¹ Chimweno cha Obandiya. Cho Shukulu Njambi wendekele amuyati wa Endone. Tunathzibi lijwi lya tundu kuli Yehoba na muluwa bana mutumu hakati ka miyati ,ngweni, "Katukeni! Tuyeni libwayetheleni tukalwithe thzita nendi! ² Kenga, njikakupwitha uwamundondo hakati ka miyati; baka kuyeluwitha. ³ Mbunge yobe yakulyaletha inakukwithi, yobe wakala mu chipaka cha mamanya, yobe watungila limbo lyobe hakamwa ya minkinda; cho ulyendeketha mu mbunge yobe ngwobe, "Iyajo atha kunjiwithila hathi?" ⁴ Nameme upulwila mwilu ngwe ngonga na kutungila njubo yobe hakati kabi ngongonothi, njikakuwithila athi—omo mukemwo mwa nendeka Yehoba. ⁵ Oshe bethzi baija kuli yobe, oshe bingumba baija na buthsiki—bati baku biyithila! kuma ku ba kwibi lika muje mwoshe mubashakela? Omo ba ka kupotola bushuka bwa ku mi binyu baija kuli yeni, kuma ku ba kathethzeko bya bindondo? ⁶ Omo oni byuma bya Isau mu ba ka bushandwela, bufuko bwendi bwa shwekele ba bwibi! ⁷ Banalume boshe ba wa lithzibathanene nabo bakutuma mungila yobe kunginga. Cho banalume ba wakele nakuyoya nabo bwino mukwoloka bakamikwitha nakukwalumukila. Baje boshe mwalile nabo bakamitela mweto. Kumwethi kuthzibithitha muli ikeye. ⁸ "Kunjikatha hali lije litangwa"— Echi chikecho kulumbununa cha Yehoba— "nyongetha banalume ba mangana bamu Endome na kuthyzibithitha cha kutunda ku munkinda wa Isau. ⁹ Banu bobe bakutakama ba kulwa boshe bakabatsiya, Temane, mangana munalume woshe baka mubatulako kutunda ku munkinda wa Isau boshe bakuba thsiyanga. ¹⁰ Mwafwa walwothzi lwalingiwile kuli ndolome yobe Yakomba, ukathziba shwamwa, cho bakakubatulako haya myaka. ¹¹ Halitangwa liwemanene kujeneka kulinga bimo, hali lije litangwa balitangila bambatele bufuko bwendi, na balitanginga bakobelele mu bikolo byendi, na kulipangethzela Yelusalema, wapwile ngwe umo wabo. ¹² Oloni kethi mulyalethe na tuyando twa bandolome bobe halitangwa lije, halitangwa lya kubindama chendi, cho kethi ukabwaelela ha banu ba Yunda hali tangwa lya kubanyongetha; mukalyalethe ha halitangwa lya tuyando twabo. ¹³ Kumwapandele kukakobela mu chikolo cha banu bange hali tangwa lya tuyando twabo; kethi mukalyalethe ha tuyando twabo halitangwa lya bukalu bwabo, kethi mukambate bufuko bwabo halitangwa lya tuyando twabo. ¹⁴ Kethi mukemane a mathambwangila ku keetha banu bendi baku bomboloka, cho kethi mukane banu bendi baje banoboka hali tangwa lya tuyando twabo. ¹⁵ Litangwa lya Shukulu lya ku sompetha mafuti oshe. Nge omu walingi, chikalingiwa kuli yobe; bilinga byobe bikelukila a mutwe wobe babenya. ¹⁶ Ngechi omu una nwila lindulu lyange lya kuthzila, cho mukemwo na mafuti oshe a ka nwila o kutwalelelao. Bakanwa na kumina cho lalo chikpwa ngwe ku ba themukile. ¹⁷ Oloni a lilundu lya Siyone a kala baje baka bomboloka, cho likapwa lya kuthzila, cho na njubo ya Yakomba ika shwana bu shwana bwabo. ¹⁸ Njubo ya Yakomba ikapwa tuya, cho njubo ya Yosefwa ikapwa milangi, na njubo ya Isau ikapwa thiula, cho baka benyeka, na kulungula. Kukukapu nambe umo akayoya mu njubo ya Isau, mwafwa Shukulu nendeka echi." ¹⁹ Banu baka Nengebu baka tambula lilundu lya Isau cho banu ba ku chikulo bakatambula lifuti lya ba Filisitini. Bakatambula lifuti lya baka Efelaimu na lifuti lya Samaliya, cho Mbenjamini akatambula lifuti lya Ngileandi. ²⁰ Bithzinda ba mashwalale ba banu baku Isalela ba katambula lifuti lya Kanana kuketa naku Zalefati. Binthzinda baku Yelusalema, aba bali mu Sefalandi, ba katambula bi nganda bya Negebu. ²¹ Banalume baku hyana bakaya na kuketa naku lilundu lya Siyone baka yule lifuti lya munkinda wa Isau, cho bumwene bu kapwa bwa Shukulu.