Yunuskim Bian Mo Ol san ang gwe sr(e)m gwekake: ¹ Orep Yahwe ngatan zimo Lang nakon, Amitai bak mo tanena Yunus osan ola golsoneka. ² Zen man gusoneblaka, (E) yala Niniye san em song gwen. Z(e)we de zini s(e)rkam de jal jal tanganna z(e)be mae hap eka (e)halen hap de olsa tonbirida. Sap (e)e ama enlala gwe'an, timbwas tabin hip. ³ Yunus hw(e)na hom Niniwe san dep song gweka, zen hw(e)na dekam heya gweka Yahwe onakon dikim langa gwes(i)n h(i)p. Zen (e)na Yope san dep song gweka hw(e)na dekam zep Spanyolsan dep de bulsu goltoweka. Dekam zep dekam de z(e)we ang gwen hap de te alasa golzimki, dekam zep sewe seka. Buluk de syal tagwen wenya in han zep ap dekam Spanyol san dep sek gwek. Mehap Yunus in ang gweka Alap onakon dikim langa gwes(i)n h(i)p. (Hina kim mamkam gw(e)p gwep gwekke) ⁴ Yunus dekam zep Bulu in mo otde klibu nak ati gwineka, hw(e)na nisi ze taguk halka, totokkam ze hendep taka. Kizep hw(e)na Yahwe ase sena gubluka hina iwe de ta(i)n h(i)p, dekam zep hendep ase sena jowezaka, hina mam en tangankam zep gw(e)p gwep gwek Bulu in hendep man gwi gwak gwek maka hlang nek. ⁵ Buluk de syal tagwen wenya in dekam s(e)rkam (e) a(i)r(i)k, zere mae mo alap alapsa naher he birida gwe'ak. Dekam zep zere mae mo kire kirena Hinak yaldanuk. Dekam de jahalha gwen hap keing gwen sr(e)m hap. Yunus nama otde teksonnak ta'anka, zen hom tame gu'unka. ⁶ Dekam zep buluk de syal ta gwen zimo mamna otde tekson san ati gwe ineka, dekam zep Yunussu nitan tannak hlata'anka. Zao zep gubluka em bahap nini ta'ara! em luwen! Emki hen ere mo Alapsa abe tan w(e)h(e) n(e)sa embwan gwebirda'anka, h(e)ndep ngaya tabi'nka? ⁷ Dekam zep buluk de mam zini in han Yunus hun tak(e)ka buluk de syalta gwen wenya in dekam zep zenaka nen biridak, nenki t(e)blan narasa wehe kim damlas(i)'(i)k, an zepki kirekam karekna ansa hlaku inye. Dekam zep d(e)blak men kiye dobe abukam de damtas(i)n(i). Dekam zep Yunussu dam das(i)k. ⁸ Kizep dakens(i)bl(i)k, em basae ngip gulku zepki karekna an lwa'anye? Em ondan wal? em bahabe awe gw(e)'ara? ⁹ Dekam zep dinggu zimki, (e)'an Ibrani wal. (E)e Yahwe sade betek gweblan zi, ngatan zimo Langnak de Alapsa. Zen zen hinaban kama naban yang susuku. ¹⁰ Hw(e)na (e)e ama Alap mo Olsan ang gwe sr(e)m gwek z(e)b(e) Z(e)bon onakon heya gwezak. Kim kirekam (e)sak karekkam zep (e)a(i)r(i)k. Dekam zep nen blak eno ngip nunnu man tangan taman k(i)n(i)k. ¹¹ Dekam nama ki ngepna mam gwes(i)k, Dekam zep daken s(i)bl(i)k, (e)e banakam asa emsa (e)blal dekam de ho gw(e)pna an tewes(i)n h(i)pye? ¹² Kizep ding gulzimki, Asa hinak dep takla ink, dekamsa ngepna an tewes(i)l. Sap (e)e mese tame gulum, eiwa abe hap ki lwabal s(e)rkam de ngepna anye. Eiwa, ama emsa karek tabir. ¹³ Hw(e)na zen hom sap dwam n(e)blak takta irin hip hw(e)na bulu insa sap hoskan alpsan dep alp neibi'ik, hw(e)na ngepna man tangan etan mam gwes(i)k gwe'ak, zep sap nakabik. ¹⁴ Kizep nen byak, are Yahwe Yunus mo Alap, (e) ama zini ansa takla in'in, hw(e)na zeno kala bahem abe mae hap ngero gulzimdin. (E)e babe juwen. Hw(e)na Yahwe, em mese ansa syal gwebiri zen sap Ere Mo dwam gwebin sin. ¹⁵ Kizep Yunussu hinak hirida inek, dekam zep hi ngepna in tewes(i)k. ¹⁶ Owasna insa de hlaunkum dekam zep buluk de syal tagwen wenya in s(e)rkam Yahwesa na(i)r(i)blak. Dekam zep Yahwe hap otwerana blomda birblik, hen man nen gubluk (e)asa kire kiresa Ebe hap lobla blal. ¹⁷ Hwena Yahwe hogwe yala mes hamal gulku zen de Yunussu ala gweblan hap. Zen zep ala gweblak. Zewe gweka yaklana dan ahan, orapna dan ahan.