¹ Yehoba wendekele kuli Nowa ngwendi, "Ija, yobe na baka njubo yobe boshe, mukati kabwati, mwafwa njakumono uwa buthunga kuli yange muthimbu yino itulimo. ² Kubimuna boshe baje bakujela ukanena hamo lika nobe batanu na babali bakumba na batanu na babali ba nkomba naba lwabo. Kutundila ku tuthitu baje bama nthzilo, kuli baje unene babali, wa nkomba nou wa lwabo. ³ Cho nakututhzila ba mwilu, unena batanu na babali bankomba, nakunyungilila bana babo hamo helu lya mabu oshe. ⁴ Cho omu mu matangwa atanu na abali njikalingitha nyothzi kunyoka hano hathi mu matangwa makumi awana amutanya na na matangwa makmi awana abuthsiki. Nji kanyongetha byoshe bije njatengele." ⁵ Nowa walingile byoshe bije Yehoba Njambi yendi wamushikile. ⁷ Nowa wakolele myaka biita bitanu na imo (600) omo libathzi lyethzile hano hathi. ⁶ Nowa, bana bendi , mwebwendi, na banakathzi ba bana bendi ba banaume bakobelele boshe hamoika mubwati mwafwa wa meema a libathzi. ⁸ Tuthitu baje bakujela naba bakwilika kujea, tuthzila, na byoshe bije bika kalaba hano hathi, ⁹ babali babali munakathzi na munaume, bethzie kuli Nowa naku kobela mubwato, ngwe omu Nowa bamushikile kui Njambi. ¹⁰ Omwoni chethzie nakuka hanima ya matangwa atanu na abali, a meema alibathzi lyethzie hano hathi. ¹¹ Mu mwaka uje bene Nowa wetethele mwaka bita bitanu na imo myaka yendi yakuyoya mu ngonde ya muchibali, hali tangwa lilyakwanene likumi na matangwa atanu na abali (17) a ngonde , oho bene ha litangwa limo, twoshe tubwelebwelu twakama twakuloba twatubikile nakushokoloka, cho na binjanena bya mwliu bya sholokele. ¹² Na nyonthzi ya shangumukile kunyoka hathi matangwa makumi awana amutanya na makumi wana abuthsiki. ¹³ Haje bene hali tangwa limo Nowa na bana bendi, Shemi, Hamu,, na Njafeti, na munakathzi wa Nowa, na banakathzi baje batatu babana bendi hamo lika, ba kobelele mu bwato. ¹⁴ Ba kobelele hamolika na tuthitu ba mushwata kwetheketha na muyati wacho. Na tuthitu bakuli thethzathethza kwetheketha na muyati wacho, na tuje twoshe tuka kalaba nambe kwenda kabundondo kabundondo hano hathi chimo na chimo na muyati wcho, na tuthzila bamu yati wakuli thethzathethza wamiyati wacho, na bije bibatanga bika pululuka na mambaba. ¹⁵ Bibali bije byoshe byakala namubila owo bakelemo mwonyo byethzile kuli Nowa na kukobela mu bwato. ¹⁶ Tuthitu twoshe tuje twakobelele twakumubila twakele munakathzi na munalume; bakobelele ngwe omu Njambi wamushikile. Cho na Yehoba wa shokele chikoo ha nima yabo. ¹⁷ Cho nalibathzi lyethzile hathi hamatangwa makumi awana, na meema a shangumukile kutuma na kujundula bwato helu lya hathi. ¹⁸ Na meema afwikile kaye koshe, na bwato helu lya meema, ¹⁹ Meema atwaleleleho noho kutubakana na helu lyamalundu aje akele mwithi ya mwilu yoshe bawafwikile. ²⁰ Meema ayile helu lya malundu nama mita likumi na atanu (15). ²¹ Bije byoshe byakele na kuyoyela hathi byathsile—tuthzila, bimuna, tuthitu ba mushwata, na bije byoshe byabingi byakele na kuyoyela hathi mubwingi, na banu. ²² Byoshe bije batangele bya yoyelelele hathi, bije byoshe bya hwimine na kuhwimina mu majulu, byathsile. ²³ Bije byoshe byakele na kuyoyela haje hathi ba bikombele byoshe njwa, banu na tuthitu na byoshe bije byakee nakukalaba na tuthzila ba mwilu. Nowa lika nabaje akele nabo mu bwato bakebo bathaleleho lika. ²⁴ Meema atumamene hathi matangwa 150.