¹ Kizep h(e)ndep Yakub mesir sindep gol(e) gwahalka, z(e)remaemo bi gweblandan kire-kirena k(i)tak kapdak. Kim Bersyebak gol(e)ya(i)ng gweka, zao zep otweran zahona zi blomtabirki desa de bizen Isak mo Alap hap zitrutas(i)k seblan hap. ² Kam zep Alap eisirkim Yakubsa ola tonblaka, "Yakub, Yakub!" Kizep dinggulbluka, "E'ande.'' ³ Alap kizep gubluka, "E'an Alap, eno bian mo Alap. Bahem a(i)r(i)n Mesir sinde song gwen hapye, sap z(e)n z(e)we asa eno auyan aza tane walya zi ausu yawal hap liyulsoner. ⁴ (E)e asa emsa karata song gwer h(e)ndep Mesir hata'anka, hw(e)na aha yaklakam (E)e asa etan eno auyan azana Kanaan sandep gol(e)lwanda halzal. Em Yusuf hun esa (e)gwera h(e)ndep t(i)'(i)nka." ⁵ Dekam zep etan Bersyeba kon Mesir sindep gol(e)gwahalka. Walas zen kire-kirena k(i)tak kereta-keretana insa Teips(i)n zini kaptasonezim kike. Yakub, h(e)n aebo walzen walas bete-tek naban, z(e)we hen sesek gwesek. ⁶ Zen k(i)tak de z(e)re mae mo kire-kirena k(i)tak entangan kapdak hen sap otweran zaho maena mensa Kanaan mo Langnak de lowehe gwenkam zaho dagwebik. Yakub mo auyan azana tane walya k(i)tak entangan angtak Mesir sin dep, ⁷ abu tane walkam dena hen sap aza tane walkam dena zen k(i)tak angtak mesir sindep. ⁸ Yakub mo walasna menzen Mesirsin angtak an zen: ⁹ Ruben, zen nonol walas; z(e)no walasna: Henokh, Palu, Hezron hen Karmi. ¹⁰ Simeon; z(e)no walasna: Yemuel, Yamin, Zohar hen Saul, zen kanaan wenyak weiwik gulku. ¹¹ Lewi mo walasna: Gerson, Kehat hen Merari. ¹² Yehuda mo walasna: Syela, Peres hen Zerah, hen Yehuda mo ahakore walasna, Er han Onan han Kanaank l(i)lk(i). Peres mo walasna: Hezron han Hamul hun. ¹³ Isakhar mo walasna: Tola, Pua, Ayub hen Simron. ¹⁴ Zebulon mo walasna: Sered, Elon hen Yahleel. ¹⁵ Zen in k(i)tak Lea mensa Mesopotamiak Yakub hap weiwik gublukke, wenam tola henki ahaen Dina. Zep Lea onakore walas sade a(i)binni, aza tane abu tane walyaban k(i)tak beyana tiga pulu tiga enkam. ¹⁶ Gad mo walasna: Zifyon, Hagi, Syuni, Ezbon, Eri, Arodi hen Areli. ¹⁷ Asyer mo walasna: Yimna, Yiswa, Yiswi, hen Beria hen wenam tola Serah. Beria mo walasna Heber han Malkiel han. ¹⁸ Enam belaskam de zini in Yakub mensa Silpa hom weiwik gulkuke, z(e)no aza tane abu tane wal. Silpa in Laban mensa wenam zem Lea hap gulbirkike z(e)bon de babu gwen hap. ¹⁹ Yakub mo aha we walya Rahel z(e)no walasna dan Yusufhun Benyaminhin. ²⁰ Mesirk Yusuf walasna dan w(e)soka, Mensyehan Efraimhin Wezem Asnat hon w(e)soka, Putifera mo wenam Heliopolis de Alap mo golak syal gwe-gwen zimo. ²¹ Benyamin mo walasna: Bela, Bekher, Asybel, Gera, Naaman, Ehi, Ros, Mupim, Hupim hen Ared. ²² Empat belas kande zini in, Yakub mensa Rahel hom weiwik gulkuke z(e)no mae mo walas hen aza tane abu tan wal. ²³ Dan, Huzim ensa w(e)taka. ²⁴ Naftali mo walasna: Yahzeel, Gumi, Yezer hen Syilem. ²⁵ Tujulam de zini in, Yakub mensa Bilha hon weiwik gulkuke, Laban mensa wenam zem Rahel hon de babu gwenhap golbirkike. ²⁶ Yakub mo Walasna hen auyan aza tane walya in z(e)n Mesirsin sek gwek beyana k(i)tak enam pulu enam enkam, mare wal aebo walsya de a(i)tb(i)n sr(e)makam. ²⁷ Yusuf mo walasna mensa Mesirk w(e)soka dan-dan, zep Yakub mo walas, abu tane aza tane wal, hen mare aebo wal in zen Mesirk ya(i)ng gwek beyana k(i)tak tuju pulu enkam. ²⁸ Kim nama Gosyemk ya(i)ng gwe sr(e)m gwe'azak, dekam zep nonol Yehudasa Yusuf osan dep n(e)rsonek, langna Gosyem insa hohle nulzin zep de etan dawemkam takens(i)bl(i)n hap. Yakub mo walas gol(e)sek gwezan zini inkim Gosyemk ya(i)ng gwek, ²⁹ Yusuf dekam zep gubiridaka, kereta zemka de hohle sonblan hap, kiz(e)p h(e)n dep song gweka bizemka de kwang tan hap. Kim bizemka zertoweka, hole nakon zep bolk-bolk tanka h(e)n holokam gona gw(e)blaka. ³⁰ Yakub kizep Yusufsu gubluka, "Angkam (e)e sap asa dawemkam til, sap (e)e m(e)s(e) eno nwemasena hlatablanan h(e)n m(e)s(e) anakan tawa gweblanan em namae ngaya nik gw(e)'ara!'' ³¹ Dekam zep Yusuf ola golzimki Ayawal osowalzem in hap hen k(i)tak insa bizem gol(e) ya(i)ng gwezaka, "(E)asa Mesirk awe de Teips(i)n zisin dep song gwer anakan de tawatan hap, ano bianna, ayawal osowalya hen k(i)tak de ano iye walya m(e)s Kanaan kon ya(i)ng gwenan zal. ³² (E)e asa hen anakan tawatal zen in otweran zaho tagwebin zi, hen zen man z(e)re maemo otweran zahona kapnul halzak, hen k(i)tak de z(e)re mae mo ahakore kire-kirena. ³³ Teips(i)n zini inde emsa akan taken sibirida'anka, eno mae mo syala ba, ³⁴ em anakan ding ulblik, "(E)e bete teknakon (e)ki hendep otweran zaho tagwebin syalak syalta gwek, aremae mo auyan aza wal mokim.' Dekam em hen dep kire syalak esa Gosyemk awe syal tagwer otweran zahosa de ta(i)z(i) gwibinkim. Yusuf kirekam de dinggul blun hap enlala sobiridaka sap Mesir zihip otweran zaho ta gwebin syala zen ol lamang syal."