¹ Tahuna kim dan damak, dekam zep Mesir mo teipsin tangan zini in eisiri taka, eisirkim weya yala Nil mo alpnak sau'unka. ² Eisirkim, sapi tul-tul hanapnasa hlauludaka tuju enkam, weyana Nil kon wetso gwek, kizep h(e)ndep sona weya alpnak iwe dwenblan danasen'ak. ³ Kizep h(e)n ahakore sapi kla-klana karek karek tangannik tuju enkam weyana ingkon h(e)n teso gwek, weya alpna iwe h(e)n (e) zaunu sen'ak, apdenan tujukam de sapi hanapnana in han. ⁴ Dekam zep hw(e)na sapi kla-klana in, sapi tul-tul hanap nana insa dwens(i)bl(i)n dak. Kisep hw(e)na teips(i)n zini in luwezaka. ⁵ Kim etan taka, dekam zep etan (e)isiri ta'anka. Eisirkim tujukam de gandum sirsa lwauludaka aha ere gandum timnik emas gwink. Tujukam de gandum sirya in dawem dawem tanganna ei en naban. ⁶ Kizep hen etan tujukam de aha gandum sirya hlauludaka zao hen (e)salt(i)l'ink. Zen yakla sal-sal h(e)n yakla hata segwezan nakore asese hap (e) yok gwek h(e)n (e) sasan gwek. ⁷ Dekam z(e)p hw(e)na tujukam de gandum sir sa sanna in, gandum sir dawem-dawemna insa alala n(e)blandak. Teips(i)n zini in dekam z(e)p etan luwezaka h(e)n tame gulku an hare eisirsi amam ki tanan. ⁸ Kaan kaknak teips(i)n zini in mantangan eisir zem insa husus gwe-gwebi'nka. Dekam zep Mesirk de hlaul-hlaul zisi h(e)n elala blalabare zisi gusonebiridaka, zao zep eisir zem insa z(e)be mae hap tonbiridaka. Hw(e)na z(e)bon mae onakon ahaen mae hom eisiri insa sr(e)p gulsubluka. ⁹ Dekam zep teips(i)n zini in hap de anggur ho syal gwe-gwibirblin zini in gubluka, "Namen(e) hw(e)na enlala gwenan, (e)e ama karek gwek. ¹⁰ Teips(i)n zini bian, em mendekame ahakore erehon de syaltan zini s(e)rkam jal gwebiridaka, dekam asa ebe hap de roti syal gwe-gwibin zimo nolaban bwinak de seso irinhibe gubiridaka. (E)naka de karata gwen hapde jana nabare zimo nolikz(e) asa karasoka. ¹¹ Dekam kam (e)e ama eisirsi landak, eisiri in enlala naban. ¹² Bwinak z(e)we Ibrani wal zeiwiri gw(e)'ara, menz(e)n emsa de kara tagwen janabare zimo mamnak babu gwekaye. (E)e ama desa arenik mo eisiri insa lonblak, dekam zep ap srep gulsuzimki anakan akirekamsa lwal. ¹³ H(e)ndep menkirekam asa tonzimki kirekam zepki h(e)n k(i)tak lwak: (E)e etan aremo syalsan deb(e) lwahak, hw(e) roti sya gwe-gwebin zimo nola insa man dak tokna tenyak zep bukdusuk sonek.'' ¹⁴ Dekam zep teips(i)n zini in zini gubiridaka Yusufsu de kwangtan hap. Dekam zep nabakam Yusufsu bwinakon n(e)ser sonek. Yusuf dekam zep zagwana lans(i)k(i) h(e)n baju dawemna alasoka, kizep teis(i)n zini in osan song gweka. ¹⁵ Teips(i)n zini in kizep Yusufsu gubluka, "(E)e ama eisirsi tak, hw(e)n hom mae apsrep nulsubluk. (E)e ama anakan sal em kiye eisiri srep gulsuk gwenda.'' ¹⁶ Yusuf kizep dinggul bluka, "(E)e b(e)j(e)n(e) Bian, zen diki Alapsa ebe hap eiwa de tanganna srep gulsubluala.'' ¹⁷ Teips(i)n zini in, dekam zep eisir zem insa Yusufsu tonblaka, "Eisirkim (e)e weyana Nil mo alp nake zau'uk, ¹⁸ dekam z(e)b(e) sapi hanap nana hlauludak weyana Nil kon teso gwezak dekam zep h(e)ndep sona weya apnak iwe dwenbla'ak. ¹⁹ Kizep h(e)n etan weyana inkon sapi kla-kla karek-karekna weso gwek. Kirekam de sapi karek-karek kla-klana hom(e) mae Mesirk awe hlauludak! ²⁰ Sapi kla-kla karek-karena inzep hw(e)na sapi dawem-dawemna insa dwens(i)bl(i)ndak. ²¹ Zen sap man sapi yawal-yawala insa dwenblandak, hwena namaki