¹ Zaode yaklanak, dekam zep Yusufsu nenbyak, bian, "Eno bianna angkam mes tagan sabak gwe,ara." Yusuf dekam zep walas dare zem Efraimne Menasye neka guzimki hlatan hap de sek gwen hap. ² Yakub sakim neblak Yusuf mes hatanda, dekam zep d(e)re nakde nikirin hip alp gweka. ³ Kisep Yakub Yusufsu gubluka, "Soson zini Alap man abon Lus hataka, Kanaan mo langnak zao zep abe hap dawemna golblaka. ⁴ Zen manz(e) asa gubluka, (E)asa ebehap auyan aza tane walya beya gulblul. Z(e)nsa (e)beya gwesong gwer h(e)ndep ziausu yawal hapsa (e)jower. Hen kamana an,eno auyan aza tanewal hap asa golzim z(e)nsa h(e)ndep denaban bineibir. ⁵ Zep Yusuf em m(e)se ziwalasna (e)e de hatazan sr(e)mnak Mesirk awe w(e)soka. (E)e ama eno walas darena ansa enlala gwezimnin sande aremo walas darena Rubenne Simeonne. ⁶ Zep emde etan walassa weiwik gunkum, z(e)n desa esa ena bigwibiridala hw(e)na z(e)nh(e)n Efraimne Menasye nikmo oso walkamsa lowehe gwer. ⁷ (E)e kim(e) Padan Aramkon song gwe,anzak, ano elalana mantangan dowehanaka, Rahelkim Kanaan mo langnak oranak Efrata golek denak t(i)lz(i)k. Zao z(e)b(e) h(e)ndep Efrata oranak iwe lodwanuk." Ena in desa angkam Betlehemkam nen gweblanan. ⁸ Yakub inkim Yusufmo walas darena insa akeka, kizep taken s(i)k(i), "An nara walas?" ⁹ Yusuf kizep bizem insa dinggul bluka, An ano walas dare mensa Alap Mesirk abe hap teisyablakake." Dekam zep Yakub gubluka, "Emki ansan golek de sozan (e)aka dawemsa golzimk. ¹⁰ Yakub mo nwena dekam mes tangan hwalen hwalen n(e)blak sap m(e)s tangan bogol gweka. Yusuf dekam zep walas darezem insa bizem osan dep golek de sozaka, Yakub dekam zep babangson naban bolk-bolksoka. ¹¹ Kizep Yusufsu gubluka, "(E) ama k(i)lg(i)k (e) moly(e) emsa etan hlatak. Hw(e)na Alap mo syalakon ki lwanan z(e)b(e) h(e)n eno walasna hlauludanan!" ¹² Dekam zep Yusuf walas darezem insa bizik mo tahanakon etan teisya inki, kizep z(e) hw(e)na boklena kom soblaka nwemase nakim h(e)ndep kamanak taineka. ¹³ Kizep hw(e)na walas dare zem insa bizebon golek de sozaka, osozem Efraim irgwatahasan dekam zauku z(e)na zini Menasyesa damtahasan dekam zauku. Hw(e)na Yakub man tahana lidak soka, damtahana Efraim hom teha ineka irgwa tahana hw(e)na Menasye hon teha ineka. ¹⁴ Dekam zep Yakub dam tahana (i)n(i)n susuku Efraim mo nolak teha ineka osozem menzen sap irgwatahasan dekam zau,unka, hen irgwa tahana (i)n(i)n susuka aya zem Menasye mo nolak teha ineka menzen sap damtahasan dekam zau,unku, Yakub mo tahana man hw(e)na lidak n(e)blak. ¹⁵ Dekam zep Yusuf mo walas darena inhap anakare olaban dawemna golzimki, "Ano azana Abrahane Isakne men desa Alapna betek (e)blaka, Alap menzen asa yakla jamkam karata gweka ee de nama gwennak hen Z(e)remo dam tahanakore zini menzen asa banakare karek jal-jalakon (i)ln(e)he gwebak, emki walas darena,an hap dawemsa golzimdim. Dikire walasna,an onakon, ano bosena hen ano azana Abraham hen Isakmo bosena ayang nulsong gwek, hen dikire z(e)no maemo auyan aza tane wal auhu kama wala ansa zikim sunul sone song gwek. ¹⁷ Yusufkim bizem insa hlataka damtahana Efraim hom teha inera, zen hom sam gwes(i)k(i). Dekam zep Yusuf bizik mo dam tahana insa Efraim mo nolakon teisya blin hanaka Mensyemo nolak de hw(e)na tehabla inenhap. ¹⁸ Anakare olaban, kirekam bahem Bian, 'Oso zem an zen irgwasan dekan zau,ura. Dam tahana nonol walasna Menasye onak em tehainen." ¹⁹ Hw(e)na Yakub manjataka, man gubluka, "Ano walas (e)e tawana. Menasye mo auyan aza tane walya ziausu soson hapsa (e)jower. Sap eiwa kirekam Efraim mo dena zen tangan se(r)kam de ziausu soson tangan hapsa (e)jower h(e)n z(e)no auyan aza nakon zi ausuna satangan (e)beya gwesong gwer. ²⁰ Yaklana z(e)n dekam Yakub walas darena inhap dawemna golzimki,"Zep angkam k(i)tak de Israel zini aha zihip de dawem golzimdinkim enonik mo bose gubin nibansa dawena nolgwezim. Zen anakansa (e)gu gwer, "Dikire Alap ep dawemna golblak menkirekam Efraimne Menasye nikip golsimkiye." Zen inzep Yakub Efraimsa Menasye onakon nonol taka. Kizep hw(e)na Israel bak Yusufsu gubluka, "Molya hologwek, (e)-e dekam asa t(i)l, hw(e)na Alapsa emsa karata gwera h(e)n emsa zerlwahala eremo auyan aza mo langsan depye. ²² Hw)(e)na (e)asa hen langna sr(e)n ebe enhap golblal, kwatap langna mensa Amori zi ausunak jana nebokkam de gol(e)ijankam algukke.