¹ Hw(e)na wanyana man tangan tewes(i)k(i) t(i)ngare Teips(i)n zini Yahwe mo yang tabin oteran nakon zisi de yasik tan. Wanyana in, dekam zep wenya insa taken sibirki, san eiwa Alap man emsa jalse gwezimki em de t(i)ngare tenya an mo dan naka ol gwen gwibin hipye. ² Wenya in kizep dinggul bluk, ee sap asa twinbir ngana awe de tenya an mo dannaye, diki aha en, ³ men zen nga ng(i)r(i)nn(i)k zau'unke. Desa man ap goljalse gwezimki, bahem oran hen bahem mae olk'un, ki hendep dekam esa l(i)l(i). ⁴ Dekam zep dinggu zimki, em molye l(i)lk(i). ⁵ Alap mes tawa gweka em de ol gwen binkim eno nik mo nwena dekamsa hweng neizim. Dekam Alap zere mokim (e)sa (e)gwera. Zen dekam esa anakan kles oso gwera, elalana an dawemana an karekna. In zep ep gol sriwe zimki. ⁶ Dekam zep wenya in enlala gwek tetanna an, dawemna hen nwe masena dawem tanganna. Ee ama dwam gwe,an nwenik de hleng nen hap anik onk. Dekam zep hendep twin bik. Zini men deban (e)'ak aha naka zep zebe hap golblahak. Zen hen dekam zep twin birki. ⁷ Kim ol gwen bik, dekam zep hendep nabakam enlalana hleng neizimk, hare (e)an irkanke. Dekam zep te alasa layar bik desa de darak lan hap, tenya ara mo alasa. ⁸ Kam en tangan zep Teips(i)n zini Yahwe sa asal gubluk nganak iwe t(e)na sen'anka. Dekam zep te ausunak aning (e)blak. ⁹ Kizep zep zini insa taken blaka, em endawe gwe,ara. ¹⁰ Dekam zep dinggul bluka, (e)e kie sap sasak-sasakna emsa asal gublul hw(e)na ama emsa a(i)r(i)blal zebe emsa aning (e)blal sap e'an irkan. ¹¹ Dekam zep taken s(i)bl(i)ka, naraki emsa gublula irkare gwen hapye? Em bahabe twenbiri tetan danna mesa ep go sr(i)we blakye. ¹² Dekam zep dinggul bluka, wenya mensa ena ap golblakake zen tetan danna insa ap golblal, (e)e zeb(e) twinbir. ¹³ Dekam zep Teips(i)n zini Yahwe wenya insa gubirki, em bahabe kirekam gw(e)ra? Kizep ding gulbluk asa wanya ahap gulu, (e)e zebe twinbir. Alap kim kareknak yalgul nekake: ¹⁴ Dekam zep Teips(i)n zini Yahwe wanyana insa gubluka, em mese kareksa syal gwebiri, zebe kareksa ebe hap weyul soneblanan. T(i)ngare otweran nakon, em ene karekna w(e)yu'ura. Em muskum esa song gwe- gwera hen sonsa esa twin gwibiri hendep kien esa gwe gwera. ¹⁵ Em esa wenya in han g(i)l g(i)l (e)gwera, eno auyan tane walyaban, wenya in mo auyan tane walyaban sa z(e)naka g(i)l g(i)l neibirida gwer. Zeno auyan tane walya ahana sa eno nola ga(i)k g(i)l g(i)bl(i) hanala. Em hw(e)na tana umunak esa hit tira. ¹⁶ Kizep hw(e)na wenya insa gubirki, emde u gwenkam, jaha gwennak ebe hap asa sang sangna mam gulbir. hl(e)s gwan hl(e)s gwan naban esa jaha gwe gwera. Hw(e)na nama esa deban ere mo zini dwam gwe gweblala. Hen zensa hendep emsa bi gwebiri. ¹⁷ Kizep hw(e)na zini insa gubluka, em we'uk mo ol sae sala, tetan danna mensa ep gol jalse gwezimk mese hendep twinbiri. Em mese karekna gola, zep kamana ama heip gu'un, syala dohon hon naka esa gol gwera dekam de tembane gwe gwen hapye. Hendep kire enkam esa gw(e) gwera. ¹⁸ Emde ngasa eiyas tablankam, zao hensa (e)sal t(i)l gwer eno dwam gwebin sr(e)mna hen ng(i)sa emsa serdya gwer. Eno eiyas tan sr(e)mna esa tahal ha gwenkam twin gwibiri. ¹⁹ Hendep kirekam esa gw(e) gwera. Karekkam esa syal gwe gwera irse gwen baban, dekam de tembane gwe gwen hapye. Hendep kamasan esa etan lwahala sap emsa kama nakone yang tas(i)k. ²⁰ Adam wezem insa Hawa kam bose gulku, Sap zen t(i)ngare ngaya gwen zimo anyan. ²¹ Dekam zep Teips(i)n zini Yahwe tweran sop nakore pakeansa syal gwebir zimki, desa zep alala lak. ²² Dekam zep Teips(i)n zini Yahwe guku, angkam zini mes kles osok, an elalana karekna an dawemna. Men kirekame Aena kles sokke. In zep angkam ama baes gwe'an, zen de hendep de gwen hap denaka oran hapye. ²³ Zen in zep ngana Eden kon zi alsa soneka, hendep dekon zep kamana syal ei gwibik z(e)naka men dekon yang tas(i)k(i)ke ²⁴ Kim zi alsa soneka, dekam zep syauk nubare n(e)bokna ngana in mo yakla hatasezan san loneka. N(e)bokna in zen wal wale gwe-gwenan dekam de zi oran sr(e)m hap hendep de gw(e)n hap de tenya in mo einika. Hen zeremo dam taha nakore zisi gubiridaka orana insa de kara tagwen hap. Zide oran hap hatazan sr(e)m hap.