¹ Naomi wakele na kabushoko ka munalume wendi, munalume wakulema wa muyati wa Elimeleki4, wa lithzina lya Mbowasi. ² Lute, munakathzi wa muyati wa Moabite, wendekele na Naomi ngwendi,"Njitabethe njiye njikapupulule bimbuto bya binona binathala mu lihya. Njika kabangeya woshe woshe uje yaka njithzibila mema ku mbunge." Cho Naomi wendekele kuli ikeye ngwendi, ya munange." ³ Ngechibene Lute waile na kupupulula bije byathalele mu mahya muje mubamanethele kuteja. Cho hasholokele ngechi kuma wakele mu lihya lya Mbowasi, wa naanga ya Elimeleke. ⁴ Omo kwetile kathimbu, Mbowasi wethzile kutunda ku Mbetelehema cho wendekele na bakakuteja ngwendi, "Njambi akale amo neni." Cho bamukumbulwile ngwabo, "Njambi akubethzikithe." ⁵ Cho Mbowasi wendekele kuli ngamba yendi uje wapwile ntwama wabaka kuteja ngwendi, "Kuli munalume iya kwapandama ou mumbanda?" ⁶ Uje ngamba wa mukumbulwile ngwendi, " Ikeye uje munbanda waku Mowabi wethzile na Naomi kutunda ku lifuti lya Mowabi. ⁷ Wendekele nange ngwendi, 'Echeleni njipupulule na kunena amo mbale ya mau mwa munima ya baka kuteja,' Nethzile kuno nakutwalelelaho kutunda mutondo na kweta thimbu ino, ngechi na hwiminako kathimbu kakandondo mu njubo." ⁸ Athinoni Mbowasi wendekele kuli Lute ngwendi,"Kuma kuwethi nakutolilila kuli yange, munange? Kethi uye nakupupulula mu lihya lyeka; kethi uthethze lihya lyange. Oloni kala hano upange amolika na baka kupanga bange babambanda. ⁹ Aka mesho obe like mu lihya muje bali nakuteja banalume cho kabangeya munima ya bakwabo banakathzi. Kunja shikile ba kwenje ngwange kethi bakukwate ndi? Oshe aje authzibila lihwila, ya nakunwa mema mu binjaba bije bibana tekula bakwenje." ¹⁰ Cho wawile ku mesho endi halutwe ya Mbowasi na kuthsikama athi. Cho wendekele nendi ngwendi, "Omwo bikajo njinawanena ngothzi ya ngachije ku mesho obe na kwaka mbunge ali yange, muka kwija?" ¹¹ Mbowasi wamukumbulwile na kwendeka ngwendi, "Njina tambula muthzimbu, bije byoshe biwa lingile kutunda aje munalume wobe wathsile. Unathethze ba isho, banyoko na lifuti lyobe liwa themukila na kukabangeya ba nyokomweno cho unaija ku baтu baje kuwathzibukile. ¹² Njambi akwane chikandelela abije walingile. Utambule fweto ya kushula kutunda kuli Shukulu Kalunga, Njambi wa Isalela, mwithi ya mambaba endi una wana bikingo. ¹³ Сho wendekele ngwendi," Etheka njiwane kutetela ku mesho obe, Shukulu yange, una njithimpitha mu mbunge, na kwendeka na ngothzi kuli yange, nameme kunja pwile amo na umo a bangamba bobe ba banakathzi. ¹⁴ A thimbu ya kulya Mbowasi wendekele kuli Lute ngwendi, "Ija kuno, ulyeko likende, tanta likende lyobe mu binyu ya binenga." Watumbamene amolika naba kakuteja, cho wamwanene mbale ya kwocha. Ngechi walile noho wakutile cho wathethzeleho bikwabo. ¹⁵ Omu wakatukile kuya na kuupulula, Mbowasi washikile bakwenje bendi, ngwendi, "Mutabeni a pupulule mbale nameme kuje kunalundama mikuta, kethi mumubindike embwe. ¹⁶ Cho nawa mushomweneni mbale imo a mikuta, cho muthethzeleni linga akapupulule, kethi mumutenukile embwe. ¹⁷ Ngechi bene wapupulwile muje mu lihya noho chingwethzi. Cho ajungwile ije mbale ya pupulwile, buje bunona bwapwile kuyehi na makilo likumi a mbale. ¹⁸ Waikakwile cho nomu waile muje mu nganda. Cho baina- mweno bamwene bije bya pupulwile. Lute lalo wa tuhwile mbale ya kwocha kubya kulya byendi cho nomu wa mwanene. ¹⁹ Inamweno wendekele nendi ngwendi, "Kulijo kuuna papulwila lelo? Unaile na kupangela kuli?" Njambi abethzikithe ou munalume nakuthzibila ngothzi." Lute walekele baina mweno bya munalume ou wakele na lihya lyendi muje akele na kupangela. Cho wendekele ngwendi, "Lithzina lya munalume ou babenya lihya munjinakele na kupangela lelo ikeye Mbowasi. ²⁰ Naomi wendekele na baina- mweno, "Njambi amubethzikithe, ou kathethzele bikulaetho byendi kuli baka kuyoya na kuli bathsi." Naomi wa mulekele ngwendi, "Uje munalume ikeye muka bulo bwetu, ikeye umo wa baje batha kutunyunga. ²¹ Lute uje munakathzi wa ku Mowabi wendekele ngwendi, "Chili bene, nendeka nange ngwendi, 'Kala kuyehi na bakwenje bange noo bakamanetha kuteja. ²² Naomi wendekele kuli baina- mweno Lute ngwendi, "Mwamubwa, munange, kuya hamo naba kabipangi bendi ba bambanda, linga kethi baka kubulumune mu lihya lyeka." ²³ Ngechibene wakele kuyehi nabaka bipangi ba Mbowasi linga ba pupulule mbale na tiliku kweta naku mamanethelo. Wakele amolika na baina- mweno.