kla-kla tangan nik lowehek. Kizeb(e) hw(e)na luwezak. ²² Etan kim(e) takinik dekam z(e)b(e) etan eisiri tak. Dekam gandum sir sae tuju enkamkam hlatandak, eini dawem-dawem tanganna aha ere gandum timnikon (e)teso gwek. ²³ Zao h(e)n etan tuju enkam gandum sirya teso gwek, z(e)n yakla hatase gwezan nakore ase-sehap h(e)n yakla sal-salhap (e)kla-kla gwek h(e)ndep (e)sasan gwek. ²⁴ Gandum sir sa-sanna in zep hw(e)na gandum sir dawem-dawemna insa ala-la n(e)blandak. (E)e m(e)s(e) sap eisiri ansa hlaul-hlaul zini tonbiridak hw(e)na zen aha ere maena hom anakan guku in kirehap de eisir,'' ²⁵ Yusuf kizep teips(i) zini insa dinggulbluka, "Dare eisiri in, dam gulsunnu apdenak. Alap m(e)s bian emsa tawata gulu men desa Z(e)na syal gwebin hip kalang gwe'araye. ²⁶ Tujukam de sapi dawem dawemna h(e)n tujukam de gandum sir dawem-dawemna dam gulsunnu apdenak, z(e)n akirekam mo, tuju tahunkam sowehen tangankam esa lowehe gwer. ²⁷ Hw(e)na tujukam de sapi kla-klana h(e)n tujukam de gandum sirya inzen yakla hatasezan nakore ase sehap h(e)n sal-salhap (e)-sasan gwek, desa de damgulsunnu tuju tahunkamsa usak yawala lwal. ²⁸ Men kirekam(e) nonol emsa gublulke, Alap m(e)s Bian emsa hamal hap gu-gublula men desa Z(e)na syal gwebi'inkaye. ²⁹ Tuju tahunkam Mesirk awe sowehen tangankam esa lowehe gwer. ³⁰ Sowe h(e)n kam de tuju tahunkam lowehenna inkim taman'ak, z(e)n dekamsa hw(e)na Langna awe usak yawal karekna hatal. ³¹ Karek yala inz(e)n hata'ak, esa tangan husus eibir h(e)ndep esa eiti ti eibir men desa nonol sowehenkam lowehe gwek desaye. ³² Dare eisiri in, dekam bian bak, Alap emsa tawata guku, damgulsunnu, Alap meski kalang gweka zep kirekam saki h(e)ndep lwal. Zen nabakam saki kirekam syal gwebiri. ³³ Teips(i)n zini bian bak, z(e)p angkam emki zisi tewes(i)n n(i)ka h(e)n enlala blalaka teblan. Desa damtas(i)k z(e)n deka Mesir mo langna ansa dawemkam syal gwebirki. ³⁴ H(e)n aha kore zini emki h(e)n bian bak damtasibin, zen deka t(i)ngare Mesirk de zimo o-bil taransa ahakore hlik naka betekkam nol gwek. Tuju tahunak ankim sowehenkam lowehe'anke, dua pulu persenkam de nol gwek t(i)ngare zimo taran nakonye. ³⁵ Z(e)n kirekam gandumnu tagal lak, tuju tahun nak ankim sowehenkam lowehe'anye. Anakan bian bak gubirida, dikire Mesir mo (i)r(i)kg(i)n (e)-(e)nak kang dan dak h(e)n dawem enkam dez(e) kara dagwek. ³⁶ Gandum lamtanna in dekam esa tuju tahunkam de usak yawala in hatannak Mesirk awe lowehe gwer. Dekam eno (i)r(i)kg(i)n zini molya usak hap juwek.'' ³⁷ Teips(i)n zini in man z(e)remo taha trisoblan ziniban Yusuf mo ola insa zi dokwak gulku. ³⁸ Dekam zep teips(i)n zini in zeremo taha trisoblan sini insa gubiridaka, "Ee home aha zi maena dawemna enlala gwebla'an, Yusufsu de kwetasone k(i)n(i)n naye zen de kirekam syal gwen hapye! Sap Yusufsu, Alap Mo Enho zer gw(e)'ara, inzep tangan enlala blal gweka.'' ³⁹ Dekam zep teips(i)n tangan zini in Yusufsu gubluka, "Alap m(e)s k(i)tak insa emsa tawataka, (e)e m(e)s(e) tame gul em tewes(i)n tanganna h(e)n enlala blal tanganna hom tangan awe aha zini eban de apde (e)n naye. ⁴⁰ (E)e asa Gubernurkam emsa awe dr(e)ner, ano (i)r(i)kg(i)n ziausuna an, eno ol sansa angta gwer. (E)-en asa ebon onakon teips(i)l.'' ⁴¹ Zen inzep angkam (e)e ama emsa t(i)ngare Mesir awe Gubernurkam dr(e)ne'an, t(i)ngare Mesir side (i)r(i)kg(i)n