arapna angkam kaan kaank emsa dedwam gebinkim sa emsa gol sonnera dawem nenkan dikire den syal gwibik maehap dende dowam gwem sremkan golsonen hap inzep Bian den ngaya gowen zi." ¹⁴ Dekan zep Rut takinik Boas motana nakon zaozep htik kizep Rut liwek dekon hom zini tame nuik Boas gubirki, bapzen tamegun anakan wenamtola man hata zak ano gowe gwen sandep. ¹⁵ Dekam zep etan gubirki golhalza deyola insa daulkuke dekam hilgilsik dekan zep hilgilsik dekan zep Boas aka sibirki aha eretah atap ahan en sul sonenkan obwagana etan em yalta sikirin deyol mowasan dep dekan zep songgowek esan depye. ¹⁶ Dekam Rut hatak aebozik onakon aebozem taken sibirki, ano walasna banakan waiha dekan zep dinggul bluk in desa Boas syal gwebirkiye, zebe hap denaye. ¹⁷ Mantakin siblik zen man golblaka aha ereta hatap aha enka obowagana ebehap golblak sap zenman asa gubirki kim em songgowen eremo aebon osan." ¹⁸ Aebon zem dekan dinggulbirki em eitsin walas ekakim em tame gul bana kare wae joweak sap zi walasna anhom damla si ini."