¹ Yunus dekam zep Alapsa husus gweblaka hen jal gweblaka. ² Dekam zep gusoneblaka, Yahwe e mes(e) nonol, gwehan sr(e)m nak emsa gubluk. Sap (e) mes(e) emsa tawa gweblak, zebe sap enlala gwek e'an bahabe song gwe'an, sap zensa kirekam gweibiri. Zen zeb(e) sap Spanyolsan dep heya gwe'ak, sap e mese emsa tame tak, em s(e)rkam de jal jal tanganna. Em sap kae kaena hen kwasang kwasangna. Hw(e)na em sangan kame jal gwe gwenda, hen em sap sae saena. Eno kalangna zisi de karek tabin hip dena, ema nabakam wet gulsuk gwenda. ³ Yae, Yahwe, diki e t(i)n bab(e) nama gwen. ⁴ Yahwe kisep dinggul blika, em waba hap bahap de jal gwen hap. ⁵ Yunuskim kirekam Alapsa salblaka, dekam zep Niniwe kon yakla hata sezan san dekam song gweka. Zewe gola mes kluk gulku zewe de duwisnik nikirin hip. Dekon de Niniwesa kara tan hap sanha sa timbwas gwera. ⁶ Dekam zep Yahwe gubirki bowa dan makarinik de saltin hip. Yunus de zeno ala (i)lt(i)k(i)nn(i)k nikirin hip. Dekam zep hendep salt(i)k, Yunus man tangan isrip sri gwebirki. ⁷ Hw(e)na zao kim hweng gwek, Alap dekam zep bet(e)kola gubirki, bowa tenya insa em hen dep angkam klwimdan. Dekam zep boneng gwek. ⁸ Yaklana kim sal sal gwezaka, dekam zep Alap asese sal sala yakla hatasezan nakon de tain hip gubluka. Yunussu zep nolak z(i)ls(i)bl(i)ka, dekam zep sin gwe hanaka. Dekam zep enlalana dowebla hanaka hen tinh(i)p zenaka zertalo'anka, diki e t(i)n, bab(e) nama gw(e)n. ⁹ Hw(e)na Alap etan tru tru gul bluka, ali tol, em bahabe waba hap jal gwebiri. Bowadanna in, sanki eno dena. Yunus kizep hw(e)na dinggul bluka, eiwa kire hab(e) jal gwe'an, ki anik t(i)k. ¹⁰ Alap dekam zep gubluka, o,tanena in aha ere orapkam salt(i)k, zewede yaklana dekam zep boneng gwek, otanena in em home salt(i)nh(i)p gubirki hen em home bombo gul gwenda, hw(e)na sap kirekam em hw(e)na namae em bwan gwebi'iri. ¹¹ Ee h(e)n kirekame (E) yala Niniwesa kwasang gweblak sap (ze)we de walasna beya tanganna 120.000 enkam man taman k(i)n(i)'an, zen hom anakan kles noso'an, an dawemna, an karekna. Zeno maemo otweran zahona hen beya tanganna. In z(e)b(e) kwasang gwebiridak.