h(i)p.'' ⁴² Dekam z(e)p Teips(i)n zini in, z(e)remo tahanakon cincinni merinki desa zep hw(e)na Yusuf mo tahanak alatasone blaka. Teips(i)nk(i)m de (i)r(i)kg(i)n h(i)p dena cincinni in z(e)we. Dekam zep h(e)n teips(i)n zihip de baju dawemna ala soblaka h(e)n emas nakonde syal gweblan kalungna holenak alata soneblaka.'' ⁴³ Teips(i)n zini ini, kizep Yusufsu kereta kuda nak de sewesen hap gubluka, teips(i)n zimo otdenak de zini men dekam Mesir iwe nol(e) sekgwe-gwenanke. Teips(i)n zini in sade karata gwen hap de jana nabare zimo mamnik zep Yusuf su t(i)ngare Mesirk iwe zert(e)nasenka h(e)n t(i)ngare Mesir de zisi tagal guludaka, zao de anakan tawatabiridan hap, zini an hap bklena komla gweblak, sap Mesirk awe Yusufsu mes drenera z(e)remo otdenakon de teips(i)nk(i)m (i)r(i)kg(i)n h(i)p. ⁴⁴ Kizep etan Teips(i)n zini in Yusufsu gubluka, "(E)e sap teips(i)n tanganna z(e)n, hw(e)na aha zi maena molya langna awe banakare maena syal gwebirki emsa de tawatan sr(e)mkamye.'' ^45-46 Kisep h(e)n teips(i)n zini in aha bosena Yusufhup mas gulbluka, Zafnat-Paaneah. Dekam zep h(e)n wenya golblaka bosena Asnatsa, Potifera mo wenamsa menz(e)n (e)na Heliopolis Alap Mo Ol ayang gul gwekam gw(e)kake. Yusuf mo gwen tahumna dekam tiga pulu tahunna inkim Mesir mo teips(i)n zimo irgwa tahanakon teips(i)nkim h(e)n syal gwekaye. Dekam zep Yusuf teips(i)n zini inmo gw(e)-gwennakon song gweka t(i)ngare Mesir mo langsa de amjan bir song gwen hap. ⁴⁷ In kim tuju tahunnak sowehen tangankam lowehek, beya tangankam gandumnu dan gwek. ⁴⁸ Zep haun-tahunna inkam, Yusuf t(i)ngare Mesir ziausu mo gandumnu, z(e)nkim dan gwek, dua pulu persenkam tagam tagweka. Z(e)w(e) de gandumnu insa kangta gwen hap, gol-golsa k(i)tak de Mesir mo langnak iwe, hohle tabiridaka. ⁴⁹ Gandumnu insa tagamta gweka, dekamtangan zep (e)-beya gwek hinak de hisglim makan z(e)no beyana banakan dep aitblinna. ⁵⁰ Usak yala inkim Mesir hata sr(e)m gwe'ak, Yusuf no wenya Asnak dekam zep zi walasna dan w(e)sok. ⁵¹ Yusuf nonol walasna insa Menasyekam zep mosetaka, sap z(e)n man guku, "Alap m(e)s abehap golblaka dekam de karekna mendesa goltowen dak desa (e)ititi gwibin hip dena, hen aremo bian, aya wal-oso walsa de (e)ititi gwebirida hap dena. ⁵² Z(e)we de walasna desa Efraimkam bosetaka, sap z(e)n man h(e)n guku, "Langna'an z(e)w(e) karekna goltowe gwek, hw(e)na Alap m(e)s dawem hap ap liyulsoneblala." ⁵³ Tuju tahun nak kim zauk, dekam zep h(e)ndep sowehenkam de Mesir lowehenna zausuk ⁵⁴ zao kim etan tuju tahunak hatak dekam zep hendep usak yawal hap de karekna in'kon gwes(i)k hanak menkirekam hendep Yusuf gukuke. Usak yawala in t(i)ngare Lang-langsan hatandak, hw(e)na Mesirk tembane hap hom (e)tahal-hagwek. ⁵⁵ Mesirk de zini, z(e)nkim usakna (e)-sabak gwe-gwek, dekam zep teips(i)n zini, in osan sekgwe-gwek tembane hap de abe tanhap. Z(e)n hw(e)na Yusuf osan de sekgwen hap zep gubirida gweka, anakan Yusufsu lakens(i)k gweblak (e)e basa asa syal (e)ibir. ⁵⁶ Usak yawala inkim mam gwesong gwe'ak, t(i)ngare Lang-langsan, Yusuf dekam zep gandumnu inzao kangtandaka desa talusundaka. Mesir zihip dikim te-alakam lidak tagwebir zimdin hip. ⁵⁷ Dekam zep t(i)ngare Lang-lang nakon Yusuf hon ya(i)ng gwe-gwezak te-alakam de gandumsu z(e)bon kapta gwen hap. Sap usak yala in s(e)rkam de karek tangan inik k(i)tak de Lang-langsan hatan dak.